Hardik Natasa Wedding: ਭਾਰਤੀ ਟੀ-20 ਟੀਮ ਦੇ ਕਪਤਾਨ ਹਾਰਦਿਕ ਪੰਡਯਾ ਨੇ ਨਤਾਸ਼ਾ ਸਟੈਨਕੋਵਿਚ ਨਾਲ ਵਿਆਹ ਕਰ ਲਿਆ ਹੈ। ਦੋਵਾਂ ਨੇ ਮੰਗਲਵਾਰ (14 ਫਰਵਰੀ) ਨੂੰ ਵੈਲੇਨਟਾਈਨ ਡੇਅ ‘ਤੇ ਵਿਆਹ ਕੀਤਾ।
ਹਾਰਦਿਕ ਅਤੇ ਨਤਾਸ਼ਾ ਨੇ 2020 ਵਿੱਚ ਕੋਰਟ ਮੈਰਿਜ ਕੀਤੀ ਸੀ ਪਰ ਹੁਣ ਦੋਵਾਂ ਨੇ ਸ਼ਾਨਦਾਰ ਵਿਆਹ ਕੀਤਾ ਹੈ। ਇਸ ਜੋੜੇ ਦਾ ਅਗਸਤਿਆ ਨਾਮ ਦਾ ਇੱਕ ਪੁੱਤਰ ਵੀ ਹੈ।
ਚਿੱਟੇ ਰੰਗ ਦੀ ਡਰੈੱਸ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ ਨਤਾਸ਼ਾ
ਵਿਆਹ ‘ਚ ਨਤਾਸ਼ਾ ਚਿੱਟੇ ਰੰਗ ਦੀ ਡਰੈੱਸ ਅਤੇ ਦਿਲਕਸ਼ ਸੂਟ ‘ਚ ਨਜ਼ਰ ਆਈ। ਇਸ ਦੌਰਾਨ ਹਾਰਦਿਕ-ਨਤਾਸ਼ਾ ਦੇ ਨਾਲ ਕਰੁਣਾਲ ਪੰਡਯਾ ਅਤੇ ਪੰਖੁਰੀ ਸ਼ਰਮਾ ਵੀ ਮੌਜੂਦ ਸਨ।
ਹਾਰਦਿਕ ਅਤੇ ਨਤਾਸ਼ਾ ਨੇ ਇੱਕ ਫੋਟੋਸ਼ੂਟ ਵੀ ਕਰਵਾਇਆ ਜੋ ਕਿ ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ ਇਸ ਫੋਟੋਸ਼ੂਟ ‘ਚ ਜੋੜੀ ਬੇਹਦ ਪਿਆਰੀ ਲੱਗ ਰਹੀ ਹੈ।
ਹਾਰਦਿਕ ਤੇ ਨਤਾਸ਼ਾ ਵਿਆਹ ਦੇ ਬੰਧਨ ‘ਚ ਬੱਝ ਗਏ ਹਨ। ਦੋਵਾਂ ਦਾ ਵਿਆਹ ਈਸਾਈ ਧਰਮ ਅਨੁਸਾਰ ਹੋਇਆ।
ਇੰਸਟਾਗ੍ਰਾਮ ‘ਤੇ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਹਾਰਦਿਕ ਨੇ ਲਿਖਿਆ- ਅਸੀਂ ਪਿਆਰ ਦੇ ਇਸ ਟਾਪੂ ‘ਤੇ ਤਿੰਨ ਸਾਲ ਪਹਿਲਾਂ ਲਏ ਗਏ ਵਾਅਦੇ ਨੂੰ ਦੁਹਰਾਉਂਦੇ ਹੋਏ ਵੈਲੇਨਟਾਈਨ ਡੇ ਮਨਾਇਆ।
ਸਾਡੇ ਪਿਆਰ ਦਾ ਜਸ਼ਨ ਮਨਾਉਣ ਲਈ ਸਾਡੇ ਪਰਿਵਾਰ ਅਤੇ ਦੋਸਤ ਸਾਡੇ ਨਾਲ ਹੋਣ ਕਰਕੇ ਅਸੀਂ ਸੱਚਮੁੱਚ ਧੰਨ ਹਾਂ।
ਹਾਰਦਿਕ ਪੰਡਯਾ ਸੋਮਵਾਰ ਨੂੰ ਪਤਨੀ ਨਤਾਸ਼ਾ ਅਤੇ ਬੇਟੇ ਅਗਸਤਿਆ ਨਾਲ ਉਦੈਪੁਰ ਲਈ ਰਵਾਨਾ ਹੋਏ ਸਨ।
ਉਨ੍ਹਾਂ ਨੂੰ ਸੋਮਵਾਰ ਨੂੰ ਮੁੰਬਈ ਏਅਰਪੋਰਟ ‘ਤੇ ਦੇਖਿਆ ਗਿਆ। ਉਨ੍ਹਾਂ ਦੇ ਨਾਲ ਵੱਡਾ ਭਰਾ ਕਰੁਣਾਲ ਪੰਡਯਾ ਅਤੇ ਪਤਨੀ ਪੰਖੁਰੀ ਵੀ ਨਜ਼ਰ ਆਏ।
ਇਸ ਤੋਂ ਇਲਾਵਾ ਨਤਾਸ਼ਾ ਦਾ ਪਰਿਵਾਰ ਵੀ ਸਰਬੀਆ ਤੋਂ ਮੁੰਬਈ ਪਹੁੰਚ ਗਿਆ ਹੈ। ਇਸ ਦੀਆਂ ਕਈ ਵੀਡੀਓਜ਼ ਵੀ ਸਾਹਮਣੇ ਆਈਆਂ ਹਨ।
