Dipa Karmakar suspended: ਭਾਰਤੀ ਜਿਮਨਾਸਟਿਕ ‘ਚ ਸਭ ਤੋਂ ਪਹਿਲਾਂ ਦੇਸ਼ ਦਾ ਨਾਂ ਸੁਨਹਿਰੀ ਅੱਖਰਾਂ ਵਿੱਚ ਲਿਖਣ ਵਾਲੀ ਗੋਲਡਨ ਗਰਲ ਦੀਪਾ ਕਰਮਾਕਰ ‘ਤੇ 21 ਮਹੀਨਿਆਂ ਲਈ ਪਾਬੰਦੀ ਲਗਾਈ ਗਈ ਹੈ।
ਆਈਟੀਏ (ਇੰਟਰਨੈਸ਼ਨਲ ਟੈਸਟਿੰਗ ਏਜੰਸੀ) ਨੇ ਇਹ ਪਾਬੰਦੀ ਭਾਰਤੀ ਜਿਮਨਾਸਟ ਦੀਪਾ ਕਰਮਾਕਰ ‘ਤੇ ਪਾਬੰਦੀਸ਼ੁਦਾ ਪਦਾਰਥਾਂ ਦਾ ਸੇਵਨ ਕਰਨ ਦਾ ਦੋਸ਼ੀ ਪਾਏ ਜਾਣ ਤੋਂ ਬਾਅਦ ਲਗਾਈ ਹੈ। ਆਈਟੀਏ ਵੱਲੋਂ ਕੀਤੇ ਗਏ ਟੈਸਟ ‘ਚ ਦੀਪਾ ਕਰਮਾਕਰ ਨੂੰ ਹਾਈਜੈਨਾਮਾਇਨ ਦਾ ਸੇਵਨ ਕਰਨ ਦਾ ਦੋਸ਼ੀ ਪਾਇਆ ਗਿਆ ਤੇ ਟੈਸਟ ਪੌਜ਼ੀਟਿਵ ਪਾਏ ਜਾਣ ਤੋਂ ਬਾਅਦ ਦੀਪਾ ਕਰਮਾਕਰ ‘ਤੇ 21 ਮਹੀਨਿਆਂ ਦੀ ਪਾਬੰਦੀ ਲਗਾਈ ਗਈ।
ਦੀਪਾ ‘ਤੇ 21 ਮਹੀਨਿਆਂ ਦਾ ਬੈਨ
ਇੰਟਰਨੈਸ਼ਨਲ ਟੈਸਟਿੰਗ ਏਜੰਸੀ ਨੇ ਇਕ ਬਿਆਨ ਜਾਰੀ ਕਰਕੇ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ, ‘ਦੀਪਾ ਕਰਮਾਕਰ ‘ਤੇ 21 ਮਹੀਨਿਆਂ ਲਈ ਪਾਬੰਦੀ ਲਗਾਈ ਗਈ ਹੈ, ਜੋ 10 ਜੁਲਾਈ 2023 ਤੱਕ ਲਾਗੂ ਰਹੇਗੀ। ਇਹ ਮਾਮਲਾ FIG ਐਂਟੀ-ਡੋਪਿੰਗ ਨਿਯਮਾਂ ਦੀ ਧਾਰਾ 10.8.2 ਦੇ ਅਨੁਸਾਰ ਕੇਸ ਨਿਪਟਾਰਾ ਸਮਝੌਤੇ ਰਾਹੀਂ ਹੱਲ ਕੀਤਾ ਗਿਆ ਹੈ।
ਜਾਣੋ ਕੀ ਹੈ Higenamine
ਯੂਨਾਈਟਿਡ ਸਟੇਟ ਡੋਪਿੰਗ ਰੋਕੂ ਏਜੰਸੀ (ਯੂਐਸਏਡੀਏ) ਦੇ ਅਨੁਸਾਰ, ਜਿਸ ਪਦਾਰਥ ਲਈ ਦੀਪਾ ਕਰਮਾਕਰ ‘ਤੇ ਪਾਬੰਦੀ ਲਗਾਈ ਗਈ ਹੈ, ਉਹ ਮਿਸ਼ਰਤ ਐਡਰੇਨਰਜਿਕ ਰੀਸੈਪਟਰ ਬਲੌਕਰ ਹੈ। ਇਸਦਾ ਮਤਲਬ ਇਹ ਹੈ ਕਿ ਇਹ ਇੱਕ ਉਤਪ੍ਰੇਰਕ ਵਜੋਂ ਕੰਮ ਕਰ ਸਕਦਾ ਹੈ ਜੋ ਦਮੇ ਦੇ ਵਿਰੋਧੀ ਵਜੋਂ ਕੰਮ ਕਰ ਸਕਦਾ ਹੈ। ਇਸ ਨਾਲ ਸਾਹ ਦੀ ਤਕਲੀਫ ਨਹੀਂ ਹੁੰਦੀ ਅਤੇ ਕਾਰਡੀਓਟੋਨਿਕ ਕਾਰਨ ਕਾਰਡੀਅਕ ਆਉਟਪੁੱਟ ਵਧ ਜਾਂਦੀ ਹੈ ਅਤੇ ਦਿਲ ਦੀ ਧੜਕਣ ਤੇਜ਼ ਹੋ ਜਾਂਦੀ ਹੈ। ਵਾਡਾ ਨੇ ਸਾਲ 2017 ਵਿੱਚ ਹਿਗੇਨਾਮਾਇਨ ਨੂੰ ਪਾਬੰਦੀਸ਼ੁਦਾ ਪਦਾਰਥਾਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਸੀ।
ਇਸ ਕਾਰਨ ਦੀਪਾ ਨੂੰ ਕਿਹਾ ਜਾਂਦਾ ਭਾਰਤ ਦੀ ਗੋਲਡਨ ਗਰਲ
ਦੀਪਾ ਕਰਮਾਕਰ ਭਾਰਤ ਦੀ ਚੋਟੀ ਦੀ ਜਿਮਨਾਸਟ ਹੈ। ਜਿਸ ਨੇ ਸਭ ਤੋਂ ਪਹਿਲਾਂ ਆਪਣਾ ਨਾਮ ਉਦੋਂ ਬਣਾਇਆ ਜਦੋਂ ਉਹ 2016 ਰੀਓ ਓਲੰਪਿਕ ਵਿੱਚ ਭਾਰਤ ਦਾ ਪਹਿਲਾ ਜਿਮਨਾਸਟਿਕ ਤਮਗਾ ਜਿੱਤਣ ਤੋਂ ਸਿਰਫ ਇੱਕ ਕਦਮ ਦੂਰ ਰਹੀ ਗਈ ਸੀ। ਦੀਪਾ ਰੀਓ ਓਲੰਪਿਕ ‘ਚ ਚੌਥੇ ਸਥਾਨ ‘ਤੇ ਰਹੀ ਸੀ।
ਇਸ ਤੋਂ ਬਾਅਦ, ਸਾਲ 2018 ਵਿੱਚ ਉਸਨੇ ਮੇਰਸਿਨ, ਤੁਰਕੀ ਵਿੱਚ ਐਫਆਈਜੀ ਆਰਟਿਸਟਿਕ ਜਿਮਨਾਸਟਿਕ ਵਰਲਡ ਚੈਲੇਂਜ ਕੱਪ ਦੇ ਵਾਲਟ ਮੁਕਾਬਲੇ ਵਿੱਚ ਦੇਸ਼ ਲਈ ਸੋਨ ਤਗਮਾ ਜਿੱਤ ਕੇ ਇਤਿਹਾਸ ਰਚਿਆ ਤੇ ਅਜਿਹਾ ਕਰਨ ਵਾਲੀ ਪਹਿਲੀ ਭਾਰਤੀ ਜਿਮਨਾਸਟ ਬਣ ਗਈ। ਇਸ ਕਾਰਨ ਉਸ ਨੂੰ ਭਾਰਤ ਦੀ ਗੋਲਡਨ ਗਰਲ ਵੀ ਕਿਹਾ ਜਾਂਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
