ਇੱਕ ਜੁਲਾਈ ਭਾਵ ਅੱਜ ਤੋਂ ਦੇਸ਼ਭਰ ‘ਚ ਕਈ ਬਦਲਾਅ ਹੋਏ ਹਨ।ਇਨ੍ਹਾਂ ਦਾ ਸਿੱਧਾ ਅਸਰ ਤੁਹਾਡੀ ਜੇਬ ਅਤੇ ਜ਼ਿੰਦਗੀ ‘ਤੇ ਪਵੇਗਾ।ਇਸ ਲਈ ਜ਼ਰੂਰੀ ਹੈ ਕਿ ਨਿਯਮਾਂ ਦੀ ਜਾਣਕਾਰੀ ਪਹਿਲਾਂ ਹੀ ਤੁਹਾਨੂੰ ਹੋਵੇ।ਅੱਜ ਤੋਂ ਕਾਮਰਸ਼ੀਅਲ ਗੈਸ ਸਿਲੰਡਰ ਸਸਤਾ ਹੋ ਗਿਆ ਹੈ।
1.ਕਮਰਸ਼ੀਅਲ ਗੈਸ ਸਿਲੰਡਰ ਹੋਇਆ ਸਸਤਾ
ਕਮਰਸ਼ੀਅਲ ਗੈਸ ਸਿਲੰਡਰ ਦੀਆਂ ਕੀਮਤਾਂ ‘ਚ ਕਟੌਤੀ ਕੀਤੀ ਗਈ ਹੈ।ਦਿੱਲੀ ‘ਚ 19 ਕਿਲੋ ਵਾਲੇ ਕਮਰਸ਼ੀਅਲ ਸਿਲੰਡਰ ਦੀ ਕੀਮਤ 2219 ਰੁਪਏ ਤੋਂ ਘਟਕੇ 2021 ਰੁਪਏ ਹੋ ਗਈ ਹੈ।ਇਸੇ ਤਰ੍ਹਾਂ ਕੋਲਕਾਤਾ ‘ਚ 2322 ਰੁਪਏ ਦੇ ਮੁਕਾਬਲੇ ਹੁਣ ਇਹ ਸਿਲੰਡਰ 2140 ਰੁਪਏ ‘ਚ ਮਿਲੇਗਾ।ਮੁੰਬਈ ‘ਚ ਕੀਮਤ 2171.50 ਰੁਪਏ ਤੋਂ ਘਟ ਕੇ 1981 ਰੁਪਏ ਅਤੇ ਚੇਨੱਈ ‘ਚ 2373 ਤੋਂ ਘਟ ਕੇ 2186 ਰੁਪਏ ਹੋ ਗਈ ਹੈ।
ਇਸ ਹਿਸਾਬ ਨਾਲ ਦਿੱਲੀ ‘ਚ ਗੈਸ ਸਿਲੰਡਰ ਦੀ ਕੀਮਤ 198 ਰੁਪਏ, ਕੋਲਕਾਤਾ ‘ਚ 182 ਰੁਪਏ, ਮੁੰਬਈ ‘ਚ 190.50 ਰੁਪਏ ਅਤੇ ਚੇਨਈ ‘ਚ 187 ਰੁਪਏ ਘੱਟ ਗਈ ਹੈ। ਪਿਛਲੇ ਮਹੀਨੇ ਜੂਨ ਵਿੱਚ ਕਮਰਸ਼ੀਅਲ ਸਿਲੰਡਰ ਦੇ ਰੇਟਾਂ ਵਿੱਚ 135 ਰੁਪਏ ਦੀ ਕਟੌਤੀ ਕੀਤੀ ਗਈ ਸੀ। ਹਾਲਾਂਕਿ ਤੇਲ ਕੰਪਨੀਆਂ ਵੱਲੋਂ ਘਰੇਲੂ ਗੈਸ ਸਿਲੰਡਰ ‘ਚ ਕੋਈ ਰਾਹਤ ਨਹੀਂ ਦਿੱਤੀ ਗਈ ਹੈ। ਦਿੱਲੀ ਵਿੱਚ 14.2 ਕਿਲੋ ਦੇ ਗੈਸ ਸਿਲੰਡਰ ਦੀ ਕੀਮਤ 1003 ਰੁਪਏ ਹੈ।
2. ਹੁਣ ਆਧਾਰ-ਪੈਨ ਲਿੰਕ ਕਰਨ ਲਈ 1000 ਰੁਪਏ ਚਾਰਜ ਕੀਤੇ ਜਾਣਗੇ
ਅੱਜ ਯਾਨੀ 1 ਜੁਲਾਈ ਤੋਂ ਪੈਨ ਨੂੰ ਆਧਾਰ ਨਾਲ ਲਿੰਕ ਕਰਨ ਲਈ ਤੁਹਾਨੂੰ 1,000 ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ। 30 ਜੂਨ ਤੱਕ ਇਹ ਕੰਮ 500 ਰੁਪਏ ਵਿੱਚ ਹੁੰਦਾ ਸੀ। ਹੁਣ ਤੁਹਾਨੂੰ 500 ਰੁਪਏ ਹੋਰ ਦੇਣੇ ਪੈਣਗੇ।
3. ਕ੍ਰਿਪਟੋਕਰੰਸੀ ਲਈ ਕੀਤੇ ਗਏ ਲੈਣ-ਦੇਣ ‘ਤੇ ਟੀ.ਡੀ.ਐੱਸ
ਹੁਣ ਤੋਂ, ਜੇਕਰ ਕ੍ਰਿਪਟੋਕਰੰਸੀ ਲਈ ਇੱਕ ਸਾਲ ਵਿੱਚ 10,000 ਰੁਪਏ ਤੋਂ ਵੱਧ ਦਾ ਲੈਣ-ਦੇਣ ਕੀਤਾ ਜਾਂਦਾ ਹੈ, ਤਾਂ ਇਸ ‘ਤੇ 1% ਚਾਰਜ ਕੀਤਾ ਜਾਵੇਗਾ। ਇਨਕਮ ਟੈਕਸ ਵਿਭਾਗ ਨੇ ਵਰਚੁਅਲ ਡਿਜੀਟਲ ਅਸੇਟਸ (VDA) ਲਈ TDS ਦੇ ਖੁਲਾਸੇ ਦੇ ਮਾਪਦੰਡਾਂ ਨੂੰ ਸੂਚਿਤ ਕੀਤਾ ਹੈ। ਸਾਰੀਆਂ NFT ਜਾਂ ਡਿਜੀਟਲ ਮੁਦਰਾਵਾਂ ਇਸਦੇ ਦਾਇਰੇ ਵਿੱਚ ਆਉਣਗੀਆਂ।
