‘Nigah Marda Ayi Ve’ Title Track Out: ਸੁਰਖੀ ਬਿੰਦੀ ਅਤੇ ‘ਸੋਹਰੇਆਂ ਦਾ ਪਿੰਡ ਆ ਗਿਆ’ ਤੋਂ ਬਾਅਦ ਗੁਰਨਾਮ ਭੁੱਲਰ ਤੇ ਸਰਗੁਣ ਮਹਿਤਾ ਪਾਲੀਵੁੱਡ ਦੀਆਂ ਸਭ ਤੋਂ ਪਿਆਰੀਆਂ ਜੋੜੀਆਂ ਚੋਂ ਇੱਕ ਬਣ ਗਈ ਹੈ। ਹੁਣ ਜਲਦੀ ਹੀ ਇਹ ਜੋੜੀ ਆਪਣੀ ਤੀਜੀ ਫਿਲਮ ‘ਨਿਗਾਹ ਮਾਰਦਾ ਆਈ ਵੇ’ ਨਾਲ ਹਾਜ਼ਰ ਹੋ ਰਹੀ ਹੈ।
ਦੱਸ ਦਈਏ ਕਿ ਦੋਵਾਂ ਦੀ ਆਉਣ ਵਾਲੀ ਫਿਲਮ ਦੇ ਪਹਿਲਾਂ ਰਿਲੀਜ਼ ਹੋਏ ਗਾਣਿਆਂ ਨੂੰ ਫੈਨਸ ਵੱਲੋਂ ਕਾਫੀ ਪਿਆਰ ਮਿਲਿਆ ਹੈ ਤੇ ਹੁਣ ਫਿਲਮ ਦਾ ਟਾਈਟਲ ਟਰੈਕ ‘ਨਿਗਾਹ ਮਾਰਦਾ ਆਈ ਵੇ’ ਰਿਲੀਜ਼ ਹੋ ਗਿਆ ਹੈ। ਇਹ ਟ੍ਰੈਕ ਤੁਹਾਨੂੰ ਰੋਮਾਂਟਿਕ ਫੀਲਿੰਗ ਜ਼ਰੂਰ ਦਵੇਗਾ।
‘ਨਿਗਾਹ ਮਰਦਾ ਆਈ ਵੇ’ ਦਾ ਟਾਈਟਲ ਟਰੈਕ ਗੁਰਨਾਮ ਭੁੱਲਰ ਤੇ ਸਰਗੁਣ ਮਹਿਤਾ ਦੀ ਜੋੜੀ ਦੀ ਕੈਮਿਸਟਰੀ ਨਾਲ ਭਰਿਆ ਹੈ। ਇਹ ਗੁਰਨਾਮ ਤੇ ਸਰਗੁਣ ਦੇ ਦਿਲ ਅਤੇ ਰੂਹ ਦੇ ਪਿਆਰ ਬਾਰੇ ਗੱਲ ਕਰਦਿਆਂ ਸ਼ੁਰੂ ਹੁੰਦਾ ਹੈ। ਇਹ ਉਨ੍ਹਾਂ ਦੇ ਰੋਮਾਂਸ ਅਤੇ ਉਨ੍ਹਾਂ ਦੇ ਪਿਆਰੇ ਖੁਸ਼ਹਾਲ ਪਲਾਂ ਨੂੰ ਯਾਦ ਕਰਨਾ ਦੇ ਨਾਲ ਉਨਾਂ ਦੇ ਦੁਬਾਰਾ ਮਿਲਣ ਦੀ ਉਮੀਦ ਨੂੰ ਦਰਸਾਉਂਦਾ ਹੈ। ਦੱਸ ਦਈਏ ਕਿ ਰਿਲੀਜ਼ ਹੋਇਆ ਟਰੈਕ ਤੁਹਾਨੂੰ ਇਸਦੇ ਸੁੰਦਰ ਬੋਲਾਂ, ਮਨਮੋਹਕ ਤੇ ਸੁਹਾਵਣਾ ਆਵਾਜ਼ ਕਰਕੇ ਬੇਹੱਦ ਪਸੰਦ ਆਵੇਗਾ।
ਦੇਖੋ ਟਾਈਟਲ ਟਰੈਕ:
ਕ੍ਰੈਡਿਟ ਦੀ ਗੱਲ ਕਰੀਏ ਤਾਂ ਟਾਈਟਲ ਟਰੈਕ ‘ਨਿਗਾਹ ਮਾਰਦਾ ਆਈ ਵੇ’ ਗੁਰਨਾਮ ਭੁੱਲਰ ਵਲੋਂ ਗਾਇਆ, ਲਿਖਿਆ ਤੇ ਕੰਪੋਜ਼ ਕੀਤਾ ਗਿਆ ਹੈ। ਮਿਊਜ਼ਿਕ ਡਾਇਰੈਕਸ਼ਨ ਗੌਰਵ ਦੇਵ ਅਤੇ ਕਾਰਤਿਲ ਦੇਵ ਨੇ ਕੀਤਾ ਹੈ ਜਦਕਿ ਕੋਰੀਓਗ੍ਰਾਫੀ ਰੁਪਿੰਦਰ ਇੰਦਰਜੀਤ ਨੇ ਕੀਤੀ ਹੈ। ਗੀਤ ਵਿੱਚ ਗੁਰਨਾਮ ਭੁੱਲਰ ਅਤੇ ਸਰਗੁਣ ਮਹਿਤਾ ਹਨ।
ਜਿਵੇਂ ਹੀ ਟ੍ਰੈਕ ਰਿਲੀਜ਼ ਹੋਇਆ ਫੈਨਸ ਨੇ ਕੁਮੈਂਟ ਸੈਕਸ਼ਨ ਵਿੱਚ ਆਪਣੇ ਦਿਲ ਨਾਲ ਪਿਆਰ ਅਤੇ ਗੀਤ ਦੀ ਤਾਰੀਫ ਕਰਨੀ ਸ਼ੁਰੂ ਕਰ ਦਿੱਤੀ। ਉਹ ਗੀਤ, ਕੈਮਿਸਟਰੀ, ਸੈੱਟਅੱਪ, ਕੌਸਟਿੀਊਮ, ਬੋਲ, ਹਰ ਚੀਜ਼ ਨੂੰ ਪਿਆਰ ਕਰ ਰਹੇ ਹਨ। ਦੋਵਾਂ ਦੇ ਫੈਨਸ ਫਿਲਮ ਨੂੰ ਵੱਡੇ ਪਰਦੇ ‘ਤੇ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਆਉਣ ਵਾਲੀ ਪੋਲੀਵੁੱਡ ਫਿਲਮ ‘Nigah Marda Ayi Ve’ 17 ਮਾਰਚ 2023 ਨੂੰ ਵੱਡੇ ਪਰਦੇ ‘ਤੇ ਆਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਫਿਲਮ ਦਾ ਟ੍ਰੇਲਰ ਪਹਿਲਾਂ ਹੀ ਰਿਲੀਜ਼ ਹੋ ਚੁੱਕਾ ਹੈ, ਜਿਸ ਨੂੰ ਬਹੁਤ ਸਾਰਾ ਪਿਆਰ ਮਿਲਿਆ ਹੈ ਅਤੇ ਪ੍ਰਸ਼ੰਸਕਾਂ ਵਿੱਚ ਚਰਚਾ ਪੈਦਾ ਕੀਤੀ ਗਈ ਹੈ। ਇਹ ਫਿਲਮ ਰੁਪਿੰਦਰ ਇੰਦਰਜੀਤ ਨੇ ਲਿਖੀ ਤੇ ਨਿਰਦੇਸ਼ਿਤ ਕੀਤੀ ਗਈ ਹੈ ਅਤੇ ਇਸ ਵਿੱਚ Gurnam Bhullar ਤੇ Sargun Mehta ਮੁੱਖ ਭੂਮਿਕਾਵਾਂ ਵਿੱਚ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
