Honda Sales Growth: Hero MotoCorp ਜਨਵਰੀ 2023 ‘ਚ ਵਿਕਰੀ ਚਾਰਟ ਵਿੱਚ ਸਿਖਰ ‘ਤੇ ਹੈ। ਕੰਪਨੀ ਦੀ ਪ੍ਰਚੂਨ ਵਿਕਰੀ ਜਨਵਰੀ 2022 ਵਿਚ 3,56,117 ਇਕਾਈਆਂ ਤੋਂ ਵਧ ਕੇ 3,70,690 ਇਕਾਈ ਹੋ ਗਈ। ਯਾਨੀ ਸਾਲਾਨਾ ਆਧਾਰ ‘ਤੇ ਵਿਕਰੀ ‘ਚ ਵਾਧਾ ਹੋਇਆ ਹੈ।
ਹੁਣ ਕੰਪਨੀ ਨੇ ਨਵਾਂ ਜ਼ੂਮ ਸਕੂਟਰ (110 ਸੀਸੀ) ਪੇਸ਼ ਕੀਤਾ, ਜਿਸ ਤੋਂ ਕੰਪਨੀ ਨੂੰ ਵਿਕਰੀ ਵਿੱਚ ਹੋਰ ਵਾਧੇ ਦੀ ਉਮੀਦ ਹੈ। ਇਸ ਸਕੂਟਰ ਨੂੰ ਤਿੰਨ ਵੇਰੀਐਂਟਸ- LX, VX ਅਤੇ ZX ‘ਚ ਲਿਆਂਦਾ ਗਿਆ ਹੈ, ਜਿਸ ਦੀ ਕੀਮਤ ਕ੍ਰਮਵਾਰ 68,599 ਰੁਪਏ, 71,799 ਰੁਪਏ ਅਤੇ 76,699 ਰੁਪਏ ਹੈ।
ਹੀਰੋ ਮੋਟੋਕਾਰਪ ਤੋਂ ਬਾਅਦ ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਵਿਕਰੀ ਦੇ ਮਾਮਲੇ ‘ਚ ਦੂਜੇ ਨੰਬਰ ‘ਤੇ ਸੀ। ਇਸ ਨੇ ਜਨਵਰੀ 2023 ਵਿੱਚ 3,18,184 ਯੂਨਿਟ ਵੇਚੇ ਹਨ ਜਦੋਂ ਕਿ ਕੰਪਨੀ ਨੇ ਜਨਵਰੀ 2022 ਵਿੱਚ 2,58,128 ਯੂਨਿਟ ਵੇਚੇ ਹਨ। ਹੁਣ ਇੱਥੇ ਦੋ ਗੱਲਾਂ ਹਨ, ਜੇਕਰ ਵਿਕਰੀ ਦੀ ਮਾਤਰਾ ਦੇ ਲਿਹਾਜ਼ ਨਾਲ ਵੇਖੀਏ ਤਾਂ ਹੀਰੋ ਨੇ ਹੌਂਡਾ ਨੂੰ ਪਛਾੜ ਦਿੱਤਾ ਹੈ ਪਰ ਜੇਕਰ ਵਿਕਰੀ ਵਿੱਚ ਵਾਧੇ ਦੀ ਦਰ ਦੇ ਲਿਹਾਜ਼ ਨਾਲ ਵੇਖੀਏ ਤਾਂ ਹੌਂਡਾ ਨੇ ਹੀਰੋ ਨੂੰ ਪਛਾੜ ਦਿੱਤਾ ਹੈ। ਸਾਲਾਨਾ ਆਧਾਰ ‘ਤੇ ਹੌਂਡਾ ਦੀ ਵਿਕਰੀ ‘ਚ 23.27 ਫੀਸਦੀ ਦਾ ਵਾਧਾ ਹੋਇਆ ਹੈ ਜਦਕਿ ਹੀਰੋ ਦੀ ਵਿਕਰੀ ‘ਚ ਸਿਰਫ 4.09 ਫੀਸਦੀ ਦਾ ਵਾਧਾ ਹੋਇਆ ਹੈ।
ਹੌਂਡਾ ਦੀ ਮਾਰਕੀਟ ਸ਼ੇਅਰ 22.46% ਤੋਂ ਵਧ ਕੇ 25.15% ਹੋਈ
ਪਰ ਇਸ ਦੇ ਬਾਵਜੂਦ ਹੌਂਡਾ ਦੀ ਮਾਰਕੀਟ ਸ਼ੇਅਰ ਹੀਰੋ ਤੋਂ ਘੱਟ ਹੈ। ਸਾਲ ਦਰ ਸਾਲ ਆਧਾਰ ‘ਤੇ ਹੌਂਡਾ ਦੀ ਬਾਜ਼ਾਰ ਹਿੱਸੇਦਾਰੀ 22.46 ਫੀਸਦੀ ਤੋਂ ਵਧ ਕੇ 25.15 ਫੀਸਦੀ ਹੋ ਗਈ ਹੈ, ਜਦਕਿ ਹੀਰੋ ਦੀ ਬਾਜ਼ਾਰ ਹਿੱਸੇਦਾਰੀ 29.30 ਫੀਸਦੀ ਹੈ।
ਦੱਸ ਦੇਈਏ ਕਿ ਹੁਣ ਹੌਂਡਾ ਨਵੇਂ ਇਲੈਕਟ੍ਰਿਕ ਸਕੂਟਰਾਂ ਅਤੇ ਮੋਟਰਸਾਈਕਲਾਂ ਦੇ ਨਾਲ ਇਲੈਕਟ੍ਰਿਕ ਟੂ-ਵ੍ਹੀਲਰ ਸੈਗਮੈਂਟ ‘ਚ ਐਂਟਰੀ ਕਰਨਾ ਚਾਹੁੰਦੀ ਹੈ। ਭਾਰਤ ‘ਚ Honda ਦਾ ਪਹਿਲਾ ਇਲੈਕਟ੍ਰਿਕ ਸਕੂਟਰ ਅਗਲੇ ਸਾਲ ਲਾਂਚ ਹੋ ਸਕਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
