ਮੌਜੂਦਾ ਸਮੇਂ ‘ਚ ਭਾਰਤੀ ਬਾਜ਼ਾਰ ‘ਚ ਇਲੈਕਟ੍ਰਿਕ ਵਾਹਨਾਂ ਦੀ ਕਾਫੀ ਮੰਗ ਹੈ। ਮੌਜੂਦਾ ਸਮੇਂ ‘ਚ ਦੇਸ਼ ਦੀ ਪ੍ਰਮੁੱਖ ਆਟੋਮੋਬਾਈਲ ਨਿਰਮਾਤਾ ਕੰਪਨੀ ਟਾਟਾ ਮੋਟਰਸ ਚਾਰ ਪਹੀਆ ਵਾਹਨ ਇਲੈਕਟ੍ਰਿਕ ਵ੍ਹੀਕਲ ਸੈਗਮੈਂਟ ‘ਚ ਦਬਦਬਾ ਬਣਾ ਰਹੀ ਹੈ, ਪਰ ਬਹੁਤ ਜਲਦੀ ਹੀ ਇਸ ਨੂੰ ਸਖਤ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਹੁੰਡਈ ਨੇ ਆਪਣੀ ਮਸ਼ਹੂਰ SUV Hyundai Creta ਦੇ ਇਲੈਕਟ੍ਰਿਕ ਵਰਜ਼ਨ ਦੀ ਟੈਸਟਿੰਗ ਸ਼ੁਰੂ ਕਰ ਦਿੱਤੀ ਹੈ ਅਤੇ ਇਸ ਨੂੰ ਹਾਲ ਹੀ ‘ਚ ਦੇਖਿਆ ਗਿਆ ਹੈ। ਇਸ ਤੋਂ ਪਹਿਲਾਂ, ਕੰਪਨੀ ਪਹਿਲਾਂ ਹੀ ਬੈਟਰੀ ਇਲੈਕਟ੍ਰਿਕ ਵਹੀਕਲ (BEV) ਉਤਪਾਦ ਪੋਰਟਫੋਲੀਓ ‘ਤੇ 4,000 ਕਰੋੜ ਰੁਪਏ ਦੇ ਨਿਵੇਸ਼ ਦਾ ਐਲਾਨ ਕਰ ਚੁੱਕੀ ਹੈ।
ਕੰਪਨੀ ਨੇ ਹਾਲ ਹੀ ਵਿੱਚ ਖੁਲਾਸਾ ਕੀਤਾ ਹੈ ਕਿ ਉਹ ਵੱਖ-ਵੱਖ ਬਾਡੀ ਕਿਸਮਾਂ ਵਿੱਚ ਭਾਰਤੀ ਬਾਜ਼ਾਰ ਵਿੱਚ 6 ਨਵੇਂ ਇਲੈਕਟ੍ਰਿਕ ਵਾਹਨ ਪੇਸ਼ ਕਰੇਗੀ। ਕੁਝ ਦਿਨ ਪਹਿਲਾਂ Hyundai ਨੇ Ioniq 5 ਇਲੈਕਟ੍ਰਿਕ SUV ਨੂੰ ਲਾਂਚ ਕੀਤਾ ਸੀ ਅਤੇ ਹੁਣ ਖਬਰਾਂ ਦੀ ਮੰਨੀਏ ਤਾਂ ਕੰਪਨੀ Creta Electric SUV ਨੂੰ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਇਲੈਕਟ੍ਰਿਕ SUV ਨੂੰ ਕੋਡਨੇਮ (SU2i EV) ਦਿੱਤਾ ਗਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਇਸ ਇਲੈਕਟ੍ਰਿਕ SUV ਨੂੰ ਭਾਰਤ ‘ਚ ਟੈਸਟਿੰਗ ਲਈ ਦੇਖਿਆ ਗਿਆ ਹੈ।
Hyundai Creta Electric ਕਿਸ ਤਰ੍ਹਾਂ ਦੀ ਹੋਵੇਗੀ:ਹਾਲਾਂਕਿ ਇਸ ਇਲੈਕਟ੍ਰਿਕ SUV ਬਾਰੇ ਫਿਲਹਾਲ ਕੁਝ ਕਹਿਣਾ ਮੁਸ਼ਕਿਲ ਹੈ। ਕਿਉਂਕਿ ਹੁਣ ਤੱਕ ਬ੍ਰਾਂਡ ਨੇ ਇਸ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ। ਪਰ ਮਾਹਰਾਂ ਦਾ ਮੰਨਣਾ ਹੈ ਕਿ ਇਸ ਵਿਚ ਵੀ ਕੰਪਨੀ ਆਪਣੀ ਮਸ਼ਹੂਰ ਇਲੈਕਟ੍ਰਿਕ SUV ਕੋਨਾ ਦੀ ਤਰਜ਼ ‘ਤੇ 39.2kWh ਸਮਰੱਥਾ ਵਾਲੀ ਇਲੈਕਟ੍ਰਿਕ ਮੋਟਰ ਦੀ ਵਰਤੋਂ ਕਰ ਸਕਦੀ ਹੈ, ਜੋ ਇਕ ਵਾਰ ਚਾਰਜ ਕਰਨ ‘ਤੇ 452 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਦੇ ਨਾਲ ਆਉਂਦੀ ਹੈ। ਇਸ SUV ‘ਚ ਕੰਪਨੀ Kona ਦੀ ਇਲੈਕਟ੍ਰਿਕ ਮੋਟਰ ਦਾ ਵੀ ਇਸਤੇਮਾਲ ਕਰ ਸਕਦੀ ਹੈ, ਜੋ 136bhp ਦੀ ਪਾਵਰ ਅਤੇ 395Nm ਦਾ ਟਾਰਕ ਜਨਰੇਟ ਕਰਦੀ ਹੈ।
ਜਿਸ ਟੈਸਟਿੰਗ ਮਾਡਲ ਨੂੰ ਦੇਖਿਆ ਗਿਆ ਹੈ, ਉਹ ਸਲੇਟੀ ਰੰਗ ਦਾ ਹੈ ਅਤੇ ਇਹ ਦੇਖਿਆ ਜਾ ਸਕਦਾ ਹੈ ਕਿ ਇਸ ਦੇ ਫਲੋਰ ਪੈਨ ਨੂੰ ਵਧਾਇਆ ਗਿਆ ਹੈ। ਇਸ ਤੋਂ ਇਲਾਵਾ, ਇਹ ਜ਼ਿਆਦਾਤਰ ਮੌਜੂਦਾ ICE ਇੰਜਣ ਵਾਲੇ ਕ੍ਰੇਟਾ ਦੇ ਸਮਾਨ ਹੈ। ਸੰਭਵ ਹੈ ਕਿ ਇਸ SUV ਦਾ ਇਲੈਕਟ੍ਰਿਕ ਵਰਜ਼ਨ ਮੌਜੂਦਾ ਮਾਡਲ ‘ਤੇ ਆਧਾਰਿਤ ਹੋ ਸਕਦਾ ਹੈ। ਦੂਜੇ ਪਾਸੇ ਕ੍ਰੇਟਾ ਦੇ ਨੈਕਸਟ ਜਨਰੇਸ਼ਨ ਮਾਡਲ ਦਾ ਵੀ ਇੰਤਜ਼ਾਰ ਹੈ ਜਿਸ ਨੂੰ ਗਲੋਬਲ ਮਾਰਕੀਟ ‘ਚ ਲਾਂਚ ਕਰ ਦਿੱਤਾ ਗਿਆ ਹੈ।
Hyundai Creta Electric ਫਿਲਹਾਲ ਆਪਣੇ ਸ਼ੁਰੂਆਤੀ ਟੈਸਟਿੰਗ ਪੜਾਅ ‘ਚ ਹੈ, ਸੰਭਵ ਹੈ ਕਿ ਕੰਪਨੀ ਇਸਨੂੰ 2025 ਆਟੋ ਐਕਸਪੋ ‘ਚ ਪ੍ਰਦਰਸ਼ਿਤ ਕਰੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਅਗਲੇ ਸਾਲ 2024 ਦੇ ਅੰਤ ਤੱਕ ਉਤਪਾਦਨ ਪੱਧਰ ਤੱਕ ਪਹੁੰਚ ਜਾਵੇਗਾ। ਲਾਂਚ ਹੋਣ ‘ਤੇ, Creta EV ਦਾ ਸਿੱਧਾ ਮੁਕਾਬਲਾ ਆਉਣ ਵਾਲੀ Maruti Suzuki YY8 EV ਨਾਲ ਹੋਵੇਗਾ। ਇਹ ਮਹਿੰਦਰਾ ਅਤੇ ਟਾਟਾ ਦੀਆਂ ਆਉਣ ਵਾਲੀਆਂ ਮਿਡ-ਸਾਈਜ਼ SUVs ਨਾਲ ਵੀ ਮੁਕਾਬਲਾ ਕਰੇਗੀ।
ਕੀਮਤ ਕੀ ਹੋ ਸਕਦੀ ਹੈ
ਵੈਸੇ ਤਾਂ ਕੀਮਤ ਬਾਰੇ ਕੁਝ ਕਹਿਣਾ ਜਲਦਬਾਜ਼ੀ ਹੋਵੇਗੀ ਪਰ ਮੰਨਿਆ ਜਾ ਰਿਹਾ ਹੈ ਕਿ ਇਹ ਕੰਪਨੀ ਦੁਆਰਾ ਪੇਸ਼ ਕੀਤੀ ਜਾਣ ਵਾਲੀ ਐਂਟਰੀ ਲੈਵਲ ਇਲੈਕਟ੍ਰਿਕ ਕਾਰ ਹੋਵੇਗੀ ਅਤੇ ਕੰਪਨੀ ਇਸ ਦੀ ਕੀਮਤ ਨੂੰ ਘੱਟ ਤੋਂ ਘੱਟ ਰੱਖਣ ਦੀ ਕੋਸ਼ਿਸ਼ ਕਰੇਗੀ। ਸੰਭਵ ਹੈ ਕਿ ਇਸ ਨੂੰ 15 ਤੋਂ 18 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ ‘ਤੇ ਪੇਸ਼ ਕੀਤਾ ਜਾਵੇਗਾ। ਹੁੰਡਈ ਦੇ ਮੌਜੂਦਾ ਇਲੈਕਟ੍ਰਿਕ ਵਾਹਨ ਲਾਈਨਅੱਪ ਦੀ ਗੱਲ ਕਰੀਏ ਤਾਂ iOniq 5 ਦੀ ਸ਼ੁਰੂਆਤੀ ਕੀਮਤ 44.95 ਲੱਖ ਰੁਪਏ ਅਤੇ ਕੋਨਾ ਦੀ ਕੀਮਤ 23.84 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਵਰਤਮਾਨ ਵਿੱਚ, Tata Nexon EV ਦੇਸ਼ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀ ਇਲੈਕਟ੍ਰਿਕ ਕਾਰ ਹੈ ਜਿਸਦੀ ਕੀਮਤ 14.49 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
