Kangana Ranaut on Karan Johar: ਬਾਲੀਵੁੱਡ ਪੰਗਾ ਐਕਟਰਸ ਕੰਗਨਾ ਰਣੌਤ ਅਕਸਰ ਆਪਣੇ ਬੇਬਾਕ ਅੰਦਾਜ਼ ਤੇ ਬਿਆਨਾਂ ਨੂੰ ਲੈ ਕੇ ਚਰਚਾ ਵਿੱਚ ਰਹਿੰਦੀ ਹੈ। ਇਸ ਤੋਂ ਇਲਾਵਾ ਉਹ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਅਕਸਰ ਕਿਸੇ ਨਾ ਕਿਸੇ ਮੁੱਦੇ ‘ਤੇ ਆਪਣੇ ਵਿਚਾਰ ਸਾਂਝੇ ਕਰਦੀ ਰਹਿੰਦੀ ਹੈ।
ਇਸ ਦੌਰਾਨ ‘ਧਾਕੜ’ ਸਟਾਰ ਨੇ ਕਰਨ ਜੌਹਰ ਵਲੋਂ ਸ਼ੇਅਰ ਕੀਤੀ ਗਈ ਇੱਕ ਪੋਸਟ ਦਾ ਕਰਾਰਾ ਜਵਾਬ ਦਿੱਤਾ ਹੈ ਜੋ ਸੁਰਖੀਆਂ ਵਿੱਚ ਹੈ। ਦਰਅਸਲ, ਕਰਨ ਜੌਹਰ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਲਿਖਿਆ, ‘ਲਾਗਾ ਲੋ ਇਲਜ਼ਮ ਹਮ ਝੁਕਨੇ ਵਾਲੋ ਮੈਂ ਸੇ ਨਹੀਂ। ਝੂਠ ਕੇ ਬਣ ਜਾਓ ਗੁਲਾਮ, ਹਮ ਬੋਲਨੇ ਵਾਲੋਂ ਮੇ ਸੇ ਨਹੀਂ। ਜਿਤਨਾ ਨਿੱਚਾ ਦਿਖਾਓਗੇ, ਜਿਤਨੇ ਇਲਜ਼ਾਮ ਲਗਾਓਗੇ… ਹਮ ਗਿਰਨੇ ਵਾਲੋਂ ਮੇ ਸੇ ਨਹੀਂ। ਹਮਾਰਾ ਕਰਮ ਹਮਾਰੀ ਵੀਜੈ ਹੈ। ਆਪ ਉਠਾ ਲੋ ਤਲਵਾਰ… ਹਮ ਮਰਨੇ ਵਾਲੋਂ ਮੇ ਸੇ ਨਹੀਂ।’
ਇਸ ਪੋਸਟ ਦੇ ਵਾਇਰਲ ਹੋਣ ਤੋਂ ਬਾਅਦ ਕਰਨ ਜੌਹਰ ਦੀ ਸੋਟਰੀ ਦਾ ਸਕਰੀਨ ਸ਼ੌਟ ਸ਼ੇਅਰ ਕਰਦੇ ਹੋਏ ‘ਮਣੀਕਰਨਿਕਾ’ ਫੇਮ ਸਟਾਰ ਨੇ ਜਵਾਬ ਵਿੱਚ ਲਿਖਿਆ, ‘ਇੱਕ ਸਮਾਂ ਸੀ ਜਦੋਂ ਚਾਚਾ ਚੌਧਰੀ ਐਲੀਟ ਨੇਪੋਟੀਜ਼ਮ ਮਾਫੀਆ ਵਾਲਿਆਂ ਨਾਲ ਰਾਸ਼ਟਰੀ ਟੈਲੀਵਿਜ਼ਨ ‘ਤੇ ਮੈਨੂੰ ਜ਼ਲੀਲ ਕਰਦੇ ਸੀ ਤੇ ਧੱਕੇਸ਼ਾਹੀ ਕਰਦੇ ਸੀ ਕਿਉਂਕਿ ਮੈਂ ਅੰਗਰੇਜ਼ੀ ਨਹੀਂ ਬੋਲ ਪਾਉਂਦੀ ਸੀ। ਅੱਜ ਉਸ ਦੀ ਹਿੰਦੀ ਦੇਖ ਕੇ ਮੈਂ ਸੋਚਿਆ ਕਿ ਅਜੇ ਤਾਂ ਤੁਹਾਡੀ ਹਿੰਦੀ ਹੀ ਸੁਧਰੀ ਹੈ… ਅੱਗੇ-ਅੱਗੇ ਵੇਖੋ ਹੁੰਦਾ ਹੈ ਕੀ।’
ਕੰਗਨਾ ਨੇ ਪੀਸੀ ਨੂੰ ਕੀਤਾ ਸੀ ਸਪੋਰਟ
ਦੱਸ ਦਈਏ ਕਿ ਹਾਲ ਹੀ ਵਿੱਚ ਪ੍ਰਿਯੰਕਾ ਚੋਪੜਾ ਨੇ ਬਾਲੀਵੁੱਡ ਛੱਡਣ ਦਾ ਕਾਰਨ ਦੱਸਿਆ ਸੀ। ਜਿਸ ‘ਚ ਉਨ੍ਹਾਂ ਕਿਹਾ ਕਿ ਇੰਡਸਟਰੀ ‘ਚ ਉਨ੍ਹਾਂ ਨੂੰ ਇੱਕ ਕੋਨੇ ‘ਚ ਧੱਕਿਆ ਜਾ ਰਿਹਾ ਹੈ। ਲੋਕ ਉਸ ਨੂੰ ਕਾਸਟ ਨਹੀਂ ਕਰ ਰਹੇ ਸੀ। ਉਸਨੇ ਇਹ ਵੀ ਕਬੂਲ ਕੀਤਾ ਕਿ ਉਹ ਰਾਜਨੀਤੀ ਦੀ ਖੇਡ ਖੇਡਣ ਵਿੱਚ ਚੰਗੀ ਨਹੀਂ ਹੈ ਅਤੇ ਇਸ ਲਈ ਉਦਯੋਗ ਦੀ ਰਾਜਨੀਤੀ ਤੋਂ ਥੱਕ ਗਈ ਸੀ। ਇਨ੍ਹਾਂ ਸਾਰੀਆਂ ਗੱਲਾਂ ਤੋਂ ਤੰਗ ਆ ਕੇ ਉਸ ਨੇ ਬ੍ਰੇਕ ਲੈਣ ਬਾਰੇ ਸੋਚਿਆ ਤੇ ਫਿਰ ਮੌਕਾ ਮਿਲਦੇ ਹੀ ਉਸ ਨੇ ਹਾਲੀਵੁੱਡ ਵੱਲ ਰੁਖ਼ ਕਰ ਲਿਆ। ਪੀਸੀ ਦੇ ਇਸ ਖੁਲਾਸੇ ਤੋਂ ਬਾਅਦ ਕੰਗਨਾ ਨੇ ਖੁੱਲ੍ਹ ਕੇ ਉਸ ਦਾ ਸਮਰਥਨ ਕਰਦੇ ਹੋਏ ਇਸ ਦਾ ਕਾਰਨ ਕਰਨ ਜੌਹਰ ਨੂੰ ਦੱਸਿਆ।
ਦੱਸ ਦੇਈਏ ਕਿ ਕਰਨ ਜੌਹਰ ਤੇ ਕੰਗਨਾ ਰਣੌਤ ਵਿਚਕਾਰ ਸ਼ਬਦਾਂ ਦੀ ਜੰਗ ਲੰਬੇ ਸਮੇਂ ਤੋਂ ਚੱਲ ਰਹੀ ਹੈ, ਜੋ ਖ਼ਤਮ ਹੋਣ ਦੀ ਬਜਾਏ ਵਧਦੀ ਹੀ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
