ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਐਤਵਾਰ ਸ਼ਾਮ ਨੂੰ ਗਾਂਧੀਨਗਰ ਪਹੁੰਚੇ ਅਤੇ ਆਪਣੀ ਮਾਂ ਹੀਰਾਬੇਨ ਮੋਦੀ ਨਾਲ ਮੁਲਾਕਾਤ ਕੀਤੀ। ਪ੍ਰਧਾਨ ਮੰਤਰੀ ਭਲਕੇ 5 ਦਸੰਬਰ ਨੂੰ ਗੁਜਰਾਤ ਚੋਣਾਂ ਦੇ ਦੂਜੇ ਪੜਾਅ ਵਿੱਚ ਅਹਿਮਦਾਬਾਦ ਵਿੱਚ ਆਪਣੀ ਵੋਟ ਪਾਉਣਗੇ। ਦਰਅਸਲ ਦੂਜੇ ਅਤੇ ਆਖਰੀ ਪੜਾਅ ਲਈ ਚੋਣ ਪ੍ਰਚਾਰ ਦਾ ਰੌਲਾ ਰੁੱਕ ਗਿਆ ਹੈ। ਵੋਟਿੰਗ ਦੇ ਦੂਜੇ ਪੜਾਅ ਲਈ ਸੋਮਵਾਰ ਨੂੰ ਮੱਧ ਗੁਜਰਾਤ ਅਤੇ ਉੱਤਰੀ ਗੁਜਰਾਤ ਵਿੱਚ ਵੋਟਾਂ ਪੈਣਗੀਆਂ। ਮੱਧ ਗੁਜਰਾਤ ਅਤੇ ਉੱਤਰੀ ਗੁਜਰਾਤ ਦੇ 14 ਜ਼ਿਲ੍ਹਿਆਂ ਦੀਆਂ 93 ਸੀਟਾਂ ‘ਤੇ ਵੋਟਿੰਗ ਹੋਵੇਗੀ। ਜਦਕਿ ਪਹਿਲੇ ਅਤੇ ਦੂਜੇ ਪੜਾਅ ਦੇ ਨਤੀਜੇ 8 ਦਸੰਬਰ ਨੂੰ ਐਲਾਨੇ ਜਾਣਗੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਅਹਿਮਦਾਬਾਦ ਵਿੱਚ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ। ਇਸ ਦੇ ਨਾਲ ਹੀ ਅਮਿਤ ਸ਼ਾਹ ਸਮੇਤ ਕਈ ਵੱਡੇ ਨੇਤਾ ਇਸ ਪੜਾਅ ‘ਚ ਵੋਟ ਪਾਉਣਗੇ।
ਦੂਜੇ ਪੜਾਅ ਵਿੱਚ ਆਉਣ ਵਾਲੇ 14 ਜ਼ਿਲ੍ਹਿਆਂ ਦੀਆਂ 93 ਸੀਟਾਂ ਲਈ ਕੁੱਲ 833 ਉਮੀਦਵਾਰ ਮੈਦਾਨ ਵਿੱਚ ਹਨ, ਜਿਨ੍ਹਾਂ ਵਿੱਚ 69 ਮਹਿਲਾ ਉਮੀਦਵਾਰ ਹਨ। ਜਦਕਿ 764 ਪੁਰਸ਼ ਉਮੀਦਵਾਰ ਹਨ। ਜਿਸ ਵਿੱਚ ਅਹਿਮਦਾਬਾਦ ਦੀਆਂ 21 ਸੀਟਾਂ ਲਈ ਸਭ ਤੋਂ ਵੱਧ 249 ਉਮੀਦਵਾਰ, ਬਨਾਸਕਾਂਠਾ ਦੀਆਂ 9 ਸੀਟਾਂ ਲਈ 75 ਉਮੀਦਵਾਰ, ਵਡੋਦਰਾ ਦੀਆਂ 10 ਸੀਟਾਂ ਲਈ 72 ਉਮੀਦਵਾਰ, ਆਨੰਦ ਵਿੱਚ 7 ਸੀਟਾਂ ਲਈ 69 ਉਮੀਦਵਾਰ, ਮੇਹਸਾਣਾ ਦੀਆਂ 7 ਸੀਟਾਂ ਲਈ 63 ਉਮੀਦਵਾਰ, ਗਾਂਧੀਨਗਰ ਦੀਆਂ 5 ਸੀਟਾਂ ਲਈ 50 ਉਮੀਦਵਾਰਾਂ ਨੇ ਚੋਣ ਲੜੀ। ਖੇੜਾ ਦੀਆਂ 6 ਸੀਟਾਂ ਲਈ 44 ਉਮੀਦਵਾਰ, ਪਾਟਨ ਦੀਆਂ 4 ਸੀਟਾਂ ਲਈ 43 ਉਮੀਦਵਾਰ, ਪੰਚਮਹਾਲ ਦੀਆਂ 5 ਸੀਟਾਂ ਲਈ 38 ਉਮੀਦਵਾਰ, ਦਾਹੋਦ ਦੀਆਂ 6 ਸੀਟਾਂ ਲਈ 35 ਉਮੀਦਵਾਰ, ਅਰਾਵਲੀ ਦੀਆਂ 3 ਸੀਟਾਂ ਲਈ 30 ਉਮੀਦਵਾਰ, ਸਾਬਰਕਾਂਠਾ ਦੀਆਂ 3 ਸੀਟਾਂ ਲਈ 26 ਉਮੀਦਵਾਰ ਚੋਣ ਮੈਦਾਨ ਵਿੱਚ ਹਨ। ਮਹੀਸਾਗਰ ਦੀਆਂ 4 ਸੀਟਾਂ, ਮਹਿਸਾਗਰ ਦੀਆਂ 3 ਸੀਟਾਂ ਲਈ 22 ਉਮੀਦਵਾਰ, ਛੋਟਾ ਉਦੈਪੁਰ ਦੀਆਂ 3 ਸੀਟਾਂ ਲਈ 17 ਉਮੀਦਵਾਰ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
