ਭਾਰਤੀ ਜਲ ਸੈਨਾ ਵਿੱਚ ਕੰਮ ਕਰਨ ਦੇ ਚਾਹਵਾਨ ਨੌਜਵਾਨਾਂ ਲਈ ਇਹ ਸੁਨਹਿਰੀ ਮੌਕਾ ਹੈ। ਭਾਰਤੀ ਜਲ ਸੈਨਾ ਨੇ ਅਗਨੀਵੀਰ ਭਰਤੀ ਲਈ ਅਰਜ਼ੀ ਦੀ ਆਖਰੀ ਮਿਤੀ ਵਧਾ ਦਿੱਤੀ ਹੈ। ਇਸ ਨਾਲ ਸਬੰਧਤ ਹੋਰ ਜਾਣਕਾਰੀ ਲਈ ਇੱਥੇ ਪੜ੍ਹੋ।
ਜੇਕਰ ਤੁਸੀਂ ਭਾਰਤੀ ਜਲ ਸੈਨਾ ‘ਚ ਨੌਕਰੀ ਕਰਨ ਦਾ ਸੁਪਨਾ ਦੇਖ ਰਹੇ ਹੋ, ਤਾਂ ਇਹ ਖਬਰ ਸਿਰਫ ਤੁਹਾਡੇ ਲਈ ਹੈ। ਨੇਵੀ ਨੇ ਅਗਨੀਵੀਰ ਭਰਤੀ ਲਈ ਆਨਲਾਈਨ ਅਰਜ਼ੀ ਦੀ ਮਿਤੀ ਵਧਾ ਦਿੱਤੀ ਹੈ। ਯੋਗ ਪੁਰਸ਼ ਅਤੇ ਮਹਿਲਾ ਉਮੀਦਵਾਰ 28 ਦਸੰਬਰ, 2022 ਤੱਕ ਸਰਕਾਰੀ ਵੈਬਸਾਈਟ joinindiannavy.gov.in ‘ਤੇ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹਨ।
ਨੋਟ ਕਰੋ ਕਿ ਉਮੀਦਵਾਰ ਅਣਵਿਆਹੇ ਹੋਣੇ ਚਾਹੀਦੇ ਹਨ। ਇਸ ਭਰਤੀ ਮੁਹਿੰਮ ਦਾ ਉਦੇਸ਼ ਕੁੱਲ 1,500 ਅਸਾਮੀਆਂ ਨੂੰ ਭਰਨਾ ਹੈ, ਜਿਨ੍ਹਾਂ ਵਿੱਚੋਂ 1400 ਅਸਾਮੀਆਂ ਅਗਨੀਵੀਰ (SSR) – 01/2023 ਬੈਚ ਲਈ ਹਨ ਅਤੇ 100 ਅਸਾਮੀਆਂ ਅਗਨੀਵੀਰ (MR) – 01/2023 ਬੈਚ ਲਈ ਹਨ।
ਯੋਗਤਾ
ਉਮੀਦਵਾਰ ਨੇ ਸਕੂਲ ਸਿੱਖਿਆ ਦੇ ਕਿਸੇ ਮਾਨਤਾ ਪ੍ਰਾਪਤ ਬੋਰਡ ਤੋਂ ਗਣਿਤ ਅਤੇ ਭੌਤਿਕ ਵਿਗਿਆਨ ਦੇ ਨਾਲ 12ਵੀਂ ਜਮਾਤ ਦੀ ਪ੍ਰੀਖਿਆ ਪਾਸ ਕੀਤੀ ਹੋਣੀ ਚਾਹੀਦੀ ਹੈ ਅਤੇ ਕੈਮਿਸਟਰੀ/ਬਾਇਓਲੋਜੀ/ਕੰਪਿਊਟਰ ਸਾਇੰਸ ਵਿੱਚੋਂ ਘੱਟੋ-ਘੱਟ ਇੱਕ ਵਿਸ਼ਾ ਪਾਸ ਕੀਤਾ ਹੋਣਾ ਚਾਹੀਦਾ ਹੈ।
ਉਮਰ ਸੀਮਾ
ਨੇਵੀ ਅਗਨੀਵੀਰ ਭਾਰਤੀ ਲਈ ਉਮੀਦਵਾਰਾਂ ਦਾ ਜਨਮ 1 ਮਈ 2002 ਤੋਂ 31 ਅਕਤੂਬਰ 2005 ਦਰਮਿਆਨ ਹੋਣਾ ਚਾਹੀਦਾ ਹੈ। ਯਾਨੀ ਉਮੀਦਵਾਰ ਦੀ ਉਮਰ 17.5 ਸਾਲ ਤੋਂ 21 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ।
ਅਰਜ਼ੀ ਦੀ ਫੀਸ
ਉਮੀਦਵਾਰਾਂ ਨੂੰ ਨੇਵੀ ਅਗਨੀਵੀਰ ਭਰਤੀ ਦੇ ਤਹਿਤ ਨੈੱਟ ਬੈਂਕਿੰਗ ਦੀ ਵਰਤੋਂ ਕਰਕੇ ਜਾਂ ਵੀਜ਼ਾ/ਮਾਸਟਰ/ਰੂਪੇ ਕ੍ਰੈਡਿਟ/ਡੇਬਿਟ ਕਾਰਡ/ਯੂਪੀਆਈ ਦੀ ਵਰਤੋਂ ਕਰਕੇ ਔਨਲਾਈਨ ਅਰਜ਼ੀ ਦੇਣ ਲਈ 550 ਰੁਪਏ ਦੀ ਪ੍ਰੀਖਿਆ ਫੀਸ ਅਤੇ 18 ਪ੍ਰਤੀਸ਼ਤ ਜੀਐਸਟੀ ਦਾ ਭੁਗਤਾਨ ਕਰਨਾ ਹੋਵੇਗਾ।
ਇਸ ਤਰ੍ਹਾਂ ਅਪਲਾਈ ਕਰੋ
ਸਭ ਤੋਂ ਪਹਿਲਾਂ ਉਮੀਦਵਾਰ ਭਾਰਤੀ ਜਲ ਸੈਨਾ ਦੀ ਅਧਿਕਾਰਤ ਵੈੱਬਸਾਈਟ joinindiannavy.gov.in ‘ਤੇ ਜਾਓ।
ਇਸ ਤੋਂ ਬਾਅਦ, ਹੋਮ ਪੇਜ ‘ਤੇ ਰਜਿਸਟ੍ਰੇਸ਼ਨ ਸੈਕਸ਼ਨ ‘ਤੇ ਕਲਿੱਕ ਕਰਕੇ ਆਪਣੀ ਈ-ਮੇਲ ਆਈਡੀ ਨਾਲ ਆਪਣੇ ਆਪ ਨੂੰ ਰਜਿਸਟਰ ਕਰੋ।
ਹੁਣ ਆਪਣੀ ਈ-ਮੇਲ ਆਈਡੀ ਨਾਲ ਲੌਗਇਨ ਕਰੋ ਅਤੇ ਮੌਜੂਦਾ ਮੌਕੇ ‘ਤੇ ਕਲਿੱਕ ਕਰੋ।
ਹੁਣ ਤੁਹਾਡੇ ਸਾਹਮਣੇ ਡਿਸਪਲੇ ‘ਤੇ ਅਪਲਾਈ ਬਟਨ ਦਿਖਾਈ ਦੇਵੇਗਾ, ਉਸ ‘ਤੇ ਕਲਿੱਕ ਕਰੋ।
ਹੁਣ ਪੁੱਛੇ ਗਏ ਸਾਰੇ ਲੋੜੀਂਦੇ ਵੇਰਵੇ ਦਾਖਲ ਕਰੋ ਅਤੇ ਸੰਬੰਧਿਤ ਦਸਤਾਵੇਜ਼ਾਂ ਨੂੰ ਅਪਲੋਡ ਕਰੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
