ਪੰਜਾਬ ਦੇ ਕੁਝ ਥਾਈਂ ਸਕੂਲਾਂ ‘ਚ ਸ਼ੁੱਕਰਵਾਰ ਭਾਵ 20 ਦਸੰਬਰ ਤੋਂ 3 ਛੁੱਟੀਆਂ ਹੋਣ ਜਾ ਰਹੀਆਂ ਹਨ।ਜਿਸ ਕਾਰਨ 20,21, ਤੇ 22 ਦਸੰਬਰ ਨੂੰ ਫਿਲਹਾਲ ਪੰਜਾਬ ਦੇ ਕੁਝ ਇਲਾਕਿਆਂ ‘ਚ ਸਕੂਲ ਬੰਦ ਰੱਖੇ ਜਾਣਗੇ।
ਦੱਸ ਦੇਈਏ ਕਿ ਇਸ ਸਬੰਧੀ ਲੁਧਿਆਣਾ ਦੇ ਡੀ.ਸੀ. ਵਲੋਂ ਹੁਕਮ ਜਾਰੀ ਕੀਤੇ ਗਏ ਹਨ।ਜਿਸ ਤਹਿਤ ਆਖਿਆ ਗਿਆ ਹੈ ਕਿ ਪੰਜਾਬ ‘ਚ ਹੋਣ ਜਾ ਰਹੀਆਂ ਨਗਰ ਨਿਗਮ, ਪੰਚਾਇਤ ਤੇ ਕੌਂਸਲ ਚੋਣਾਂ ਦੇ ਮੱਦੇਨਜ਼ਰ ਲੁਧਿਆਣਾ ਦੇ ਵੱਖ ਵੱਖ ਸਕੂਲਾਂ ਤੋਂ ਚੋਣ ਸਮੱਗਰੀ ਤੇ ਪੋਲਿੰਗ ਅਮਲੇ ਨੂੰ ਲਿਜਾਣ ਤੇ ਲੈ ਕੇ ਆਉਣ ਲਈ ਬੱਸਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ।ਇਹ ਬੱਸਾਂ ਵੱਖ ਵੱਖ ਸਕੂਲਾਂ ਤੋਂ ਲਈਆਂ ਗਈਆਂ ਹਨ।ਜਿਸ ਕਾਰਨ ਬੱਚਿਆਂ ਨੂੰ ਸਕੂਲਾਂ ਤਕ ਲੈ ਕੇ ਆਉਣ ਵਾਲੀਆਂ ਇਹ ਬੱਸਾਂ ਦੀ ਘਾਟ ਹੋ ਜਾਵੇਗੀ।ਇਸੇ ਸਥਿਤੀ ਨੂੰ ਧਿਆਨ ‘ਚ ਰੱਖਦੇ ਹੋਏ 20 ਤੇ 21 ਦਸੰਬਰ ਨੂੰ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ।
ਡੀ.ਸੀ. ਵਲੋਂ ਐਲਾਨੀ ਗਈ ਇਹ ਛੁੱਟੀ ਫਿਲਹਾਲ ਕੁਝ ਸਕੂਲਾਂ ਤੱਕ ਹੀ ਸੀਮਤ ਰਹੇਗੀ।ਜਿਨ੍ਹਾਂ ਸਕੂਲਾਂ ‘ਤੇ ਇਹ ਛੁੱਟੀ ਦੇ ਹੁਕਮ ਲਾਗੂ ਹੋਣੇ ਹਨ, ਉਨ੍ਹਾਂ ਲਈ ਬਕਾਇਦਾ ਡੀਸੀ (ਵਿਕਾਸ) ਦਫਤਰ ਵਲੋਂ ਇਕ ਸੂਚੀ ਵੀ ਜਾਰੀ ਕੀਤੀ ਗਈ ਹੈ।
ਦੂਜੇ ਪਾਸੇ ਜਾਣਕਾਰੀ ਇਹ ਵੀ ਮਿਲ ਰਹੀ ਹੈ ਕਿ ਜਿਨ੍ਹਾਂ ਸਕੂਲਾਂ ਅੰਦਰ ਪੋਲਿੰਗ ਬੂਥ ਬਣਾਏ ਜਾਣੇ ਹਨ, ਜਾਂ ਜਿਨ੍ਹਾਂ ਸਕੂਲਾਂ ‘ਚ 20 ਦਸੰਬਰ ਨੂੰ ਚੋਣ ਅਮਲੇ ਨੇ ਠਹਿਰਾਓ ਕਰਨਾ ਹੈ, ਪੰਜਾਬ ਦੇ ਉਨ੍ਹਾਂ ਸਕੂਲਾਂ ‘ਚ ਵੀ 20 ਤੇ 21 ਦਸੰਬਰ ਨੂੰ ਛੁੱਟੀ ਐਲਾਨੀ ਜਾ ਸਕਦੀ ਹੈ।
ਇਸਦੇ ਨਾਲ ਹੀ 22 ਦਸੰਬਰ ਨੂੰ ਐਤਵਾਰ ਦੀ ਜਨਤਕ ਛੁੱਟੀ ਕਾਰਨ ਪੰਜਾਬ ਭਰ ਦੇ ਸਕੂਲ-ਕਾਲਜ ਬੰਦ ਹੀ ਰਹਿਣਗੇ।
