Karan Aujla new album with Ikky: ਪੰਜਾਬੀ ਸੁਪਰਸਟਾਰ ਤੇ ਸੈਨਸੇਸ਼ਨ ਪੰਜਾਬੀ ਸਿੰਗਰ ਕਰਨ ਔਜਲਾ ਲੱਖਾਂ ਲੋਕਾਂ ਦੇ ਦਿਲਾਂ ਦੀ ਧੜਕਣ ਹੈ। ਕਰਨ ਚਿੱਟਾ ਕੁੜਤਾ, ਹਾਂ ਹੈਗੇ ਆ, ਡੋਂਟ ਲੁੱਕ ਵਰਗੇ ਗਾਣਿਆਂ ਨਾਲ ਸਾਰੇ ਚਾਰਟਬਸਟਰ ਪਲੇਅਲਿਸਟ ‘ਤੇ ਰਾਜ ਕਰਦਾ ਹੈ।
ਦੱਸ ਦਈਏ ਕਿ ਹਾਲ ਹੀ ਇੱਕ ਇੰਟਰਵਿਊ ‘ਚ ਜਿੱਥੇ ਕਰਨ ਨੇ ਆਪਣੇ ਅਤੇ ਸਿੱਧੂ ਮੂਸੇਵਾਲਾ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਉਥੇ ਹੀ ਉਸ ਨੇ ਆਪਣੀ ਪਹਿਲੀ ਪੰਜਾਬੀ ਫਿਲਮ ਦਾ ਐਲਾਨ ਵੀ ਕੀਤਾ। ਜਿਸ ਦੇ ਟਾਈਟਲ ਬਾਰੇ ਅਜੇ ਕੁਝ ਵੀ ਜਾਣਕਾਰੀ ਸਾਹਮਣੇ ਨਹੀਂ ਆਈ। ਇਸ ਸਭ ਦੇ ਨਾਲ ਹੀ ਹੁਣ ਸਿੰਗਰ ਕਰਨ ਔਜਨਾ ਨੇ ਆਪਣੀ ਨਵੀਂ ਐਲਬਮ ਦਾ ਐਲਾਨ ਕਰ ਦਿੱਤਾ ਹੈ।
ਦੱਸ ਦਈਏ ਕਿ ਔਜਲਾ ਨੇ ਆਪਣੀ ਨਵੀਂ ਐਲਬਮ ਦਾ ਐਲਾਨ Ikky ਨਾਲ ਕੀਤਾ ਹੈ। ਜੀ ਹਾਂ, ਕਰਨ ਔਜਲਾ ਦੀਆਂ ਐਲਬਮਾਂ ਅਤੇ ਈਪੀਜ਼ BTFU, Way Ahead ਤੇ Four You ਦੀ ਗ੍ਰੈਂਡ ਸਕਸੈਸ ਤੋਂ ਬਾਅਦ ਹੁਣ ਕਲਾਕਾਰ 2023 ਦੀਆਂ ਗਰਮੀਆਂ ਵਿੱਚ ਆਪਣੀ ਨਵੀਂ ਐਲਬਮ ਨਾਲ ਵਾਪਸ ਆ ਕੇ ਪਾਰਾ ਹੋਰ ਵਧਾਉਣ ਲਈ ਤਿਆਰ ਹੈ।
ਕਰਨ ਔਜਲਾ ਨੇ ਆਪਣੇ ਨਵੇਂ ਪ੍ਰੋਜੈਕਟ ਦਾ ਐਲਾਨ ਗਾਣੇ ਦੇ ਐਂਡ ‘ਚ ਕ੍ਰੈਡਿਟ ਵਿੱਚ ਵਖਰੇ ਤਰੀਕੇ ਨਾਲ ਇਸ ਦੀ ਜਾਣਕਾਰੀ ਸ਼ੇਅਰ ਕਰਕੇ ਦਿੱਤਾ ਹੈ। ਕਰਨ ਔਜਲਾ ਦਾ ਨਵਾਂ ਗੀਤ Yeah Naah ਯੂਟਿਊਬ ‘ਤੇ ਰਿਲੀਜ਼ ਹੋ ਗਿਆ ਹੈ ਤੇ ਇਸ ਦੇ ਅੰਤ ਤੱਕ ਪ੍ਰਸ਼ੰਸਕਾਂ ਨੂੰ ਉਸਦੀ ਨਵੀਂ ਐਲਬਮ ਦਾ ਅਧਿਕਾਰਤ ਐਲਾਨ ਦੇਖਣ ਨੂੰ ਮਿਲਿਆ।
ਜਿਸ ‘ਚ ਲਿਖਿਆ ਹੈ- “Summer 2023… The Heat Will Arise Again. Karan Aujla + Ikky. Full Album”
ਕਰਨ ਔਜਲਾ ਨੇ ਅਜੇ ਤੱਕ ਅਧਿਕਾਰਤ ਤੌਰ ‘ਤੇ ਪ੍ਰੋਜੈਕਟ ਦੇ ਟਾਈਟਲ ਤੇ ਖਾਸ ਰਿਲੀਜ਼ ਡੇਟ ਦਾ ਐਲਾਨ ਨਹੀਂ ਕੀਤਾ ਹੈ। ਪਰ ਉਸ ਦੀ ਨਵੀਂ ਐਲਬਮ ਦੀ ਅਨਾਉਂਸਮੈਂਟ ਨੇ ਇੰਟਰਨੈੱਟ ‘ਤੇ ਤਹਿਲਕਾ ਲਿਆਂਦਾ ਹੈ। ਉਸ ਦੇ ਫੈਨਸ ਸੋਸ਼ਲ ਮੀਡੀਆ ‘ਤੇ ਇਸ ਖ਼ਬਰ ਦਾ ਜਸ਼ਨ ਮਨਾ ਰਹੇ ਹਨ ਤੇ ਹੁਣ ਇਸ ਬਾਰੇ ਹੋਰ ਜਾਣਕਾਰੀ ਲੈਣ ਲਈ ਉਤਸੁਕ ਹਨ।
ਕਰਨ ਔਜਲਾ ਦੀਆਂ ਪਿਛਲੀਆਂ ਐਲਬਮਾਂ ਅਤੇ ਈਪੀਜ਼ ਨੇ ਉਸਨੂੰ ਵਿਸ਼ਵ ਭਰ ਵਿੱਚ ਵੱਡੀ ਸਫਲਤਾ ਹਾਸਲ ਕੀਤੀ। ਉਸਨੇ ਨਾ ਸਿਰਫ ਭਾਰਤ ਤੇ ਹੋਰ ਅੰਤਰਰਾਸ਼ਟਰੀ ਦੇਸ਼ਾਂ ਵਿੱਚ ਮਿਊਜ਼ਿਕ ਚਾਰਟ ਦੀ ਅਗਵਾਈ ਕੀਤੀ ਸਗੋਂ ਇਸਨੂੰ ਬਿਲਬੋਰਡ ਚਾਰਟ ਤੇ ਹੋਰ ਬਹੁਤ ਕੁਝ ਵਿੱਚ ਵੀ ਬਣਾਇਆ। ਸਾਨੂੰ ਉਸਦੀ ਨਵੀਂ ਐਲਬਮ ਤੋਂ ਬਹੁਤ ਉਮੀਦਾਂ ਹਨ ਅਤੇ ਅਸੀਂ ਸਾਰੇ ਜਾਣਦੇ ਹਾਂ ਕਿ ਇਹ ਕਰਨ ਔਜਲਾ ਦੁਆਰਾ ਇੱਕ ਹੋਰ ਵੱਡੀ ਹਿੱਟ ਹੋਣ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
