Inder Chahal and Yesha Sagar Working Togeather: ਪੰਜਾਬੀ ਫਿਲਮ ਇੰਡਸਟਰੀ ਹੋਰ ਨਵੇਂ ਪ੍ਰੋਜੈਕਟਾਂ ਦਾ ਐਲਾਨ ਕਰਨ ਵਿੱਚ ਪੂਰੀ ਰਫ਼ਤਾਰ ਨਾਲ ਚੱਲ ਰਹੀ ਹੈ। ਹੁਣ, ਇੱਕ ਹੋਰ ਨਵੀਂ ਫਿਲਮ ਬਾਰੇ ਖ਼ਬਰਾਂ ਆਈਆਂ ਹਨ ਜੋ ਮਿਊਜ਼ਿਕ ਸੈਨਸੈਸ਼ਨ ਇੰਦਰ ਚਾਹਲ ਅਤੇ ਮਾਡਲ ਯੇਸ਼ਾ ਸਾਗਰ ਦੀ ਹੈ। ਦੋ ਪ੍ਰਸਿੱਧ ਸਿਤਾਰਿਆਂ ਨੂੰ ਆਉਣ ਵਾਲੀ ਪੰਜਾਬੀ ਫਿਲਮ ਵਿੱਚ ਮੁੱਖ ਭੂਮਿਕਾਵਾਂ ਨਿਭਾਉਣ ਲਈ ਅਪ੍ਰੋਚ ਕੀਤਾ ਗਿਆ ਹੈ।
ਦੱਸ ਦਈਏ ਕਿ ਇੰਦਰ ਚਾਹਲ ਇੱਕ ਬਹੁਤ ਹੀ ਪ੍ਰਸਿੱਧ ਗਾਇਕ ਹੈ। ਜਦੋਂ ਕਿ ਯੇਸ਼ਾ ਸਾਗਰ ਇੱਕ ਪ੍ਰਸਿੱਧ ਮਾਡਲ ਹੈ ਜਿਸਨੇ ਲੌਸਟ ਲਵ ਤੇ ਹੋਰ ਬਹੁਤ ਸਾਰੇ ਗਾਣਿਆਂ ‘ਚ ਕੰਮ ਕੀਤਾ ਹੈ। ਹੁਣ, ਦੋਵੇਂ ਸਟਾਰਸ ਜਲਦੀ ਹੀ ਇੱਕ ਫੀਚਰ ਫਿਲਮ ਵਿੱਚ ਕੰਮ ਕਰਦੇ ਨਜ਼ਰ ਆਉਣਗੇ।
ਇਨ੍ਹਾਂ ਦੋ ਲੀਡ ਸਟਾਰਸ ਤੋਂ ਇਲਾਵਾ, ਫਿਲਮ ਵਿੱਚ ਉਪਾਸਨਾ ਸਿੰਘ, ਰਘਵੀਰ ਬੋਲੀ, ਦੀਦਾਰ ਗਿੱਲ ਅਤੇ ਹੋਰ ਵਰਗੇ ਸ਼ਾਨਦਾਰ ਸਟਾਰਸ ਵੀ ਮੁੱਖ ਸਹਾਇਕ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਫਿਲਮ ਦੀ ਟੀਮ ਅਤੇ ਕਲੈਪਬੋਰਡ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਵੇਖੋ-
ਫਿਲਹਾਲ, ਇਸ ਫਿਲਮ ਦਾ ਨਾਂ ਸਾਹਮਣੇ ਨਹੀਂ ਆਇਆ, ਪਰ ਇਹ ਖਾਸ ਹੈ ਕਿਉਂਕਿ ਇਹ ਯੇਸ਼ਾ ਸਾਗਰ ਦੀ ਐਕਟਿੰਗ ਦੀ ਸ਼ੁਰੂਆਤ ਕਰੇਗੀ। ਦੂਜੇ ਪਾਸੇ ਇੰਦਰ ਚਾਹਲ ਕੋਲ ਵੀ ਅਜੇ ਕੋਈ ਫਿਲਮ ਨਹੀਂ ਹੈ ਪਰ ਉਹ ਰੂਪੀ ਗਿੱਲ ਨਾਲ ਅਰਜ਼ੋਈ ਦੀ ਸ਼ੂਟਿੰਗ ਪੂਰੀ ਕਰ ਚੁੱਕਿਆ ਹੈ।
ਹੁਣ ਫਿਲਮ ਦੇ ਕ੍ਰੈਡਿਟ ਦੀ ਗੱਲ ਕਰੀਏ ਤਾਂ ਇੰਦਰ ਚਾਹਲ ਅ ਯੇਸ਼ਾ ਸਾਗਰ ਸਟਾਰਰ ਇਸ ਫਿਲਮ ਨੂੰ ਔਰੇਂਜ ਸਟੂਡੀਓਜ਼ ਵਲੋਂ ਪੇਸ਼ ਕੀਤਾ ਜਾ ਰਿਹਾ ਹੈ ਤੇ ਨਿਤਿਨ ਤਲਵਾਰ ਇਸ ਦੇ ਪ੍ਰੋਡਿਊਸਰ ਹੋਣਗੇ। ਪ੍ਰੋਜੈਕਟ ਗਦਰ ਦੁਆਰਾ ਨਿਰਦੇਸ਼ਤ ਹੈ ਅਤੇ ਸੁਰਿੰਦਰ ਅੰਗੁਰਾਲ ਦੁਆਰਾ ਲਿਖਿਆ ਗਿਆ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
