IPL 2023 Playoffs: ਹੁਣ IPL ‘ਚ ਪਲੇਆਫ ਦੀ ਲੜਾਈ ਸ਼ੁਰੂ ਹੋ ਗਈ ਹੈ। ਸਿਰਫ਼ 15 ਲੀਗ ਮੈਚ ਬਾਕੀ ਹਨ। ਇਸ ਤੋਂ ਬਾਅਦ ਪਲੇਆਫ ਮੈਚ ਖੇਡੇ ਜਾਣਗੇ। ਗੁਜਰਾਤ ਟਾਈਟਨਸ ਅੰਕ ਸੂਚੀ ਵਿੱਚ ਸਿਖਰ ‘ਤੇ ਹੈ। ਗੁਜਰਾਤ ਦੇ 11 ਮੈਚਾਂ ਵਿੱਚ 16 ਅੰਕ ਹਨ। ਅਜਿਹੇ ‘ਚ ਪਲੇਆਫ ‘ਚ ਗੁਜਰਾਤ ਟਾਈਟਨਸ ਦੀ ਥਾਂ ਪੱਕੀ ਮੰਨੀ ਜਾ ਰਹੀ ਹੈ।
ਇੰਡੀਅਨ ਪ੍ਰੀਮੀਅਰ ਲੀਗ ‘ਚ ਬੁੱਧਵਾਰ ਨੂੰ ਚੇਨਈ ਸੁਪਰ ਕਿੰਗਜ਼ ਨੇ ਦਿੱਲੀ ਕੈਪੀਟਲਸ ਨੂੰ 27 ਦੌੜਾਂ ਨਾਲ ਹਰਾਇਆ। ਇਸ ਜਿੱਤ ਨਾਲ ਚੇਨਈ ਹੁਣ 15 ਅੰਕਾਂ ਨਾਲ ਪਲੇਆਫ ਕੁਆਲੀਫਾਈ ਕਰਨ ਤੋਂ ਸਿਰਫ਼ ਇੱਕ ਜਿੱਤ ਦੂਰ ਹੈ।
ਮੁੰਬਈ ਇੰਡੀਅਨਜ਼ ਨੇ ਫੜੀ ਰਫ਼ਤਾਰ
ਮੁੰਬਈ ਇੰਡੀਅਨਜ਼ ਨੇ ਆਪਣੇ ਪਿਛਲੇ ਦੋਵੇਂ ਮੈਚ ਜਿੱਤੇ ਹਨ। ਰਾਇਲ ਚੈਲੰਜਰਜ਼ ਬੈਂਗਲੁਰੂ ਖਿਲਾਫ ਆਪਣਾ ਪਿਛਲਾ ਮੈਚ ਜਿੱਤਣ ਤੋਂ ਬਾਅਦ ਉਹ ਅੰਕ ਸੂਚੀ ‘ਚ ਸਿੱਧੇ ਤੀਜੇ ਸਥਾਨ ‘ਤੇ ਪਹੁੰਚ ਗਈ ਹੈ। ਮੁੰਬਈ ਦੇ ਹੁਣ 11 ਅੰਕ ਹਨ ਤੇ ਉਸ ਕੋਲ 3 ਹੋਰ ਮੈਚ ਖੇਡਣੇ ਹਨ, ਇਸ ਲਈ ਉਸ ਦੇ ਪਲੇਆਫ ‘ਚ ਪਹੁੰਚਣ ਦੀ ਸੰਭਾਵਨਾ ਹੁਣ 61 ਫੀਸਦੀ ‘ਤੇ ਪਹੁੰਚ ਗਈ ਹੈ।
ਰੇਸ ਵਿੱਚ ਆਰਸੀਬੀ ਅਤੇ ਕੇਕੇਆਰ
ਲਖਨਊ ਸੁਪਰ ਜਾਇੰਟਸ ਟੇਬਲ ‘ਚ ਚੌਥੇ ਸਥਾਨ ‘ਤੇ ਹੈ। ਲਖਨਊ ਦੇ 11 ਅੰਕ ਹਨ। ਇਸ ਤੋਂ ਇਲਾਵਾ ਰਾਜਸਥਾਨ ਰਾਇਲਜ਼, ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵੀ ਜ਼ੋਰਦਾਰ ਦੌੜ ਵਿੱਚ ਹਨ। ਰਾਜਸਥਾਨ ਦੇ 11 ਮੈਚਾਂ ਵਿੱਚ 10 ਅੰਕ ਹਨ। ਰਾਜਸਥਾਨ ਕੋਲ ਇਸ ਸਮੇਂ 25 ਫੀਸਦੀ, ਕੇਕੇਆਰ ਕੋਲ 23 ਫੀਸਦੀ ਅਤੇ ਆਰਸੀਬੀ ਕੋਲ 22 ਫੀਸਦੀ ਮੌਕੇ ਹਨ। ਪੰਜਾਬ ਕਿੰਗਜ਼ ਕੋਲ ਫਿਲਹਾਲ 14 ਫੀਸਦੀ ਮੌਕੇ ਹਨ, ਪਰ ਉਨ੍ਹਾਂ ਨੂੰ ਆਪਣੇ ਮੈਚ ਜਿੱਤਣ ਦੇ ਨਾਲ-ਨਾਲ ਦੂਜੇ ਮੈਚਾਂ ਦੇ ਨਤੀਜਿਆਂ ‘ਤੇ ਵੀ ਨਿਰਭਰ ਕਰਨਾ ਹੋਵੇਗਾ।
DC ਅਤੇ SRH ਲਗਪਗ ਬਾਹਰ
ਹੈਦਰਾਬਾਦ ਅਤੇ ਦਿੱਲੀ ਦੀਆਂ ਟੀਮਾਂ ਪਲੇਆਫ ਦੀ ਦੌੜ ਤੋਂ ਲਗਭਗ ਬਾਹਰ ਹੋ ਗਈਆਂ ਹਨ। ਹੈਦਰਾਬਾਦ ਦੇ 10 ਮੈਚਾਂ ਵਿੱਚ 8 ਅੰਕ ਹਨ। ਜਦਕਿ ਦਿੱਲੀ ਟੇਬਲ ‘ਚ ਸਭ ਤੋਂ ਹੇਠਲੇ ਸਥਾਨ ‘ਤੇ ਹੈ। ਦਿੱਲੀ ਦੇ 11 ਮੈਚਾਂ ਵਿੱਚ ਸਿਰਫ਼ 8 ਅੰਕ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
