Indian Navy Recruitment 2023: ਭਾਰਤੀ ਜਲ ਸੈਨਾ ਨੇ ਚਾਰ ਸਾਲਾ ਬੀ.ਟੈਕ ਡਿਗਰੀ ਪ੍ਰੋਗਰਾਮ ਲਈ ਅਣਵਿਆਹੇ ਪੁਰਸ਼ ਉਮੀਦਵਾਰਾਂ ਤੋਂ ਅਰਜ਼ੀਆਂ ਮੰਗੀਆਂ। ਇਸ ਪ੍ਰੋਗਰਾਮ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰ ਭਾਰਤੀ ਜਲ ਸੈਨਾ ਤੋਂ ਚਾਰ ਸਾਲਾ ਬੀ.ਟੈਕ ਡਿਗਰੀ ਕੋਰਸ ਕਰ ਸਕਦੇ ਹਨ। ਇਹ ਅਰਜ਼ੀਆਂ 10+2 (B.Tech) ਕੈਡੇਟ ਐਂਟਰੀ ਸਕੀਮ ਅਧੀਨ ਹਨ। ਇਸ ਤਹਿਤ ਕਾਰਜਕਾਰੀ, ਤਕਨੀਕੀ ਸ਼ਾਖਾ ਅਤੇ ਸਿੱਖਿਆ ਸ਼ਾਖਾ ਲਈ ਉਮੀਦਵਾਰਾਂ ਦੀ ਚੋਣ ਹੋਵੇਗੀ। ਸਿਰਫ਼ ਅਣਵਿਆਹੇ ਪੁਰਸ਼ ਉਮੀਦਵਾਰ ਹੀ ਇਸ ਕੋਰਸ ਲਈ ਅਪਲਾਈ ਕਰ ਸਕਦੇ ਹਨ।
ਭਾਰਤੀ ਜਲ ਸੈਨਾ ਦੇ ਬੀ.ਟੈਕ ਪ੍ਰੋਗਰਾਮ ਲਈ ਅਰਜ਼ੀਆਂ 28 ਜਨਵਰੀ 2023 ਤੋਂ ਸ਼ੁਰੂ ਹੋਈਆਂ ਹਨ ਤੇ ਅਪਲਾਈ ਕਰਨ ਦੀ ਆਖਰੀ ਮਿਤੀ 12 ਫਰਵਰੀ 2023 ਹੈ।
ਜਾਣੋ ਨੌਕਰੀਆਂ ਦੀ ਜਾਣਕਾਰੀ
ਇਸ ਭਰਤੀ ਮੁਹਿੰਮ ਰਾਹੀਂ ਕੁੱਲ 35 ਅਸਾਮੀਆਂ ਭਰੀਆਂ ਜਾਣਗੀਆਂ। ਇਨ੍ਹਾਂ ਚੋਂ 30 ਅਸਾਮੀਆਂ ਕਾਰਜਕਾਰੀ ਅਤੇ ਤਕਨੀਕੀ ਸ਼ਾਖਾ ਦੀਆਂ ਹਨ। ਬਾਕੀ 5 ਅਸਾਮੀਆਂ ਸਿੱਖਿਆ ਸ਼ਾਖਾ ਦੀਆਂ ਹਨ।
ਵਿੱਦਿਅਕ ਯੋਗਤਾ
ਸਿਰਫ਼ ਉਹ ਉਮੀਦਵਾਰ ਜਿਨ੍ਹਾਂ ਨੇ ਜੇਈਈ ਮੇਨ 2022 ਦੀ ਪ੍ਰੀਖਿਆ ਪਾਸ ਕੀਤੀ ਹੈ, ਉਹ ਭਾਰਤੀ ਜਲ ਸੈਨਾ ਦੇ ਬੀ.ਟੈਕ ਪ੍ਰੋਗਰਾਮ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਦੇ ਸਕੋਰ ਦੇ ਆਧਾਰ ‘ਤੇ, ਉਨ੍ਹਾਂ ਨੂੰ ਬੀ.ਈ./ਬੀ.ਟੈਕ ਕੋਰਸ ਵਿੱਚ ਦਾਖਲਾ ਮਿਲੇਗਾ।
ਉਮੀਦਵਾਰਾਂ ਨੇ ਭੌਤਿਕ ਵਿਗਿਆਨ, ਰਸਾਇਣ ਅਤੇ ਗਣਿਤ ਦੇ ਵਿਸ਼ਿਆਂ ਵਿੱਚ ਘੱਟੋ-ਘੱਟ 70% ਅੰਕਾਂ ਨਾਲ 12ਵੀਂ ਜਮਾਤ ਪਾਸ ਕੀਤੀ ਹੋਣੀ ਚਾਹੀਦੀ ਹੈ। ਨਾਲ ਹੀ 10ਵੀਂ ਜਾਂ 12ਵੀਂ ‘ਚ ਅੰਗਰੇਜ਼ੀ ‘ਚ ਘੱਟੋ-ਘੱਟ 50 ਫੀਸਦੀ ਅੰਕ ਹੋਣੇ ਚਾਹੀਦੇ ਹਨ।
ਇਸ ਤਰ੍ਹਾਂ ਕਰੋ ਅਪਲਾਈ
ਉਮੀਦਵਾਰ ਭਾਰਤੀ ਜਲ ਸੈਨਾ ਦੀ ਅਧਿਕਾਰਤ ਵੈੱਬਸਾਈਟ joinindiannavy.gov.in ਤੋਂ ਅਪਲਾਈ ਕਰ ਸਕਦੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
