Arjun Tendulkar Ranji debut: ਅਰਜੁਨ ਤੇਂਦੁਲਕਰ ਹੁਣ ਆਪਣੇ ਪਿਤਾ ਅਤੇ ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਦੇ ਨਕਸ਼ੇ-ਕਦਮਾਂ ‘ਤੇ ਚੱਲ ਰਹੇ ਹਨ। ਅਰਜੁਨ ਨੇ ਆਪਣਾ ਡੈਬਿਊ ਰਣਜੀ ਟਰਾਫੀ ਮੈਚ ਵਿੱਚ ਸੈਂਕੜਾ ਜੜਦਿਆਂ ਆਪਣੇ ਪਿਤਾ ਦੇ 34 ਸਾਲ ਪੁਰਾਣੇ ਰਿਕਾਰਡ ਦੀ ਬਰਾਬਰੀ ਕਰ ਲਈ। ਇਸ ਨੌਜਵਾਨ ਆਲਰਾਊਂਡਰ ਨੇ ਰਾਜਸਥਾਨ ਦੇ ਖਿਲਾਫ ਗੋਆ ਲਈ ਆਪਣੇ ਪਹਿਲੇ ਰਣਜੀ ਟਰਾਫੀ ਮੈਚ ਵਿੱਚ ਸੈਂਕੜਾ ਲਗਾਇਆ। ਇਸ ਤੋਂ ਪਹਿਲਾਂ ਸਚਿਨ ਨੇ 1988 ‘ਚ ਗੁਜਰਾਤ ਖਿਲਾਫ ਰਣਜੀ ਟਰਾਫੀ ਦੇ ਡੈਬਿਊ ਮੈਚ ‘ਚ ਵੀ ਸੈਂਕੜਾ ਲਗਾਇਆ ਸੀ।
ਸਾਬਕਾ ਭਾਰਤੀ ਕ੍ਰਿਕਟਰ ਯੁਵਰਾਜ ਸਿੰਘ ਦੇ ਪਿਤਾ ਅਤੇ ਖੁਦ ਇੱਕ ਕ੍ਰਿਕਟਰ ਯੋਗਰਾਜ ਸਿੰਘ ਅਰਜੁਨ ਤੇਂਦੁਲਕਰ ਦੇ ਸੈਂਕੜੇ ਤੋਂ ਬਾਅਦ ਹੀ ਲਾਈਮਲਾਈਟ ਵਿੱਚ ਹਨ। ਅਰਜੁਨ ਨੇ ਆਪਣਾ ਡੈਬਿਊ ਕਰਨ ਤੋਂ ਪਹਿਲਾਂ ਇਸ ਸਾਲ ਸਤੰਬਰ ਵਿੱਚ ਯੋਗਰਾਜ ਦੇ ਮਾਰਗਦਰਸ਼ਨ ਵਿੱਚ ਸਿਖਲਾਈ ਲਈ ਸੀ ਅਤੇ ਹੁਣ ਲੋਕ ਮੰਨਦੇ ਹਨ ਕਿ ਯੋਗਰਾਜ ਦੁਆਰਾ ਅਰਜੁਨ ਨੂੰ ਦਿੱਤਾ ਗਿਆ ‘ਗੁਰੂਮੰਤਰ’ ਕੰਮ ਆਇਆ ਹੈ। ਅਰਜੁਨ ਤੇਂਦੁਲਕਰ ਨੇ 207 ਗੇਂਦਾਂ ‘ਤੇ 120 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ।
ਯੋਗਰਾਜ ਨੇ ਅਰਜੁਨ ਨੂੰ ਭੇਜਿਆ ਸੁਨੇਹਾ
ਜਦੋਂ ਤੋਂ ਅਰਜੁਨ ਤੇਂਦੁਲਕਰ ਨੇ ਸੈਂਕੜਾ ਲਗਾਇਆ ਹੈ, ਅਰਜੁਨ ਦੀ ਯੋਗਰਾਜ ਸਿੰਘ ਨਾਲ ਫੋਟੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ‘ਤੇ ਯੋਗਰਾਜ ਸਿੰਘ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਅਭਿਨੇਤਾ ਯੋਗਰਾਜ ਇਨ੍ਹੀਂ ਦਿਨੀਂ ਇਕ ਸ਼ੂਟ ਦੇ ਸਿਲਸਿਲੇ ‘ਚ ਯੂ.ਕੇ. ਉਨ੍ਹਾਂ ਨੇ ਬੁੱਧਵਾਰ ਨੂੰ ਅਰਜੁਨ ਤੇਂਦੁਲਕਰ ਨੂੰ ਸੰਦੇਸ਼ ਭੇਜਿਆ। ਯੋਗਰਾਜ ਨੇ ਆਪਣੇ ਸੰਦੇਸ਼ ‘ਚ ਲਿਖਿਆ, ”ਬੇਟਾ, ਬਹੁਤ ਵਧੀਆ ਬੱਲੇਬਾਜ਼ੀ ਕੀਤੀ। ਇੱਕ ਦਿਨ ਮਹਾਨ ਆਲਰਾਊਂਡਰ ਸਾਬਤ ਹੋਵੋਗੇ। ਇਹ ਮੇਰੇ ਸ਼ਬਦ ਨੋਟ ਕਰ ਲਓ।”
ਗੋਆ ਲਈ ਸੱਤਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਕਰਦੇ ਹੋਏ ਅਰਜੁਨ ਨੇ 178 ਗੇਂਦਾਂ ‘ਤੇ ਆਪਣਾ ਸੈਂਕੜਾ ਪੂਰਾ ਕੀਤਾ। ਇਸ ਪਾਰੀ ਵਿੱਚ ਉਨ੍ਹਾਂ ਨੇ 16 ਚੌਕੇ ਅਤੇ 2 ਛੱਕੇ ਵੀ ਲਗਾਏ। ਅਰਜੁਨ ਅਤੇ ਉਸ ਦੇ ਜੋੜੀਦਾਰ ਸੁਯਸ਼ ਪ੍ਰਭੂਦੇਸਾਈ ਵਿਚਾਲੇ ਸ਼ਾਨਦਾਰ ਸਾਂਝੇਦਾਰੀ ਦੀ ਮਦਦ ਨਾਲ ਗੋਆ ਦੀ ਟੀਮ ਨੇ 400 ਦੌੜਾਂ ਦਾ ਅੰਕੜਾ ਪਾਰ ਕੀਤਾ। ਗੋਆ ਕ੍ਰਿਕਟ ਸੰਘ ‘ਚ ਖੇਡੇ ਜਾ ਰਹੇ ਮੈਚ ‘ਚ ਪ੍ਰਭੂਦੇਸਾਈ ਨੇ ਵੀ ਸੈਂਕੜਾ ਲਗਾਇਆ।
ਭੁੱਲ ਜਾ ਤੂੰ ਸਚਿਨ ਦਾ ਬੇਟਾ..
ਯੋਗਰਾਜ ਨੇ ਸ਼ੁਰੂ ਵਿੱਚ ਸਿਕਸਰ ਕਿੰਗ ਅਤੇ ਉਸਦੇ ਪੁੱਤਰ ਯੁਵਰਾਜ ਸਿੰਘ ਨੂੰ ਵੀ ਸਿਖਲਾਈ ਦਿੱਤੀ ਸੀ। ਯੋਗਰਾਜ ਨੇ ਦੱਸਿਆ ਸੀ ਕਿ ਸਤੰਬਰ ‘ਚ ਉਨ੍ਹਾਂ ਨੂੰ ਅਜਿਹੀ ਬੇਨਤੀ ਮਿਲੀ ਸੀ, ਜਿਸ ਦੀ ਉਨ੍ਹਾਂ ਨੇ ਕਦੇ ਉਮੀਦ ਨਹੀਂ ਕੀਤੀ ਸੀ। ਯੋਗਰਾਜ ਨੇ ਕਿਹਾ, “ਸਤੰਬਰ ਮਹੀਨੇ ਵਿੱਚ ਯੁਵਰਾਜ ਸਿੰਘ ਨੇ ਮੈਨੂੰ ਫ਼ੋਨ ਕੀਤਾ ਅਤੇ ਕਿਹਾ ਕਿ ਪਿਤਾ ਅਰਜੁਨ ਦੋ ਹਫ਼ਤੇ ਚੰਡੀਗੜ੍ਹ ਵਿੱਚ ਰਹਿਣਗੇ ਅਤੇ ਸਚਿਨ ਤੇਂਦੁਲਕਰ ਨੇ ਮੈਨੂੰ ਅਰਜੁਨ ਨੂੰ ਸਿਖਲਾਈ ਦੇਣ ਲਈ ਕਿਹਾ ਹੈ। ਮੈਂ ਸਚਿਨ ਨੂੰ ਨਾਂਹ ਕਿਵੇਂ ਕਹਿ ਸਕਦਾ ਹਾਂ? ਉਹ ਮੇਰੇ ਵੱਡੇ ਪੁੱਤਰ ਵਰਗਾ ਹੈ। ਮੇਰੇ ਕੋਲ ਟ੍ਰੇਨਿੰਗ ਦਾ ਵੱਖਰਾ ਤਰੀਕਾ ਹੈ, ਇਸ ਲਈ ਮੈਂ ਅਰਜੁਨ ਨੂੰ ਕਿਹਾ ਕਿ ਉਹ ਅਗਲੇ 15 ਦਿਨਾਂ ਤੱਕ ਭੁੱਲ ਜਾਣ ਕਿ ਤੁਸੀਂ ਸਚਿਨ ਤੇਂਦੁਲਕਰ ਦੇ ਬੇਟੇ ਹੋ।”
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
