India vs Australia Warm Up Match: ਪਹਿਲੇ ਅਭਿਆਸ ਮੈਚ ‘ਚ ਟੀਮ ਇੰਡੀਆ ਨੇ ਆਸਟ੍ਰੇਲੀਆ ਨੂੰ ਰੋਮਾਂਚਕ ਮੈਚ ‘ਚ 6 ਦੌੜਾਂ ਨਾਲ ਹਰਾਇਆ। ਆਸਟਰੇਲੀਆ ਨੂੰ ਆਖਰੀ ਓਵਰ ਵਿੱਚ 11 ਦੌੜਾਂ ਬਣਾਉਣੀਆਂ ਸਨ ਪਰ ਸ਼ਮੀ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ 3 ਵਿਕਟਾਂ ਲੈ ਕੇ ਆਸਟਰੇਲੀਆ ਨੂੰ 180 ਦੌੜਾਂ ’ਤੇ ਆਲ ਆਊਟ ਕਰ ਦਿੱਤਾ। ਆਸਟ੍ਰੇਲੀਆ ਨੇ ਆਖਰੀ ਓਵਰ ‘ਚ 4 ਵਿਕਟਾਂ ਗੁਆ ਦਿੱਤੀਆਂ। ਟੀਮ ਇੰਡੀਆ ਨੇ ਆਸਟ੍ਰੇਲੀਆ ਦੇ ਸਾਹਮਣੇ 187 ਦੌੜਾਂ ਦਾ ਟੀਚਾ ਰੱਖਿਆ ਸੀ। ਭਾਰਤ ਲਈ ਸੂਰਿਆ ਅਤੇ ਕੇਐਲ ਰਾਹੁਲ ਨੇ ਅਰਧ ਸੈਂਕੜੇ ਲਗਾਏ।
ਆਖਰੀ ਓਵਰ ‘ਚ 4 ਵਿਕਟਾਂ ਡਿੱਗੀਆਂ
ਆਸਟਰੇਲੀਆ ਨੂੰ ਆਖਰੀ ਓਵਰਾਂ ਵਿੱਚ 11 ਦੌੜਾਂ ਬਣਾਉਣੀਆਂ ਪਈਆਂ। ਰੋਹਿਤ ਸ਼ਰਮਾ ਨੇ ਗੇਂਦ ਮੁਹੰਮਦ ਸ਼ਮੀ ਨੂੰ ਸੌਂਪੀ ਅਤੇ ਉਸ ਨੇ ਨਿਰਾਸ਼ ਨਹੀਂ ਕੀਤਾ। ਇਸ ਓਵਰ ਵਿੱਚ ਇੱਕ ਰਨ ਆਊਟ ਸਮੇਤ ਕੁੱਲ 4 ਵਿਕਟਾਂ ਡਿੱਗੀਆਂ। ਸ਼ਮੀ ਨੇ ਪਹਿਲੇ ਓਵਰ ਵਿੱਚ ਪੈਟ ਕਮਿੰਸ, ਜੋਸ਼ ਇੰਗਲਿਸ ਅਤੇ ਕੇਨ ਰਿਚਰਡਸਨ ਨੂੰ ਆਊਟ ਕੀਤਾ।
ਆਸਟ੍ਰੇਲੀਆ ਦੀ ਪਾਰੀ 180 ‘ਤੇ ਸਿਮਟ ਗਈ
187 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਆਸਟ੍ਰੇਲੀਆ ਲਈ ਆਰੋਨ ਫਿੰਚ ਅਤੇ ਮਿਸ਼ੇਲ ਮਾਰਸ਼ ਨੇ ਤੇਜ਼ ਸ਼ੁਰੂਆਤ ਕੀਤੀ। ਦੋਵਾਂ ਨੇ 5 ਓਵਰਾਂ ‘ਚ ਟੀਮ ਦੇ ਸਕੋਰ ਨੂੰ 50 ਤੋਂ ਪਾਰ ਪਹੁੰਚਾਇਆ। ਆਸਟ੍ਰੇਲੀਆ ਨੂੰ ਪਹਿਲਾ ਝਟਕਾ ਮਾਰਸ਼ ਦੇ ਰੂਪ ‘ਚ ਲੱਗਾ। ਉਸ ਨੂੰ 35 ਦੌੜਾਂ ਦੇ ਨਿੱਜੀ ਸਕੋਰ ‘ਤੇ ਭੁਵਨੇਸ਼ਵਰ ਕੁਮਾਰ ਨੇ ਬੋਲਡ ਕੀਤਾ। ਦੂਜੀ ਵਿਕਟ ਦੇ ਤੌਰ ‘ਤੇ ਸਟੀਵ ਸਮਿਥ 11 ਦੌੜਾਂ ਦੇ ਨਿੱਜੀ ਸਕੋਰ ‘ਤੇ ਚਾਹਲ ਦੇ ਹੱਥੋਂ ਬੋਲਡ ਹੋ ਗਏ। ਮੈਕਸਵੈੱਲ ਤੀਜੀ ਵਿਕਟ ਲਈ 23 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਨੂੰ ਭੁਵਨੇਸ਼ਵਰ ਕੁਮਾਰ ਨੇ ਕਾਰਤਿਕ ਦੇ ਹੱਥੋਂ ਕੈਚ ਕਰਵਾਇਆ।
