ਬਾਲੀਵੁੱਡ ਫਿਲਮ ਡਾਇਰੈਕਟਰ-ਪ੍ਰੋਡਿਊਸਰ ਕਰਨ ਜੌਹਰ 25 ਮਈ ਨੂੰ ਆਪਣਾ 52ਵਾਂ ਜਨਮਦਿਨ ਮਨਾਉਣਗੇ।ਅਜਿਹੇ ‘ਚ ਉਨ੍ਹਾਂ ਨੇ ਆਪਣੇ ਬੱਚਿਆਂ ਦੇ ਨਾਲ ਇੱਕ ਵੀਡੀਓ ਸਾਂਝਾ ਕੀਤਾ।ਵੀਡੀਓ ‘ਚ ਕਰਨ ਨੇ ਉਨ੍ਹਾਂ ਤੋਂ ਪੁੱਛਿਆ ਕਿ ਉਹ ਉਨ੍ਹਾਂ ਦੇ ਜਨਮਦਿਨ ‘ਤੇ ਉਨ੍ਹਾਂ ਨੂੰ ਕੀ ਗਿਫਟ ਦੇਣਗੇ।
ਉਨ੍ਹਾਂ ਦੇ ਬੱਚਿਆਂ ਨੇ ਕਰਨ ਨੂੰ ਜੋ ਜਵਾਬ ਦਿੱਤਾ ਉਹ ਕਾਫੀ ਮਜ਼ੇਦਾਰ ਹੈ।ਵੀਡੀਓ ‘ਚ ਕਰਨ ਪੁੱਛਦੇ ਹਨ-ਅਰੇ ਇਹ ਮੇਰੇ ਬਰਥਡੇ ਦਾ ਮਹੀਨਾ ਹੈ।ਇਸ ਮਹੀਨੇ ਮੈਨੂੰ ਕੀ ਮਿਲ ਰਿਹਾ ਹੈ? ਆਪਣੇ ਡੈਡ ਨੂੰ ਜਵਾਬ ਦਿੰਦੇ ਹੋਏ ਰੂਹੀ ਨੇ ਕਿਹਾ ਮੇਰੇ ਵਲੋਂ ਤੁਹਾਨੂੰ ਬਹੁਤ ਸਾਰਾ ਪਿਆਰ।ਇਸ ‘ਤੇ ਉਹ ਕਾਫੀ ਖੁਸ਼ ਹੋਏ, ਤੇ ਧੰਨਵਾਦ ਕਹਿਕੇ ਕਹਿੰਦੇ ਜਵਾਬ ਪਸੰਦ ਆਇਆ।ਇਸਦੇ ਬਾਅਦ ਉਨ੍ਹਾਂ ਦੇ ਬੇਟੇ ਯਸ਼ ਦੀ ਵਾਰੀ ਆਉਂਦੀ ਹੈ।ਵੀਡੀਓ ‘ਚ ਯਸ਼ ਕਹਿੰਦਾ ਹੈ-ਤੁਹਾਨੂੰ ਮੇਰੇ ਵਲੋਂ ਕੁਝ ਨਹੀਂ ਮਿਲੇਗਾ ਕਿਉਂਕਿ ਤੁਸੀਂ ਇਸਦੇ ਲਾਇਕ ਨਹੀਂ ਹੋ।
View this post on Instagram
ਬੇਟੇ ਦੇ ਇਸ ਜਵਾਬ ਨੂੰ ਸੁਣ ਕੇ ਕਰਨ ਹੈਰਾਨ ਰਹਿ ਜਾਂਦੇ ਹਨ ਤੇ ਉਹ ਕਹਿੰਦੇ ਹਨ-ਕੀ.. ਤੁਹਾਡੀ ਹਿੰਮਤ ਕਿਵੇਂ ਹੋਈ ਮੈਨੂੰ ਇਹ ਕਹਿਣ ਦੀ।ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਕਰਨ ਜ਼ੌਹਰ ਨੇ ਕੈਪਸ਼ਨ ‘ਚ ਲਿਖਿਆ ਸੀ-ਓਕੇ! ਮੈਂ ਉਸਨੂੰ ਵਿਰਾਸਤ ਤੋਂ ਬੇਦਖਲ ਕਰ ਰਿਹਾਂ।ਹੁਣ ਸਾਰਾ ਕੁਝ ਰੂਹੀ ਨੂੰ ਮਿਲੇਗਾ।ਕਰਨ ਦੇ ਇਸ ਵੀਡੀਓ ਨੂੰ ਦੇਖ ਹਰ ਕੋਈ ਬੇਹਦ ਖੁਸ਼ ਹੈ।ਲੋਕ ਉਨ੍ਹਾਂ ਦੇ ਬੇਟੇ ਦੀਆਂ ਗੱਲਾਂ ਦੇ ਖੂਬ ਮਜ਼ੇ ਲੈ ਰਹੇ ਹਨ।ਫੈਨਜ਼ ਦੇ ਨਾਲ ਹੀ ਬਾਲੀਵੁੱਡ ਸਿਤਾਰੇ ਵੀ ਇਸ ਵੀਡੀਓ ਨੂੰ ਖੂਬ ਲਾਈਕ ਕਰ ਰਹੇ ਹਨ ਤੇ ਆਪਣੇ ਰਿਐਕਸ਼ਨ ਦੇ ਰਹੇ ਹਨ।
