MAHAKUMBH 2025: ਮਹਾਂ ਕੁੰਭ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਲੱਖਾਂ ਦੀ ਗਿਣਤੀ ਵਿੱਚ ਸ਼ਰਧਾਲੂ ਮਹਾਂ ਕੁੰਭ ਵਿੱਚ ਹਾਜਰੀ ਭਰਨ ਲਈ ਪੁਹੰਚ ਰਹੇ ਹਨ ਇਹ ਲੱਖਾਂ ਦੀ ਗਿਣਤੀ ਵੱਧ ਕੇ ਕਰੋੜਾਂ ਦੀ ਹੋ ਸਕਦੀ ਹੈ।
ਅੱਜ ਪੌਸ਼ ਪੂਰਨਿਮਾ ਦਾ ਪਹਿਲਾ ਇਸ਼ਨਾਨ ਹੈ। ਜਾਣਕਾਰੀ ਅਨੁਸਾਰ ਸਵੇਰੇ 9.30 ਵਜੇ ਤੱਕ 60 ਲੱਖ ਸ਼ਰਧਾਲੂ ਇਸ਼ਨਾਨ ਕਰ ਚੁੱਕੇ ਹਨ। ਇਹ ਅੰਕੜਾ 1 ਕਰੋੜ ਤੱਕ ਪਹੁੰਚ ਸਕਦਾ ਹੈ।
12 ਕਿਲੋਮੀਟਰ ਦੇ ਖੇਤਰ ਵਿੱਚ ਬਣੇ ਇਸ਼ਨਾਨ ਘਾਟ ਸ਼ਰਧਾਲੂਆਂ ਨਾਲ ਭਰੇ ਹੋਏ ਹਨ। ਇਕੱਲੇ ਸੰਗਮ ਵਿੱਚ ਹੀ ਹਰ ਘੰਟੇ 2 ਲੱਖ ਲੋਕ ਇਸ਼ਨਾਨ ਕਰ ਰਹੇ ਹਨ। ਅੱਜ ਤੋਂ, ਸ਼ਰਧਾਲੂ 45 ਦਿਨਾਂ ਦੇ ਕਲਪਾਵ ਸ਼ੁਰੂ ਕਰਨਗੇ।
ਸੰਗਮ ਦੇ ਸਾਰੇ ਰਸਤਿਆਂ ‘ਤੇ ਸ਼ਰਧਾਲੂਆਂ ਦੀ ਭੀੜ ਹੈ। ਮਹਾਂਕੁੰਭ ਦੇ ਕਾਰਨ, ਵਾਹਨਾਂ ਦਾ ਦਾਖਲਾ ਹੋਣਾ ਬੰਦ ਹੈ। ਸ਼ਰਧਾਲੂ ਬੱਸ ਅਤੇ ਰੇਲਵੇ ਸਟੇਸ਼ਨ ਤੋਂ 10-12 ਕਿਲੋਮੀਟਰ ਪੈਦਲ ਚੱਲ ਕੇ ਸੰਗਮ ਵਿੱਚ ਪਹੁੰਚ ਰਹੇ ਹਨ।
ਇਸ ਕੜਾਕੇ ਦੀ ਠੰਢ ਵਿੱਚ ਵਿਦੇਸ਼ੀ ਸ਼ਰਧਾਲੂ ਵੀ ਇਸ਼ਨਾਨ ਕਰ ਰਹੇ ਹਨ। ਬ੍ਰਾਜ਼ੀਲ ਦੇ ਇੱਕ ਸ਼ਰਧਾਲੂ ਫ੍ਰਾਂਸਿਸਕੋ ਨੇ ਕਿਹਾ- ਮੈਂ ਯੋਗਾ ਕਰਦਾ ਹਾਂ। ਮੈਂ ਮੁਕਤੀ ਦੀ ਭਾਲ ਕਰ ਰਿਹਾ ਹਾਂ। ਭਾਰਤ ਦੁਨੀਆ ਦਾ ਅਧਿਆਤਮਿਕ ਦਿਲ ਹੈ। ਜੈ ਸ਼੍ਰੀ ਰਾਮ।
60 ਹਜ਼ਾਰ ਸੈਨਿਕ ਸੁਰੱਖਿਆ ਅਤੇ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਵਿੱਚ ਲੱਗੇ ਹੋਏ ਹਨ। ਪੁਲਿਸ ਕਰਮਚਾਰੀ ਸਪੀਕਰਾਂ ਰਾਹੀਂ ਲੱਖਾਂ ਦੀ ਭੀੜ ਨੂੰ ਕਾਬੂ ਕਰ ਰਹੇ ਹਨ। ਕਮਾਂਡੋ ਅਤੇ ਅਰਧ ਸੈਨਿਕ ਬਲ ਦੇ ਜਵਾਨ ਵੀ ਵੱਖ-ਵੱਖ ਥਾਵਾਂ ‘ਤੇ ਤਾਇਨਾਤ ਹਨ।
