Mahindra Thar with Discounts: ਮਹਿੰਦਰਾ ਥਾਰ ਵਰਤਮਾਨ ਵਿੱਚ ਭਾਰਤ ‘ਚ ਸਭ ਤੋਂ ਪ੍ਰਸਿੱਧ SUVs ਚੋਂ ਇੱਕ ਹੈ। ਇਸ ਰਫ਼ ਐਂਡ ਟੱਫ਼ ਵਾਹਨ ਦੀ ਫੈਨ ਫੋਲੋਇੰਗ ਵੀ ਕਾਫੀ ਜ਼ਬਰਦਸਤ ਹੈ ਜਿਸ ਕਾਰਨ ਖਰੀਦਦਾਰਾਂ ਨੂੰ ਆਪਣੀ ਗੱਡੀ ਲੈਣ ਲਈ ਲੰਮਾ ਸਮਾਂ ਇੰਤਜ਼ਾਰ ਕਰਨਾ ਪੈਂਦਾ ਹੈ।
ਪਿਛਲੇ ਕੁਝ ਸਾਲਾਂ ‘ਚ ਮਹਿੰਦਰਾ ਥਾਰ ਦੀ ਵਿਕਰੀ ‘ਚ ਭਾਰੀ ਵਾਧਾ ਹੋਇਆ ਹੈ। ਅਜਿਹਾ ਇਸ ਲਈ ਵੀ ਹੋਇਆ ਕਿਉਂਕਿ ਕੰਪਨੀ ਨੇ ਇਸ ਸਾਲ ਦੀ ਸ਼ੁਰੂਆਤ ‘ਚ ਕਾਰ ਦਾ 4X2 RWD ਵਰਜ਼ਨ ਦੋ ਰੰਗਾਂ ਦੇ ਵਿਕਲਪਾਂ ਨਾਲ ਲਾਂਚ ਕੀਤਾ ਸੀ। ਹਾਲਾਂਕਿ, ਮਹਿੰਦਰਾ ਨੇ ਹਾਲ ਹੀ ਵਿੱਚ ਥਾਰ SUV ਦੀ ਕੀਮਤ ਵਿੱਚ ਵਾਧੇ ਦਾ ਐਲਾਨ ਕੀਤਾ ਹੈ।
ਜੇਕਰ ਤੁਸੀਂ ਥਾਰ ਖਰੀਦਣਾ ਚਾਹੁੰਦੇ ਹੋ ਤਾਂ ਇਸਨੂੰ ਲੈਣ ਦਾ ਇਹ ਸਹੀ ਸਮਾਂ ਹੋ ਸਕਦਾ ਹੈ। ਦੇਸ਼ ਭਰ ‘ਚ ਮਹਿੰਦਰਾ ਦੇ ਕੁਝ ਸ਼ੋਅਰੂਮ ਨਵੇਂ ਥਾਰ ‘ਤੇ 65,000 ਰੁਪਏ ਤੱਕ ਦੀ ਛੋਟ ਦੇ ਰਹੇ ਹਨ।
ਚੋਣਵੇਂ ਡੀਲਰਸ਼ਿਪਾਂ ਰਾਹੀਂ ਮਹਿੰਦਰਾ ਥਾਰ ‘ਤੇ 65,000 ਰੁਪਏ ਦੀ ਛੋਟ ‘ਚ ਮਿਲ ਸਕਦੀ ਹੈ। ਦੱਸ ਦਈਏ ਕਿ ਇਸ ਆਫ਼ਰ ਵਿੱਚ 40,000 ਰੁਪਏ ਦੀ ਨਕਦ ਛੋਟ ਤੇ 25,000 ਰੁਪਏ ਦਾ ਐਕਸਚੇਂਜ ਬੋਨਸ ਸ਼ਾਮਲ ਹੈ। ਮਹਿੰਦਰਾ ਥਾਰ ‘ਤੇ ਨਕਦ ਛੋਟ ਅਤੇ ਐਕਸਚੇਂਜ ਬੋਨਸ ਤੁਹਾਡੇ ਸਥਾਨ ਅਤੇ ਤੁਹਾਡੇ ਦੁਆਰਾ ਚੁਣੇ ਗਏ ਰੂਪ ‘ਤੇ ਨਿਰਭਰ ਕਰਦਾ ਹੈ।
ਥਾਰ ਦੀ ਕੀਮਤ
ਮਹਿੰਦਰਾ ਥਾਰ ਦੀਆਂ ਕੀਮਤਾਂ ਵਿੱਚ ਹਾਲ ਹੀ ਵਿੱਚ ਭਾਰਤ ਵਿੱਚ 1.05 ਲੱਖ ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਸੀ। ਡੀਜ਼ਲ-ਮੈਨੁਅਲ ਹਾਰਡ-ਟਾਪ RWD ਦੇ ਨਾਲ ਮਹਿੰਦਰਾ ਥਾਰ ਦੇ ਸਭ ਤੋਂ ਸਸਤੇ ਵੇਰੀਐਂਟ ਦੀ ਕੀਮਤ ਹੁਣ 55,000 ਰੁਪਏ ਵੱਧ ਹੈ। ਜਦੋਂ ਕਿ ਮਹਿੰਦਰਾ ਥਾਰ ਦੇ LX ਡੀਜ਼ਲ-ਮੈਨੂਅਲ ਹਾਰਡ-ਟਾਪ ਰਿਅਰ-ਵ੍ਹੀਲ ਡਰਾਈਵ ਵੇਰੀਐਂਟ ਦੀ ਕੀਮਤ ‘ਚ ਸਭ ਤੋਂ ਵੱਧ 1.05 ਲੱਖ ਰੁਪਏ ਦਾ ਵਾਧਾ ਹੋਇਆ ਹੈ। ਇਹ ਮਹਿੰਦਰਾ ਥਾਰ ਦਾ ਸਭ ਤੋਂ ਮਸ਼ਹੂਰ ਵੇਰੀਐਂਟ ਹੈ। ਮਹਿੰਦਰਾ ਥਾਰ ਦੇ 4WD ਵੇਰੀਐਂਟ ਦੀ ਕੀਮਤ ਹੁਣ 13.49 ਲੱਖ ਰੁਪਏ ਤੋਂ 16.77 ਲੱਖ ਰੁਪਏ ਦੇ ਵਿਚਕਾਰ ਹੈ। ਮਹਿੰਦਰਾ ਇਸ ਸਮੇਂ ਭਾਰਤ ਵਿੱਚ ਆਉਣ ਵਾਲੇ ਮਹੀਨਿਆਂ ਵਿੱਚ ਨਵੀਂ 5-ਡੋਰ ਥਾਰ ਨੂੰ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
