Florida Sea: ਇੱਕ ਭਾਰਤੀ-ਅਮਰੀਕੀ ਔਰਤ ‘ਤੇ ਚਾਰ ਸਾਲ ਪਹਿਲਾਂ ਆਪਣੀ ਨਵਜੰਮੀ ਬੱਚੀ ਨੂੰ ਫਲੋਰੀਡਾ ਦੇ ਇੱਕ ਇਨਲੇਟ ‘ਚ ਸੁੱਟਣ ਲਈ ਫਰਸਟ-ਡਿਗਰੀ ਕਤਲ ਦਾ ਦੋਸ਼ ਲਗਾਇਆ ਗਿਆ ਹੈ। ਨਿਊਯਾਰਕ ਪੋਸਟ ਨੇ ਪੁਲਿਸ ਦੇ ਹਵਾਲੇ ਨਾਲ ਕਿਹਾ ਕਿ ਵੀਰਵਾਰ ਨੂੰ ਗ੍ਰਿਫਤਾਰ 29 ਸਾਲਾ ਆਰੀਆ ਸਿੰਘ ਨੇ ਅਪਰਾਧ ਕਬੂਲ ਕਰਦੇ ਹੋਏ ਕਿਹਾ ਕਿ ਉਸਨੂੰ ਨਹੀਂ ਪਤਾ ਸੀ ਕਿ ਉਸ ਨੂੰ ਬੱਚੇ ਨਾਲ ਕੀ ਕਰਨਾ ਹੈ।
ਪਾਮ ਬੀਚ ਸ਼ੈਰਿਫ ਰਿਕ ਬ੍ਰੈਡਸ਼ੌ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ, ਲੜਕੀ ਦੀ ਲਾਸ਼ 1 ਜੂਨ, 2018 ਨੂੰ ਬੋਇਨਟਨ ਬੀਚ ਇਨਲੇਟ ਵਿੱਚ ਤੈਰਦੀ ਹੋਈ ਮਿਲੀ ਸੀ, ਜਦੋਂ ਇਸਨੂੰ ਰੱਦੀ ਦੇ ਟੁਕੜੇ ਵਾਂਗ ਡਿਸਪੋਜ਼ ਕੀਤਾ ਗਿਆ ਸੀ।
ਬ੍ਰੈਡਸ਼ੌ ਨੇ ਕਿਹਾ, “ਇਹ ਕੇਸ ਰੌਂਗਟੇ ਖੜ੍ਹੇ ਕਰਨ ਵਾਲਾ ਹੈ।” ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਜਦੋਂ ਤੱਕ ਉਸ ਨੇ ਬੱਚੀ ਨੂੰ ਜਨਮ ਨਹੀਂ ਦਿੱਤਾ ਉਦੋਂ ਤੱਕ ਉਸ ਨੂੰ ਗਰਭਵਤੀ ਹੋਣ ਦਾ ਅਹਿਸਾਸ ਵੀ ਨਹੀਂ ਹੋਇਆ ਸੀ। ਕੇਸ ਦੀ ਅਗਵਾਈ ਕਰਨ ਵਾਲੀ ਜਾਸੂਸ ਬ੍ਰਿਟਨੀ ਕ੍ਰਿਸਟੋਫੇਲ ਨੇ ਕਿਹਾ ਕਿ ਉਹ ਨਹੀਂ ਜਾਣਦੀ ਸੀ ਕਿ ਬੱਚੇ ਨਾਲ ਕੀ ਕਰਨਾ ਹੈ। ਉਸਨੇ ਫੈਸਲਾ ਕੀਤਾ ਕਿ ਉਹ ਬੱਚੇ ਨੂੰ ਮਾਰ ਦੇਵੇਗੀ।
ਰੋਜ਼ਾਨਾ ਦੀ ਰਿਪੋਰਟ ਮੁਤਾਬਕ ਮੰਨਿਆ ਜਾ ਰਿਹਾ ਹੈ ਕਿ ਜਦੋਂ ਸੁੱਟਿਆ ਗਿਆ ਤਾਂ ਬੱਚੀ ਜ਼ਿੰਦਾ ਸੀ। ਕਈ ਸਾਲਾਂ ਤੋਂ ਜਾਂਚਕਰਤਾ ਇਸ ਕੇਸ ਨੂੰ ਸੁਲਝਾਉਣ ਵਿੱਚ ਅਸਮਰੱਥ ਸੀ। ਨੈਸ਼ਨਲ ਡੀਐਨਏ ਡੇਟਾਬੇਸ ਦੀ ਮਦਦ ਨਾਲ ਉਨ੍ਹਾਂ ਨੇ ਬੱਚੇ ਦੇ ਪਿਤਾ ਦਾ ਪਤਾ ਲਗਾਇਆ। ਪਿਤਾ ਨੇ ਡੀਐਨਏ ਟੈਸਟ ਕਰਵਾਇਆ ਅਤੇ ਜਾਂਚਕਰਤਾਵਾਂ ਨੂੰ ਉਸ ਔਰਤ ਬਾਰੇ ਦੱਸਿਆ ਜਿਸ ਨੂੰ ਉਹ ਉਸ ਸਮੇਂ ਡੇਟ ਕਰ ਰਿਹਾ ਸੀ।
ਅਧਿਕਾਰੀਆਂ ਨੇ ਲੜਕੀ ਦਾ ਨਾਮ ਜੂਨ ਰੱਖਿਆ, ਕਿਉਂਕਿ ਉਹ ਜੂਨ 2018 ਵਿੱਚ ਬੀਚ ‘ਤੇ ਇੱਕ ਆਫ-ਡਿਊਟੀ ਫਾਇਰ ਫਾਈਟਰ ਨੂੰ ਮਿਲੀ ਸੀ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
