ਐਕਟਰ ਦਾ ਥੁੱਕਿਆ ਚਿਊਇੰਗਮ ਹੋਵੇਗਾ ਨਿਲਾਮ, 45 ਲੱਖ ਰੁਪਏ 'ਚ ਹੋ ਰਹੀ ਨਿਲਾਮੀ

Robert Downey Jr Gum chewed bid: ਆਇਰਨ ਫੇਮ ਐਕਟਰ ਰੌਬਰਟ ਡਾਉਨੀ ਜੂਨੀਅਰ ਦਾ ਚਬਾਇਆ ਹੋਇਆ ਚਿਊਇੰਗ ਗਮ ਇੱਕ ਆਨਲਾਈਨ ਵੈੱਬਸਾਈਟ ‘ਤੇ ਨਿਲਾਮ ਕੀਤਾ ਜਾ ਰਿਹਾ ਹੈ। ਇਹ ਚਿਊਇੰਗ ਗਮ 45 ਲੱਖ ਵਿੱਚ ਵਿਕ ਰਿਹਾ ਹੈ।

‘ਕੀ ਤੁਸੀਂ ਕੋਈ ਚਿਊਇੰਗਮ ਖਰੀਦਣ ਲਈ 45 ਲੱਖ ਰੁਪਏ ਖਰਚ ਕਰ ਸਕਦੇ ਹੋ… ਜਾਂ ਇਹ ਕਹੀਏ ਕਿ ਕੀ ਤੁਸੀਂ 45 ਲੱਖ ‘ਚ ਕਿਸੇ ਦਾ ਥੁੱਕਿਆ ਚਿਊਇੰਗਮ ਖਰੀਦੋਗੇ…? ਤੁਹਾਨੂੰ ਇਹ ਸੁਣ ਕੇ ਅਜੀਬ ਲੱਗੇਗਾ ਪਰ ਅਜਿਹਾ ਅਸਲ ਵਿੱਚ ਹੋ ਰਿਹਾ ਹੈ।

ਚਿਊਇਡ ਚਿਊਇੰਗਮ ਦੀ ਆਨਲਾਈਨ ਨਿਲਾਮੀ ਇੱਕ ਵੈੱਬਸਾਈਟ eBay ‘ਤੇ 45 ਲੱਖ ਰੁਪਏ ਵਿੱਚ ਕੀਤੀ ਜਾ ਰਹੀ ਹੈ। ਇਹ ਚਿਊਇੰਗ ਗਮ ਆਇਰਨ ਮੈਨ ਦੇ ਹੀਰੋ ਰੌਬਰਟ ਡਾਊਨੀ ਜੂਨੀਅਰ ਦਾ ਹੈ।

ਹਾਲੀਵੁੱਡ ਸਟਾਰ ਰੌਬਰਟ ਡਾਊਨੀ ਜੂਨੀਅਰ ਨੇ ਇੱਕ ਇਵੈਂਟ ਦੌਰਾਨ ਚਿਊਇੰਗਮ ਚਬਾ ਕੇ ਸੁੱਟ ਦਿੱਤਾ। ਜਿਸ ਤੋਂ ਬਾਅਦ ਕਿਸੇ ਨੇ ਇਸ ਨੂੰ ਈਬੇ ‘ਤੇ ਆਨਲਾਈਨ ਨਿਲਾਮੀ ਲਈ ਰੱਖਿਆ ਸੀ, ਜੋ ਹੁਣ 45 ਲੱਖ ਰੁਪਏ ‘ਚ ਵਿਕ ਰਿਹਾ ਹੈ। ਫਿਲਹਾਲ ਇਹ ਨਿਲਾਮੀ ਦੀ ਬੇਸ ਕੀਮਤ ਹੈ, ਇਹ ਕੀਮਤ ਹੋਰ ਵਧ ਸਕਦੀ ਹੈ।

ਨਿਊਯਾਰਕ ਪੋਸਟ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਮੁਤਾਬਕ, ਹਾਲੀਵੁੱਡ ਫਿਲਮ ਨਿਰਮਾਤਾ ਜਾਨ ਫਾਵਾਰੋ ਦੀ ‘ਹਾਲੀਵੁੱਡ ਵਾਕ ਆਫ ਫੇਮ’ 13 ਫਰਵਰੀ, 2023 ਨੂੰ ਲਾਂਚ ਕੀਤੀ ਗਈ ਸੀ। ਲਾਸ ਏਂਜਲਸ ਦੇ ਡੌਲਬੀ ਥੀਏਟਰ ਦੇ ਕੋਲ ਇੱਕ ਅਜਿਹੀ ਜਗ੍ਹਾ ਹੈ, ਜਿੱਥੇ ਫੁੱਟਪਾਥ ‘ਤੇ ਕਈ ਹਾਲੀਵੁੱਡ ਸੁਪਰਸਟਾਰਾਂ ਦੇ ਨਾਵਾਂ ਵਾਲਾ ਇੱਕ ਸਟਾਰ ਹੈ।

ਜ਼ਮੀਨ ‘ਤੇ ਸਾਈਡਵਾਕ ਵਿੱਚ ਪਿੱਤਲ ਦਾ ਸਟਾਰ ਬਣਿਆ ਹੋਇਆ ਹੈ। ਇਹ ਮਨੋਰੰਜਨ ਉਦਯੋਗ ਵਿੱਚ ਉਸਦੇ ਯੋਗਦਾਨ ਦਾ ਜਸ਼ਨ ਮਨਾਉਣ ਲਈ ਕੀਤਾ ਜਾਂਦਾ ਹੈ। ਮਸ਼ਹੂਰ ਹਸਤੀਆਂ ਸਮੇਤ ਬਹੁਤ ਸਾਰੇ ਸੈਲਾਨੀ ਇੱਥੇ ਘੁੰਮਣ ਲਈ ਆਉਂਦੇ ਹਨ। ਇਸ ਥਾਂ ਨੂੰ ਹਾਲੀਵੁੱਡ ਵਾਕ ਆਫ ਫੇਮ ਕਿਹਾ ਜਾਂਦਾ ਹੈ।

ਹਾਲ ਹੀ ‘ਚ 13 ਫਰਵਰੀ ਨੂੰ ਲਾਂਚ ਹੋਏ ਹਾਲੀਵੁੱਡ ਵਾਕ ਆਫ ਫੇਮ ‘ਤੇ ਜਾਨ ਫਾਵਾਰੋ ਦੇ ਨਾਂ ‘ਤੇ ਇੱਕ ਸਟਾਰ ਬਣਾਇਆ ਗਿਆ ਹੈ। ਰਾਬਰਟ ਡਾਊਨੀ ਜੂਨੀਅਰ ਵੀ ਇਸ ਸਮਾਗਮ ਵਿੱਚ ਪਹੁੰਚੇ। ਇੱਥੇ ਰੌਬਰਟ ਡਾਉਨੀ ਜੂਨੀਅਰ ਆਪਣੇ ਸਟਾਰ ‘ਤੇ ਚਿਊਇੰਗ ਗਮ ਨੂੰ ਆਪਣੇ ਮੂੰਹ ਚੋਂ ਕੱਢ ਕੇ ਚਿਪਕਾਇਆ।

ਚਿਊਇੰਗਮ ਨੂੰ ਚਿਪਕਾਉਣ ਤੋਂ ਬਾਅਦ, ਜਿਵੇਂ ਹੀ ਰੌਬਰਟ ਡਾਊਨੀ ਜੂਨੀਅਰ ਨਿਕਲੇ, ਇੱਕ ਆਦਮੀ ਨੇ ਚਿਊਇੰਗਮ ਨੂੰ ਚੁੱਕਿਆ ਤੇ ਫਿਰ ਇਸਨੂੰ ਈਬੇ ਨਾਮ ਦੀ ਇੱਕ ਔਨਲਾਈਨ ਵੈਬਸਾਈਟ ‘ਤੇ ਨਿਲਾਮੀ ਲਈ ਰੱਖ ਦਿੱਤਾ। ਈਬੇ ਦੀ ਵੈੱਬਸਾਈਟ ‘ਤੇ ਚੀਜ਼ਾਂ ਖਰੀਦੀਆਂ ਅਤੇ ਵੇਚੀਆਂ ਜਾਂਦੀਆਂ ਹਨ। ਚਿਊਇੰਗਮ ਦੀ ਮੂਲ ਕੀਮਤ 40 ਹਜ਼ਾਰ ਡਾਲਰ ਯਾਨੀ 32,89,420 ਰੁਪਏ ਰੱਖੀ ਗਈ ਸੀ।

ਜਿਵੇਂ ਹੀ ਲੋਕਾਂ ਨੂੰ ਵੈੱਬਸਾਈਟ ‘ਤੇ ਪਤਾ ਲੱਗਾ ਕਿ ਇਹ ਰਾਬਰਟ ਡਾਊਨ ਜੂਨੀਅਰ ਦਾ ਚਬਾਇਆ ਹੋਇਆ ਚਿਊਇੰਗਮ ਹੈ, ਲੋਕਾਂ ਨੇ ਇਸ ਨੂੰ ਖਰੀਦਣ ਲਈ ਬੋਲੀ ਲਗਾਉਣੀ ਸ਼ੁਰੂ ਕਰ ਦਿੱਤੀ। ਬੋਲੀ ਤੋਂ ਬਾਅਦ ਇਸ ਦੀ ਕੀਮਤ 55 ਹਜ਼ਾਰ ਡਾਲਰ ਯਾਨੀ 45,22,952 ਰੁਪਏ ਤੱਕ ਪਹੁੰਚ ਗਈ। 01 ਅਪ੍ਰੈਲ ਬੋਲੀ ਲਗਾਉਣ ਦੀ ਆਖ਼ਰੀ ਤਰੀਕ ਹੈ। ਰਿਪੋਰਟ ਮੁਤਾਬਕ ਇਸ ਦੀ ਕੀਮਤ ਹੋਰ ਵੀ ਵੱਧ ਸਕਦੀ ਹੈ।

ਇਹ ਖ਼ਬਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਸ ਖ਼ਬਰ ਦੇ ਵਾਇਰਲ ਹੋਣ ਤੋਂ ਬਾਅਦ ਟਵਿਟਰ ‘ਤੇ ਕਈ ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ, “ਆਇਰਨ ਮੈਨ ਦੇ ਚਿਊਇੰਗ ਗਮ ਲਈ ਇੰਨੇ ਲੱਖਾਂ ਰੁਪਏ, ਲੋਕਾਂ ਨੂੰ ਕੀ ਹੋ ਗਿਆ!”

ਐਕਟਰ ਦਾ ਥੁੱਕਿਆ ਚਿਊਇੰਗਮ ਹੋਵੇਗਾ ਨਿਲਾਮ, 45 ਲੱਖ ਰੁਪਏ ‘ਚ ਹੋ ਰਹੀ ਨਿਲਾਮੀ

Related Posts

ਰਣਬੀਰ ਇਲਾਹਾਬਾਦੀਆ ਤੇ ਆਸ਼ੀਸ਼ ਚੰਚਲਾਨੀ ਦੀ ਪਟੀਸ਼ਨ ‘ਤੇ ਸੁਣਵਾਈ ਅੱਜ, ਗ੍ਰਿਫ਼ਤਾਰੀ ਤੋਂ ਮਿਲੀ ਸੀ ਰਾਹਤ

ਅਦਾਕਾਰ ਅਭਿਨਵ ਸ਼ੁਕਲਾ ਨੂੰ ਲਾਰੈਂਸ ਗੈਂਗ ਦੇ ਨਾਮ ‘ਤੇ ਧਮਕੀ

ਸ੍ਰੀ ਦਰਬਾਰ ਸਾਹਿਬ ਨਤਮਸਤਕ ਹੋਣ ਪਹੁੰਚੇ ਬੌਲੀਵੁੱਡ ਅਦਾਕਾਰ ਅਕਸ਼ੇ ਕੁਮਾਰ ਅਤੇ ਅਨੰਨਿਆ ਪਾਂਡੇ

ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਨੇ ਪੰਜਾਬ ਸਰਕਾਰ ਦਾ ਕੀਤਾ ਧੰਨਵਾਦ, ਕਿਹਾ CM ਮਾਨ ਤੇ ਉਨ੍ਹਾਂ ਦੀ ਪਤਨੀ ਦਾ ਧੰਨਵਾਦ ਕਰਦੀ ਹਾਂ

ਪ੍ਰੋਡਿਊਸਰ ਪਿੰਕੀ ਧਾਲੀਵਾਲ ਗ੍ਰਿਫ਼ਤਾਰੀ ਤੋਂ ਬਾਅਦ ਪੁਲਿਸ ਸਟੇਸ਼ਨ ਤੋਂ ਹਾਈ ਕੋਰਟ ਦੇ ਹੁਕਮਾਂ ‘ਤੇ ਰਿਹਾਅ, ਪੜ੍ਹੋ ਪੂਰੀ ਖਬਰ

Recent News

Silver-gold Price: ਅੱਜ ਦੇ ਦਿਨ ਸੋਨਾ ਖਰੀਦਣਾ ਕਿਉਂ ਮੰਨਿਆ ਜਾਂਦਾ ਹੈ ਸ਼ੁਭ, ਜਾਣੋ ਕੀ ਹਨ ਸੋਨੇ ਚਾਂਦੀ ਦੇ ਰੇਟ

ਭੇਤ ਭਰੇ ਹਾਲਾਤਾਂ ‘ਚ 20 ਸਾਲ ਦੀ ਲੜਕੀ ਹੋਈ ਗਾਇਬ

ਮਸ਼ਹੂਰ ਬਾਲੀਵੁੱਡ ਰੈਪਰ ਬਾਦਸ਼ਾਹ ਦੇ ਖਿਲਾਫ ਹੋਇਆ ਮਾਮਲਾ ਦਰਜ

ਪੂਜਾ ਕਰਦੇ ਸਮੇਂ ਜਾਣੋ ਕਿਉਂ ਮਨ ‘ਚ ਆਉਂਦੇ ਹਨ ਨਕਾਰਾਤਮਕ ਜਾਂ ਕਾਮੁਕ ਖਿਆਲ

Canada New PM: ਮਾਰਕ ਕਾਰਨੀ ਬਣੇ ਰਹਿਣਗੇ ਕੇਨੈਡਾ ਦੇ PM, ਅਮਰੀਕਾ ਨਾਲ ਰਿਸ਼ਤੇ ਕਰਨਗੇ ਖਤਮ

Quick Links