ਕਿਆਰਾ ਅਡਵਾਨੀ ਜਲਦ ਹੀ ਡਾਇਰੈਕਟਰ ਵਿਜੇ ਲਾਲਵਾਨੀ ਦੀ ਆਉਣ ਵਾਲੀ ਫਿਲਮ ‘ਚ ਨਜ਼ਰ ਆਵੇਗੀ। ਇਹ ਇੱਕ ਥ੍ਰਿਲਰ ਫਿਲਮ ਹੈ, ਜਿਸਦਾ ਨਾਮ Lumb ਹੈ। ਹਾਲ ਹੀ ‘ਚ ਖਬਰ ਆ ਰਹੀ ਹੈ ਕਿ ਟੀਵੀ ਸੀਰੀਅਲ ‘ਦੇਵੋਂ ਕੇ ਦੇਵ ਮਹਾਦੇਵ’ ਫੇਮ ਮੋਹਿਤ ਰੈਨਾ ਨੂੰ ਕਿਆਰਾ ਦੇ ਫਿਲਮ ‘ਚ ਕਾਸਟ ਕੀਤਾ ਗਿਆ ਹੈ।
ਫਿਲਮ ਡਾਇਰੈਕਟ OTT ‘ਤੇ ਰਿਲੀਜ਼ ਹੋਵੇਗੀ-
ਪੀਪਿੰਗਮੂਨ ਡਾਟ ਕਾਮ ਦੀਆਂ ਰਿਪੋਰਟਾਂ ਮੁਤਾਬਕ ਇਸ ਥ੍ਰਿਲਰ ਡਰਾਮੇ ਲਈ ਮੋਹਿਤ ਅਤੇ ਕਿਆਰਾ ਨੂੰ ਫਾਈਨਲ ਕਰ ਲਿਆ ਗਿਆ ਹੈ। ਇਸ ਥ੍ਰਿਲਰ ਡਰਾਮੇ ਦੀ ਕਹਾਣੀ ਕਿਆਰਾ ਦੇ ਕਿਰਦਾਰ ਦੇ ਆਲੇ-ਦੁਆਲੇ ਘੁੰਮੇਗੀ, ਪਰ ਫਿਲਮ ‘ਚ ਮੋਹਿਤ ਵੀ ਦਮਦਾਰ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ। ਸੂਤਰਾਂ ਦੀ ਮੰਨੀਏ ਤਾਂ ਨਿਰਮਾਤਾ ਇਸ ਫਿਲਮ ਨੂੰ ਸਿੱਧੇ OTT ‘ਤੇ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
ਕਿਆਰਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2014 ਵਿੱਚ ਕੀਤੀ-
ਕਿਆਰਾ ਨੇ 2014 ‘ਚ ਫਿਲਮ ‘ਫਗਲੀ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ‘ਸ਼ੇਰ ਸ਼ਾਹ’, ‘ਭੂਲ ਭੁਲਾਇਆ 2’, ‘ਜੁਗ ਜੁਗ ਜੀਓ’ ਵਰਗੀਆਂ ਸੁਪਰਹਿੱਟ ਫਿਲਮਾਂ ‘ਚ ਕੰਮ ਕੀਤਾ। ਕਿਆਰਾ ਦੀਆਂ ਆਉਣ ਵਾਲੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ‘ਸੱਤਿਆਪ੍ਰੇਮ ਕੀ ਕਥਾ’, ‘ਗੋਵਿੰਦਾ ਨਾਮ ਮੇਰਾ’ ਵਰਗੀਆਂ ਫਿਲਮਾਂ ‘ਚ ਨਜ਼ਰ ਆਵੇਗੀ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
