Gippy Grewal’s Mitran Da Naa Chalda Trailer: ਗਿੱਪੀ ਗਰੇਵਾਲ ਪੰਜਾਬੀ ਫਿਲਮ ਇੰਡਸਟਰੀ ਦੀ ਫਿਲਮ ਮਸ਼ੀਨ ਹੈ ਤੇ ਐਕਟਰ ਹੁਣ ਨਵੀਂ ਫਿਲਮ ਨਾਲ ਆਪਣੇ ਫੈਨਸ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਮਿੱਤਰਾਂ ਦਾ ਨਾ ਚੱਲਦਾ ਬਾਰੇ ਜੋ 8 ਮਾਰਚ, 2023 ਨੂੰ ਸਿਲਵਰ ਸਕ੍ਰੀਨਜ਼ ‘ਤੇ ਆਉਣ ਲਈ ਤਿਆਰ ਹੈ। ਜਿਵੇਂ-ਜਿਵੇਂ ਫਿਲਮ ਦੀ ਰਿਲੀਜ਼ ਡੇਟ ਨੇੜੇ ਆ ਰਹੀ ਹੈ, ਮੇਕਰਸ ਨੇ ਇਸਦਾ ਟ੍ਰੇਲਰ ਯੂਟਿਊਬ ‘ਤੇ ਰਿਲੀਜ਼ ਕਰ ਦਿੱਤਾ ਹੈ।
ਮਿੱਤਰਾਂ ਦਾ ਨਾ ਚੱਲਦਾ ਵਿੱਚ ਗਿੱਪੀ ਗਰੇਵਾਲ, ਤਾਨੀਆ ਤੇ ਸ਼ਵੇਤਾ ਤਿਵਾਰੀ ਦੇ ਨਾਲ ਇੱਕ ਸ਼ਾਨਦਾਰ ਸਟਾਰਕਾਸਟ ਮੁੱਖ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣ ਜਾ ਰਹੀ ਹੈ। ਇਨ੍ਹਾਂ ਤੋਂ ਇਲਾਵਾ, ਫਿਲਮ ‘ਚ ਰਾਜ ਸ਼ੋਕਰ, ਰੇਣੂ ਕੌਸ਼ਲ, ਨਿਰਮਲ ਰਿਸ਼ੀ, ਹਰਦੀਪ ਗਿੱਲ, ਅਨੀਤਾ ਦੇਵਗਨ ਅਤੇ ਹੋਰ ਵਰਗੇ ਕਲਾਕਾਰ ਵੀ ਦੇਖਣ ਨੂੰ ਮਿਲਣਗੇ।
ਵੇਖੋ ਫਿਲਮ ਦਾ ਟ੍ਰੇਲਰ:-
ਮਿੱਤਰਾਂ ਦਾ ਨਾ ਚੱਲਦਾ ਦਾ ਟ੍ਰੇਲਰ ਗਿੱਪੀ ਗਰੇਵਾਲ ਨੂੰ ਇੱਕ ਸਟਮਰ ਮੈਨ ਵਜੋਂ ਪੇਸ਼ ਕਰਨ ਨਾਲ ਸ਼ੁਰੂ ਹੋਇਆ। ਉਹ ਕਦੇ-ਕਦੇ ਬੋਲਣ ਲਈ ਸੰਘਰਸ਼ ਕਰਦਾ ਹੈ, ਤੇ ਦੂਜੇ ਪਾਸੇ, ਤਾਨੀਆ ਨੂੰ ਇੱਕ ਖੁਸ਼ਮਿਜਾਜ਼ ਬੱਬਲੂ ਗਰਲ ਵਜੋਂ ਪੇਸ਼ ਕੀਤਾ ਗਿਆ ਹੈ। ਫਿਲਮ ਦੀ ਕਹਾਣੀ ਇੱਕ ਕਤਲ ਦੇ ਰਹੱਸ ਤੇ ਤਾਨੀਆ ਅਤੇ ਉਸਦੇ 3 ਦੋਸਤਾਂ ਦੇ ਇਸ ਵਿੱਚ ਸ਼ਾਮਲ ਹੋਣ ਨਾਲ ਅੱਗੇ ਵਧਦੀ ਹੈ। ਫਿਲਮ ‘ਚ ਸ਼ਾਨਦਾਰ ਸ਼ਵੇਤਾ ਤਿਵਾਰੀ ਇੱਕ ਵਕੀਲ ਦੀ ਭੂਮਿਕਾ ‘ਚ ਨਜ਼ਰ ਆਵੇਗੀ।
ਅਸਲ ਵਿੱਚ, ਮਿੱਤਰਾਂ ਦਾ ਨਾ ਚੱਲਦਾ ਔਰਤ ਕੇਂਦਰਿਤ ਫਿਲਮ ਹੋਵੇਗੀ ਜੋ ਇੱਕ ਕਤਲ ਕੇਸ ਵਿੱਚ ਫਸੀਆਂ ਨੌਜਵਾਨ ਕੁੜੀਆਂ ਦੇ ਜੀਵਨ ‘ਤੇ ਅਧਾਰਤ ਹੈ। ਫਿਲਮ ਦੇ ਮੁੱਖ ਅਦਾਲਤੀ ਡਰਾਮੇ ਵਿੱਚ ਮੁਟਿਆਰਾਂ ‘ਤੇ ਕਈ ਤਰ੍ਹਾਂ ਦੇ ਇਲਜ਼ਾਮ ਵੀ ਲੱਗਦੇ ਹਨ। ਜਿੱਥੇ ਸ਼ਵੇਤਾ ਤਿਵਾਰੀ ਲੜਕੀਆਂ ਦੇ ਖਿਲਾਫ ਕੇਸ ਲੜਦੀ ਨਜ਼ਰ ਆਵੇਗੀ, ਉੱਥੇ ਹੀ ਫਿਲਮ ‘ਚ ਗਿੱਪੀ ਗਰੇਵਾਲ ਬਚਾਅ ‘ਚ ਲੜਦੇ ਨਜ਼ਰ ਆਉਣਗੇ।
ਇਸ ਤੋਂ ਇਲਾਵਾ ਇਹ ਫਿਲਮ ਗਿੱਪੀ ਗਰੇਵਾਲ ਅਤੇ ਤਾਨੀਆ ਦੀ ਰੋਮਾਂਟਿਕ ਲਵ ਸਟੋਰੀ ਨਾਲ ਵੀ ਫੈਨਸ ਦਾ ਮਨੋਰੰਜਨ ਕਰਨਗੇ। ਲਗਦਾ ਹੈ ਕਿ ਫਿਲਮ ਵਿੱਚ ਐਕਸ਼ਨ, ਰੋਮਾਂਸ, ਕਾਮੇਡੀ ਦੇ ਨਾਲ ਸਸਪੈਂਸ ਦਾ ਵੀ ਪੂਰਾ ਤੜਕਾ ਵੇਖਣ ਨੂੰ ਮਿਲੇਗਾ। ਹੁਣ ਫੈਨਸ ਦੀਆਂ ਉੜੀਕਾਂ ਸਿਰਫ ਫਿਲਮ ਦੀ ਰਿਲੀਜ਼ ‘ਤੇ ਹਨ।
ਮਿੱਤਰਾਂ ਦਾ ਨਾ ਚੱਲਦਾ ਫਿਲਮ ਦਾ ਨਿਰਦੇਸ਼ਨ ਪੰਕਜ ਬੱਤਰਾ ਨੇ ਕੀਤਾ ਹੈ, ਜੋ ਗੋਰੇਆਂ ਨੂੰ ਦੱਫਾ ਕਰੋ, ਬੰਬੂਕਾਟ, ਜਿੰਦੇ ਮੇਰੀਏ ਤੇ ਹੋਰ ਬਹੁਤ ਸਾਰੀਆਂ ਫਿਲਮਾਂ ਲਈ ਜਾਣਿਆ ਜਾਂਦਾ ਹੈ। ਇਹ ਪ੍ਰੋਜੈਕਟ ਜ਼ੀ ਸਟੂਡੀਓਜ਼ ਅਤੇ ਪੰਕਜ ਬੱਤਰਾ ਫਿਲਮਜ਼ ਦੁਆਰਾ ਪੇਸ਼ ਕੀਤਾ ਗਿਆ ਹੈ। ਫਿਲਮ ਦਾ ਟ੍ਰੇਲਰ ਵੇਖਣ ਤੋਂ ਬਾਅਦ ਇਸ ਤੋਂ ਕਾਫੀ ਉਮੀਦਾਂ ਹਨ। ਦੱਸ ਦਈਏ ਕਿ ਇਹ ਫਿਲਮ ਸਿਨੇਮਾਘਰਾਂ ਵਿੱਚ 8 ਮਾਰਚ, 2023 ਨੂੰ ਰਿਲੀਜ਼ ਹੋਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
