ਆਪਣੇ ਵਿਵਾਦਿਤ ਬਿਆਨ ਕਿ ‘ਬਾਲੀਵੁੱਡ ਮੈਨੂੰ ਅਫੋਰਡ ਨਹੀਂ ਕਰ ਸਕਦਾ’ ਤੋਂ ਬਾਅਦ ਦੱਖਣੀ ਸੁਪਰਸਟਾਰ ਮਹੇਸ਼ ਬਾਬੂ ਹੁਣ ਹਿੰਦੀ ਫਿਲਮਾਂ ‘ਚ ਡੈਬਿਊ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਖਬਰਾਂ ਮੁਤਾਬਕ ਮਹੇਸ਼ ‘ਪੈਨ ਇੰਡੀਆ’ ਫਿਲਮ ਨਾਲ ਹਿੰਦੀ ਫਿਲਮ ਇੰਡਸਟਰੀ ਵਿੱਚ ਆਪਣੀ ਐਂਟਰੀ ਕਰਨ ਲਈ ਤਿਆਰ ਹਨ। ਹਾਲਾਂਕਿ ਅਜੇ ਤੱਕ ਇਸ ਪ੍ਰੋਜੈਕਟ ਬਾਰੇ ਜ਼ਿਆਦਾ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਐਸਐਸ ਰਾਜਾਮੌਲੀ ਨਾਲ ਕਰਨਗੇ ਫਿਲਮ
ਖਬਰਾਂ ਦੇ ਅਨੁਸਾਰ, ਇੱਕ ਨਜ਼ਦੀਕੀ ਸੂਤਰ ਨੇ ਖੁਲਾਸਾ ਕੀਤਾ ਹੈ ਕਿ ਮਹੇਸ਼ ਬਾਬੂ ਐਸਐਸ ਰਾਜਾਮੌਲੀ ਦੇ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕਰਨ ਜਾ ਰਹੇ ਹਨ। ਇਹੀ ਕਾਰਨ ਹੈ ਕਿ ਮਹੇਸ਼ ਬਾਬੂ ਦੀ ਪਿਛਲੀ ਫਿਲਮ ’ਸਰਕਾਰੂ ਵਾਰੀ ਪਤਾ’ ਹਿੰਦੀ ‘ਚ ਰਿਲੀਜ਼ ਨਹੀਂ ਹੋਈ ਸੀ। ਹੋ ਸਕਦਾ ਹੈ ਕਿ ਉਸਦੀ ਆਉਣ ਵਾਲੀ ਫਿਲਮ SSMB28 ਵੀ ਹਿੰਦੀ ਵਿੱਚ ਡਬ ਨਾ ਕੀਤੀ ਗਈ ਹੋਵੇ।
ਰਾਜਾਮੌਲੀ ਅਤੇ ਮਹੇਸ਼ ਬਾਬੂ ਨੇ ਪਿਛਲੇ ਸਾਲ ਕੀਤਾ ਸੀ ਮਿਲ ਕੇ ਕੰਮ
ਮਹੇਸ਼ ਬਾਬੂ ਅਤੇ ਐਸਐਸ ਰਾਜਾਮੌਲੀ ਨੇ ਪਿਛਲੇ ਸਾਲ ਕੋਲਾਬ੍ਰੇਸ਼ਨ ਦਾ ਐਲਾਨ ਕੀਤਾ ਸੀ। ਇਸ ਸਾਲ ਦੀ ਸ਼ੁਰੂਆਤ ‘ਚ ਖਬਰਾਂ ਆਈਆਂ ਸਨ ਕਿ ਦੋਵੇਂ ਸਾਲ ਦੇ ਅੰਤ ਤੱਕ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦੇਣਗੇ। ਸਪਾਟਬੁਆਏ ਦੇ ਸੂਤਰਾਂ ਨੇ ਦੱਸਿਆ, “ਮਹੇਸ਼ ਬਾਬੂ ਨੂੰ ਲੈ ਕੇ ਰਾਜਾਮੌਲੀ ਜੋ ਫਿਲਮ ਬਣਾਉਣਗੇ, ਉਹ ਇਕ ਸ਼ਾਨਦਾਰ ਵਿਚਾਰ ‘ਤੇ ਆਧਾਰਿਤ ਹੈ। ਇਹ ਅਜਿਹੀ ਫਿਲਮ ਹੋਵੇਗੀ ਜੋ ਪਹਿਲਾਂ ਕਦੇ ਨਹੀਂ ਬਣੀ। ਪਰ ਮਹੇਸ਼ ਚਾਹੁੰਦੇ ਹਨ ਕਿ ਸਕ੍ਰੀਨਪਲੇ ‘ਤੇ ਕੰਮ ਕੀਤਾ ਜਾਵੇ ਅਤੇ ਉਸ ਨੂੰ ਫਿਕਸ ਕੀਤਾ ਜਾਵੇ। “
