ਇੰਡੀਆ ਦੇ ਸਭ ਤੋਂ ਸ਼ਾਨਦਾਰ ਗੇਂਦਬਾਜ਼ਾਂ ਚੋਂ ਬੁਮਰਾਹ ਨੇ ਕ੍ਰਿਕਟ ਵਿੱਚ ਕਈ ਵੱਡੇ ਰਿਕਾਰਡ ਆਪਣੇ ਨਾਂ ਕੀਤੇ। ਉਹ ਸੱਟ ਕਾਰਨ ਪਿਛਲੇ ਕੁਝ ਸਮੇਂ ਤੋਂ ਟੀਮ ਤੋਂ ਬਾਹਰ ਚੱਲ ਰਹੇ ਹਨ, ਉਨ੍ਹਾਂ ਦੀ ਗੈਰ-ਮੌਜੂਦਗੀ ‘ਚ ਟੀਮ ਇੰਡੀਆ ਦੇ ਪਰਫੋਂਮੇਨਸ ‘ਚ ਕਾਫੀ ਗਿਰਾਵਟ ਆਈ ਹੈ।
ਅੱਜ ਕਰੋੜਾਂ ਰੁਪਏ ਦੇ ਮਾਲਕ ਜਸਪ੍ਰੀਤ ਬੁਮਰਾਹ ਦਾ ਬਚਪਨ ਬਹੁਤ ਚੁਣੌਤੀਪੂਰਨ ਰਿਹਾ। ਜਦੋਂ ਉਹ ਸਿਰਫ਼ 5 ਸਾਲ ਦੇ ਸੀ ਤਾਂ ਉਨ੍ਹਾਂ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ। ਅਜਿਹੇ ‘ਚ ਉਨ੍ਹਾਂ ਦੇ ਪਰਿਵਾਰ ਦੀ ਜ਼ਿੰਮੇਵਾਰੀ ਮਾਂ ਦੇ ਮੋਢਿਆਂ ‘ਤੇ ਆ ਗਈ। ਇੱਕ ਰਿਪੋਰਟ ਮੁਤਾਬਕ ਬਚਪਨ ‘ਚ ਉਸ ਕੋਲ ਪਹਿਨਣ ਲਈ ਸਿਰਫ ਇੱਕ ਟੀ-ਸ਼ਰਟ ਸੀ, ਜਿਸ ਨੂੰ ਰੋਜ਼ਾਨਾ ਧੋ ਕੇ ਪਹਿਨਣਾ ਪੈਂਦਾ ਸੀ।
ਇਸ ਤੋਂ ਇਲਾਵਾ ਜਦੋਂ ਉਸ ਨੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਤਾਂ ਉਸ ਕੋਲ ਪਹਿਨਣ ਲਈ ਜੁੱਤੀ ਵੀ ਨਹੀਂ ਸੀ, ਇਸ ਲਈ ਉਸ ਲਈ ਬਿਨਾਂ ਪੈਸਿਆਂ ਤੋਂ ਜੁੱਤੀ ਖਰੀਦਣੀ ਬਹੁਤ ਮੁਸ਼ਕਲ ਸੀ। ਪਰ ਗਰੀਬੀ ਦੇ ਬਾਵਜੂਦ ਉਸ ਨੇ ਹਿੰਮਤ ਨਹੀਂ ਹਾਰੀ ਅਤੇ ਅੱਜ ਟੀਮ ਇੰਡੀਆ ਵਿੱਚ ਉਹ ਮੁਕਾਮ ਹਾਸਲ ਕਰ ਲਿਆ, ਜੋ ਹਰ ਕਿਸੇ ਦੇ ਵੱਸ ‘ਚ ਨਹੀਂ ਹੁੰਦਾ।
ਦੱਸ ਦੇਈਏ ਕਿ ਟੀਮ ਇੰਡੀਆ ਦੇ ਯਾਰਕਰ ਕਿੰਗ ਜਸਪ੍ਰੀਤ ਬੁਮਰਾਹ ਨੇ ਭਾਰਤ ਲਈ ਹੁਣ ਤੱਕ ਕੁੱਲ 72 ਵਨਡੇ, 60 ਟੀ-20 ਅਤੇ 30 ਟੈਸਟ ਮੈਚ ਖੇਡੇ। ਜਿਸ ‘ਚ ਉਸ ਨੇ ਵਨਡੇ ‘ਚ 24.30 ਦੀ ਔਸਤ ਨਾਲ ਕੁੱਲ 121 ਵਿਕਟਾਂ ਲਈਆਂ।
ਦੂਜੇ ਪਾਸੇ ਜੇਕਰ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਦੀ ਗੱਲ ਕਰੀਏ ਤਾਂ ਉਸ ਨੇ 20.22 ਦੀ ਔਸਤ ਨਾਲ 70 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਬੁਮਰਾਹ ਨੇ ਟੈਸਟ ਮੈਚਾਂ ‘ਚ 21.99 ਦੀ ਔਸਤ ਨਾਲ 128 ਵਿਕਟਾਂ ਪ੍ਰਾਪਤ ਕੀਤੀਆਂ। ਜਸਪ੍ਰੀਤ ਬੁਮਰਾਹ ਟੈਸਟ ਕ੍ਰਿਕਟ ‘ਚ ਹੈਟ੍ਰਿਕ ਲੈਣ ਵਾਲੇ ਤੀਜੇ ਭਾਰਤੀ ਗੇਂਦਬਾਜ਼ ਹਨ। ਉਨ੍ਹਾਂ ਨੇ ਸਾਲ 2019 ‘ਚ ਵੈਸਟਇੰਡੀਜ਼ ਖਿਲਾਫ ਇਹ ਇਤਿਹਾਸ ਰਚਿਆ।
ਜਸਪ੍ਰੀਤ ਬੁਮਰਾਹ ਨੇ ਸਾਲ 2021 ਵਿੱਚ ਸੰਜਨਾ ਗਣੇਸ਼ਨ ਨਾਲ ਵਿਆਹ ਕੀਤਾ ਤੇ ਸੰਜਨਾ ਪੇਸ਼ੇ ਤੋਂ ਇੱਕ ਐਂਕਰ ਹੈ। ਕਿਹਾ ਜਾਂਦਾ ਹੈ ਕਿ ਦੋਵਾਂ ਦੀ ਮੁਲਾਕਾਤ ਆਈ.ਪੀ.ਐੱਲ. ਵੱਡੇ ਬੱਲੇਬਾਜ਼ਾਂ ਨੂੰ ਕਲੀਨ ਬੋਲਡ ਕਰਨ ਵਾਲੇ ਬੁਮਰਾਹ ਸੰਜਨਾ ਨਾਲ ਕਾਫੀ ਬੋਲਡ ਹੋ ਗਏ।
ਸੰਜਨਾ ਨੇ ਬੁਮਰਾਹ ਨੂੰ ਉਸ ਦੇ ਜਨਮਦਿਨ ‘ਤੇ ਇਕ ਪਿਆਰੇ ਨੋਟ ਨਾਲ ਸ਼ੁਭਕਾਮਨਾਵਾਂ ਦਿੱਤੀਆਂ।ਸੰਜਨਾ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਅਤੇ ਬੁਮਰਾਹ ਦੀ ਇਕੱਠੇ ਇੱਕ ਪਿਆਰੀ ਤਸਵੀਰ ਪੋਸਟ ਕੀਤੀ ਅਤੇ ਲਿਖਿਆ, “ਮੇਰੇ ਅੱਜ ਅਤੇ ਮੇਰੇ ਸਾਰੇ ਕੱਲ੍ਹ ਨੂੰ ਜਨਮਦਿਨ ਮੁਬਾਰਕ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
iOS: https://apple.co/3F63oER
