Kartar Cheema on OTT With Web Series ‘500 Meter’: ਥਾਣਾ ਸਦਰ ਤੋਂ ਬਾਅਦ ਪੰਜਾਬੀ ਐਕਟਰ ਕਰਤਾਰ ਚੀਮਾ ਨੇ ਇੱਕ ਵਾਰ ਫਿਰ ਧਮਾਕੇਦਾਰ ਵਾਪਸੀ ਦੀ ਤਿਆਰੀ ਕਰ ਲਈ ਹੈ। ਦੱਸ ਦਈਏ ਕਿ ਚੀਮਾਂ ਓਟੀਟੀ ਚੌਪਾਲ ਦੀ ਵੈੱਬ ਸੀਰੀਜ਼ ‘500 ਮੀਟਰ’ ਵਿੱਚ ਨਜ਼ਰ ਆਉਣ ਵਾਲਾ ਹੈ। ਇਸ ਵੈੱਬ ਸੀਰੀਜ਼ ‘ਚ ਉਹ ਪੁਲਿਸ ਦੇ ਰੋਲ ‘ਚ ਨਜ਼ਰ ਆਵੇਗਾ।
ਦੱਸ ਦਈਏ ਕਿ ਕਰਤਾਰ ਚੀਮਾ ਦੀ ਆਉਣ ਵਾਲੀ ਵੈੱਬ ਸੀਰੀਜ਼ 500 ਮੀਟਰ ਚੌਪਾਲ ‘ਚ 18 ਮਈ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਇਹ ਵੈੱਬ ਸੀਰੀਜ਼ ਇੱਕ ਸੱਚੀ ਕਹਾਣੀ ਤੋਂ ਪ੍ਰੇਰਿਤ ਹੈ ਤੇ ਪੰਜਾਬ ਵਿੱਚ ਬੱਚਿਆਂ ਦੇ ਅਗਵਾ ਤੇ ਕਤਲ ਦੇ ਮਾਮਲੇ ਨੂੰ ਉਜਾਗਰ ਕਰਦੀ ਹੈ।
‘500 ਮੀਟਰ’ ਨੂੰ ਗੀਤ MP3 ਵਲੋਂ ਖੁਸ਼ ਪ੍ਰੋਡਕਸ਼ਨ ਦੇ ਸਹਿਯੋਗ ਨਾਲ ਪੇਸ਼ ਕੀਤਾ ਗਿਆ ਹੈ, ਅਤੇ ਵਿਸ਼ਵ ਪੱਧਰ ‘ਤੇ ਲਾਂਚ ਕੀਤੇ ਗਏ ਬਹੁ-ਖੇਤਰੀ OTT – ਚੌਪਾਲ OTT ‘ਤੇ ਰਿਲੀਜ਼ ਕੀਤਾ ਜਾਵੇਗਾ। ਵੈੱਬ ਸੀਰੀਜ਼ ਕੇਵੀ ਢਿੱਲੋਂ ਨੇ ਬਣਾਈ ਗਈ ਹੈ ਤੇ ਮਾਨਵ ਸ਼ਾਹ ਨੇ ਇਸ ਨੂੰ ਡਾਈਰੈਕਟ ਕੀਤਾ ਹੈ।
ਚੀਮਾ ਦੇ ਨਾਲ-ਨਾਲ ਇਸ ਵੈੱਬ ਸੀਰੀਜ਼ ‘ਚ ਰਾਹੁਲ ਜੰਗਰਾਲ, ਸੰਜੀਵ ਅੱਤਰੀ, ਮੋਹਨ ਕੰਬੋਜ, ਹਰਮਨਪਾਲ ਸਿੰਘ ਅਤੇ ਪਰਮਵੀਰ ਸਿੰਘ ਵਰਗੇ ਕਲਾਕਾਰ ਲੇਖਕ ਗੁਰਪ੍ਰੀਤ ਭੁੱਲਰ ਵਲੋਂ ਰਚੇ ਗਏ ਕਥਾਨਕ ਨੂੰ ਅੱਗੇ ਵਧਾਉਂਦੇ ਹਨ। ਪੋਸਟਰ ‘ਤੇ ਇੱਕ ਸਿਪਾਹੀ ਦੇ ਰੂਪ ਵਿੱਚ ਕਰਤਾਰ ਚੀਮਾ ਦੀ ਲੁੱਕ ਫੈਨਸ ਨੂੰ ਉਸਦੀ ਪੰਜ ਐਪੀਸੋਡਾਂ ਦੀ ਪਹਿਲੀ ਅਪਰਾਧ ਡਰਾਮਾ ਵੈੱਬ ਸੀਰੀਜ਼ ਦੇਖਣ ਲਈ ਐਕਸਾਈਟਿਡ ਕਰਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
