Google Pixel 7a and Pixel Fold Launch Date: ਗੂਗਲ ਦੀ Pixel ਸੀਰੀਜ਼ ਨੂੰ ਲੋਕਾਂ ਵੱਲੋਂ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ। ਅਜਿਹੇ ‘ਚ ਫੈਨਸ ਆਉਣ ਵਾਲੇ ਸਮਾਰਟਫੋਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਪਿਛਲੇ ਕੁਝ ਸਮੇਂ ਤੋਂ ਅਫਵਾਹਾਂ ਚੱਲ ਰਹੀਆਂ Google Pixel 7a ਤੇ Pixel Fold ਦੀ ਲਾਂਚ ਡੇਟ ਹੁਣ ਸਾਹਮਣੇ ਆ ਗਈ ਹੈ।
ਇੱਕ ਰਿਟੇਲ ਲਿਸਟਿੰਗ ਦੇ ਮੁਤਾਬਕ, ਗੂਗਲ ਦੇ ਇਹ ਦੋਵੇਂ ਆਉਣ ਵਾਲੇ ਸਮਾਰਟਫੋਨ ਜੂਨ ਦੇ ਮੱਧ ‘ਚ 15 ਤੋਂ 20 ਤਰੀਕ ਤੱਕ ਲਾਂਚ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ, ਇਨ੍ਹਾਂ ਦੀ ਪੁਸ਼ਟੀ ਕੀਤੀ ਤਾਰੀਖ ਦਾ ਅਜੇ ਖੁਲਾਸਾ ਨਹੀਂ ਹੋਇਆ ਹੈ।
ਦੱਸ ਦੇਈਏ ਕਿ Pixel Buds A-ਸੀਰੀਜ਼ ਦੇ ਇੱਕ ਨਵੇਂ ਬਲੂ ਵੇਰੀਐਂਟ ਬਾਰੇ ਵੀ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਇਸ ਨੂੰ ਦੋਵਾਂ ਸਮਾਰਟਫੋਨਜ਼ ਨਾਲ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ। ਦੱਸ ਦਈਏ ਕਿ ਇਨ੍ਹਾਂ ਤਿੰਨਾਂ ਡਿਵਾਈਸਾਂ ਦਾ ਐਲਾਨ ਸਭ ਤੋਂ ਪਹਿਲਾਂ ਗੂਗਲ I/O ਈਵੈਂਟ ‘ਚ ਕੀਤੀ ਜਾ ਸਕਦੀ ਹੈ।
ਪਿਕਸਲ ਫੋਲਡ ਸਟੋਰੇਜ ਵੇਰੀਐਂਟ ਲੀਕ ਹੋਇਆ
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਿਕਸਲ ਫੋਲਡ ਇੱਕ ਸਿੰਗਲ 256GB ਸਟੋਰੇਜ ਮਾਡਲ ਵਿੱਚ ਆ ਸਕਦਾ ਹੈ, ਹਾਲਾਂਕਿ ਪਿਛਲੀਆਂ ਰਿਪੋਰਟਾਂ ਵਿੱਚ 512GB ਸਟੋਰੇਜ ਵਿਕਲਪ ਦੇ ਵਿਕਾਸ ਦਾ ਸੁਝਾਅ ਵੀ ਦਿੱਤਾ ਗਿਆ ਸੀ। ਫੋਲਡ ਦੋ ਰੰਗਾਂ ਵਿੱਚ ਆ ਸਕਦਾ ਹੈ ਜਿਸ ਵਿੱਚ ਕਾਰਬਨ ਤੇ ਪੋਰਸਿਲੇਨ ਸ਼ਾਮਲ ਹਨ। ਗੂਗਲ ਸਮਰਪਿਤ ਕੇਸ ਵੀ ਲਾਂਚ ਕਰ ਸਕਦਾ ਹੈ, ਜੋ “ਹੇਜ਼ ਮਿਡਟੋਨ,” “ਪੋਰਸਿਲੇਨ,” ਅਤੇ “ਸਕਾਈ” ਕਲਰ ਆਪਸ਼ਨ ‘ਚ ਆ ਸਕਦੇ ਹਨ।
ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ Pixel 7a ਦੀ ਕਥਿਤ ਸੂਚੀ ‘ਚ 128GB ਸਟੋਰੇਜ ਵਿਕਲਪ ਦਿਖਾਇਆ ਗਿਆ ਹੈ, ਜੋ ਪਿਛਲੇ ਫੋਨ Pixel 6a ਵਾਂਗ ਹੈ। ਫ਼ੋਨ “ਕਾਰਬਨ”, “ਕਾਟਨ” ਅਤੇ “ਆਰਕਟਿਕ ਬਲੂ” ਕਲਰ ਵਿੱਚ ਆ ਸਕਦਾ ਹੈ। ਆਉਣ ਵਾਲੀ Pixel Buds A-ਸੀਰੀਜ਼ ਬਾਰੇ ਜਾਣਕਾਰੀ ਸਾਫ਼ ਨਹੀਂ ਹੈ।
Pixel 7 ਹੋ ਸਕਦਾ ਹੈ Google Pixel 7a ਵਰਗਾ
ਗੂਗਲ ਪਿਕਸਲ 7 ਏ ਅਤੇ ਪਿਕਸਲ ਫੋਲਡ ਪਿਛਲੇ ਕਾਫੀ ਸਮੇਂ ਤੋਂ ਅਫਵਾਹਾਂ ਦੀ ਮਿੱਲ ਦਾ ਹਿੱਸਾ ਰਹੇ ਹਨ। Pixel 7a ਦੇ ਮੌਜੂਦਾ Pixel 7 ਦੇ ਸਮਾਨ ਦਿਖਣ ਦੀ ਉਮੀਦ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਫੋਨ 6.1 ਇੰਚ ਦੀ ਡਿਸਪਲੇ ਦੇ ਨਾਲ ਆ ਸਕਦਾ ਹੈ। ਡਿਸਪਲੇਅ ਕਥਿਤ ਤੌਰ ‘ਤੇ ਫੁੱਲ-ਐਚਡੀ + ਰੈਜ਼ੋਲਿਊਸ਼ਨ ਅਤੇ 90Hz ਰਿਫਰੈਸ਼ ਰੇਟ ਦੀ ਪੇਸ਼ਕਸ਼ ਕਰੇਗੀ। ਬਾਅਦ ਵਾਲਾ ਕਾਫ਼ੀ ਅਪਗ੍ਰੇਡ ਹੈ, ਕਿਉਂਕਿ ਪੁਰਾਣੇ Pixel A-ਸੀਰੀਜ਼ ਫੋਨਾਂ ‘ਤੇ ਉੱਚ ਰਿਫਰੈਸ਼ ਰੇਟ ਡਿਸਪਲੇ ਉਪਲਬਧ ਨਹੀਂ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
