ਸੰਗਰੂਰ ਦੇ ਲੌਂਗੋਵਾਲ ਪਿੰਡ ਦੀਆਂ ਦੋ ਧਿਰਾਂ ਵਿਚਾਲੇ ਕੁੱਟਮਾਰ ਦੀ ਵੀਡੀਓ ਦੇਖਣ ਨੂੰ ਮਿਲੀ ਹੈ। ਦੱਸ ਦੇਈਏ ਕਿ ਇਹ ਕੁੱਟਮਾਰ ਇਸ ਲਈ ਖਾਸ ਹੈ ਕਿ ਕਿਉਂਕਿ ਇਹ ਕੁੱਟਮਾਰ ਪੁਲਿਸ ਥਾਣੇ ਦੇ ਅੰਦਰ ਹੀ ਹੋਈ ਹੈ। ਜਾਣਕਾਰੀ ਮੁਤਾਬਕ ਲੌਂਗੋਵਾਲ ਦੀਆਂ ਦੋ ਧੀਰਾਂ ਜੋ ਕਿ ਸੰਗਰੂਰ ਲੌਂਗੋਵਾਲ ਦੇ ਥਾਣੇ ‘ਚ ਸੁਲਾ ਕਰਵਾਉਣ ਲਈ ਆਏ ਸੀ ਪਰ ਦੇਖਦੇ ਹੀ ਦੇਖਦੇ ਉਹ ਪੁਲਿਸ ਸਾਹਮਣੇ ਥਾਣੇ ‘ਚ ਲੜਣ ਲੱਗ ਪਏ ਤੇ ਦੋਵਾਂ ਵਿਚਾਲੇ ਇੱਟਾਂ-ਰੋੜੇ ਵੀ ਚੱਲੇ।
ਪੁਲਿਸ ਨੇ ਲੜ ਰਹੇ ਨੌਜਵਾਨਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਅਨੁਸਾਰ ਦੋਵੇਂ ਧਿਰਾਂ ਕਿਸੇ ਮੁੱਦੇ ਨੂੰ ਲੈ ਕੇ ਥਾਣੇ ਪੁੱਜੀਆਂ ਸਨ ਅਤੇ ਪੁਲਿਸ ਨੇ ਦੋਵਾਂ ਨੂੰ ਉਥੇ ਹੀ ਆਪਣੀ ਲੜਾਈ ਨਿਬੇੜਨ ਲਈ ਸਾਈਡ ’ਤੇ ਭੇਜ ਦਿੱਤਾ। ਜਿਸ ਤੋਂ ਬਾਅਦ ਦੋਵੇਂ ਧਿਰਾਂ ਸੁਲਾ ਦੀ ਬਜਾਏ ਉਥੇ ਹੀ ਪਤਾ ਹੀ ਨਹੀਂ ਕਿਸ ਤਰ੍ਹਾਂ ਆਪਸ ਵਿੱਚ ਲੜਨ ਲੱਗੀਆਂ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
Android: https://bit.ly/3VMis0h
