ਹਰਿਆਣਾ ਦੇ ਗੈਂਗਸਟਰ ਸੰਦੀਪ ਉਰਫ ਕਾਲਾ ਜਠੇੜੀ ਅਤੇ ਲੇਡੀ ਡਾਨ ਅਨੁਰਾਧਾ ਚੌਧਰੀ ਉਰਫ ਮੈਡਮ ਮਿੰਜ਼ ਦਾ ਵਿਆਹ ਸਮਾਰੋਹ ਅੱਜ ਸੰਪੰਨ ਹੋ ਗਿਆ ਹੈ।ਦਿੱਲੀ ਦੇ ਦੁਆਰਕਾ ਸਥਿਤ ਸੰਤੋਥ ਪੈਲੇਸ ‘ਚ ਦੋਵਾਂ ਦਾ ਵਿਆਹ ਦੇ ਬੰਧਨ ‘ਚ ਬੱਝ ਗਏ।ਇਸ ਦੌਰਾਨ ਸੁਰਖ ਲਾਲ ਜੋੜੇ ‘ਚ ਲੇਡੀ ਡਾਨ ਨਜ਼ਰ ਆਈ, ਜਦੋਂਕਿ ਕਾਲਾ ਜਠੇੜੀ ਕੁੜਤਾ ਪਜ਼ਾਮਾ ਅਤੇ ਸਦਰੀ ‘ਚ ਸੀ।ਉਸਦੇ ਸਿਰ ‘ਤੇ ਲਾਲ ਰੰਗ ਦੀ ਪੱਗ ਸੀ।ਇਸ ਤੋਂ ਪਹਿਲਾਂ ਮੈਡਮ ਮਿੰਜ਼ ਆਪ ਸਕਾਰਪੀਓ ਚਲਾ ਕੇ ਦਿੱਲੀ ਪਹੁੰਚੀ।ਉਸਦੇ ਨਾਲ ਪਰਿਵਾਰ ਦੇ ਲੋਕ ਵੀ ਮੌਜੂਦ ਹਨ।
ਇਸ ਚਰਚਿਤ ਵਿਆਹ ਦੀ ਸੁਰੱਖਿਆ ਦੇ ਲਈ ਅਤਿਆਧੁਨਿਕ ਹਥਿਆਰਾਂ ਨਾਲ ਲੈਸ ਕਮਾਂਡੋ ਤਾਇਨਾਤ ਕੀਤੇ ਗਏ ਹਨ।ਡ੍ਰੋਨ ਨਾਲ ਪੂਰੇ ਇਲਾਕੇ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ।ਬੈਂਕਵੇਟ ਹਾਲ ਦੇ ਆਸਪਾਸ ਦੀਆਂ ਛੱਤਾਂ ‘ਤੇ ਦਿੱਲੀ ਪੁਲਿਸ ਦੇ ਜਵਾਨ ਤਾਇਨਾਤ ਹਨ।ਸਾਰੇ ਪੁਲਿਸ ਕਰਮਚਾਰੀਆਂ ਨੇ ਬਾਡੀ ਕੈਮਰਾ ਲਗਾ ਰੱਖਿਆ ਹੈ।ਇੱਥੇ ਆਉਣ ਵਾਲੇ ਮਹਿਮਾਨਾਂ ਨੂੰ ਮੋਬਾਇਲ ਲੈ ਕੇ ਅੰਦਰ ਜਾਣਾ ਮਨ੍ਹਾ ਸੀ।ਦਿੱਲੀ ਪੁਲਿਸ ਨੇ ਡੀਜੇ ਵੀ ਅੰਦਰ ਨਹੀਂ ਵੱਜਣ ਦਿੱਤੇ।ਆਪਣਾ ਸਾਜੋ ਸਮਾਨ ਲੈ ਕੇ ਪਹੁੰਚੇ ਡੀਜੇ ਵਾਲੇ ਨੂੰ ਅੰਦਰ ਨਹੀਂ ਜਾਣ ਦਿੱਤਾ।
ਹਾਈਕੋਰਟ ਦੇ ਆਦੇਸ਼ ਦੇ ਤਹਿਤ ਗੈਂਗਸਟਰ ਕਾਲਾ ਜਠੇੜੀ ਨੂੰ ਅੱਜ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਦੀ ਪੈਰੋਲ ਮਿਲੀ ਹੈ।ਇਸ ਲਈ 4 ਵਜੇ ਤੋਂ ਪਹਿਲਾਂ ਹੀ ਸਾਰੀਆਂ ਰਸਮਾਂ ਪੂਰੀਆਂ ਕੀਤੀਆਂ ਜਾ ਰਹੀਆਂ ਹਨ।ਤਿਹਾੜ ਜੇਲ੍ਹ ਤੋਂ ਭਾਰੀ ਸੁਰੱਖਿਆ ਬਲ ਦੇ ਨਾਲ ਆਇਆ ਸੰਦੀਪ ਸਿੱਧੇ ਬੈਂਕਵੇਟ ਹਾਲ ‘ਚ ਪਹੁੰਚਿਆ।ਉਥੇ ਜਾਣ ਤੋਂ ਬਾਅਦ ਉਸਨੇ ਆਪਣੇ ਕੱਪੜੇ ਬਦਲੇ।ਇਸਦੇ ਬਾਅਦ ਸਟੇਜ ‘ਤੇ ਜਾ ਕੇ ਕੁਝ ਦੇਰ ਆਪਣੀ ਹੋਣ ਵਾਲੀ ਪਤਨੀ ਅਨੁਰਾਧਾ ਚੌਧਰੀ ਦੇ ਨਾਲ ਬੈਠਾ।ਫਿਰ ਦੋਵੇਂ ਵਿਆਹ ਦੇ ਮੰਡਪ ‘ਚ ਪਹੁੰਚੇ, ਜਿੱਥੇ ਉਸਨੇ ਲੇਡੀ ਡਾਨ ਦੇ ਸੰਦੂਰ ਭਰਿਆ।
