Noida News: ਨੋਇਡਾ ਦੀਆਂ ਵੱਖ-ਵੱਖ ਸੁਸਾਇਟੀਆਂ ‘ਚ ਕੈਬ ਡਰਾਈਵਰਾਂ, ਸੁਰੱਖਿਆ ਗਾਰਡਾਂ ਅਤੇ ਹੋਰ ਕਰਮਚਾਰੀਆਂ ਨਾਲ ਦੁਰਵਿਵਹਾਰ ਦੀਆਂ ਕਈ ਰਿਪੋਰਟਾਂ ਸਾਹਮਣੇ ਆਈਆਂ ਹਨ। ਕਈ ਵੀਡੀਓਜ਼ ‘ਚ ਦੇਖਿਆ ਗਿਆ ਹੈ ਕਿ ਲੋਕ ਸੁਰੱਖਿਆ ਗਾਰਡ ‘ਤੇ ਹੱਥ ਚੁੱਕਦੇ ਹਨ ਜਾਂ ਛੋਟੀ ਜਿਹੀ ਗੱਲ ‘ਤੇ ਕੈਬ ਡਰਾਈਵਰ ਨਾਲ ਝੜਪ ਕਰਦੇ ਹਨ।
ਅਜਿਹੀ ਹੀ ਇੱਕ ਹੋਰ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ ਜਿਸ ‘ਚ ਇੱਕ ਔਰਤ ਘਰ ਦੀ ਨੌਕਰਾਣੀ ਨੂੰ ਲਿਫਟ ਚੋਂ ਬਾਹਰ ਖਿੱਚ ਰਹੀ ਹੈ। ਇਹ ਮਾਮਲਾ ਨੋਇਡਾ ਸੈਕਟਰ 120 ਦੀ ਕਲੀਓ ਕਾਊਂਟੀ ਸੁਸਾਇਟੀ ਨਾਲ ਸਬੰਧਤ ਹੈ। ਇਹ ਘਟਨਾ 26 ਦਸੰਬਰ 2022 ਦੀ ਹੀ ਹੈ।
ਇਸੇ ਸੁਸਾਇਟੀ ਵਿੱਚ ਰਹਿਣ ਵਾਲੀ ਸ਼ੈਫਾਲੀ ਕੌਲ ਨੇ ਲੋਕਾਂ ਦੇ ਘਰਾਂ ਵਿੱਚ ਕੰਮ ਕਰਨ ਵਾਲੀ 20 ਸਾਲਾ ਅਨੀਤਾ ਨਾਲ ਬਤਮੀਜ਼ੀ ਕੀਤੀ। ਸ਼ੈਫਾਲੀ ਨੇ ਜ਼ਬਰਦਸਤੀ ਅਨੀਤਾ ਨੂੰ ਲਿਫਟ ਤੋਂ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ। ਸ਼ੈਫਾਲੀ ਨੇ ਪੂਰੇ ਜ਼ੋਰ ਨਾਲ ਉਸ ਨੂੰ ਖਿੱਚਿਆ ਪਰ ਅਨੀਤਾ ਨੇ ਹੱਥ ਨਾਲ ਲਿਫਟ ਦੀ ਕੰਧ ਫੜ ਲਈ। ਇਸ ਤੋਂ ਪਹਿਲਾਂ ਵੀਡੀਓ ‘ਚ ਦੇਖਿਆ ਗਿਆ ਸੀ ਕਿ ਸ਼ੈਫਾਲੀ ਨੇ ਅਨੀਤਾ ਦੀ ਗਰਦਨ ਆਪਣੇ ਹੱਥਾਂ ‘ਚ ਫੜੀ ਜਿਵੇਂ ਉਹ ਉਸ ਨੂੰ ਜ਼ਬਰਦਸਤੀ ਲੈ ਜਾ ਰਹੀ ਹੋਵੇ।
ਦੋਸ਼ੀ ਔਰਤ ਖਿਲਾਫ ਮਾਮਲਾ ਦਰਜ
ਨੋਇਡਾ ਫੇਜ਼-3 ਥਾਣੇ ਦੇ ਇੰਚਾਰਜ ਨੇ ਦੱਸਿਆ ਕਿ ਅਨੀਤਾ ਇਸ ਸੁਸਾਇਟੀ ਵਿੱਚ ਰਹਿੰਦੀ ਹੈ। ਸਮਝੌਤੇ ਮੁਤਾਬਕ ਉਹ 24 ਘੰਟੇ ਕੰਮ ਲਈ ਲਗਾਈ ਗਈ ਸੀ। ਹੁਣ ਪੀੜਤ ਅਨੀਤਾ ਦੀ ਸ਼ਿਕਾਇਤ ‘ਤੇ ਮਾਮਲਾ ਦਰਜ ਕਰਕੇ ਉਸ ਦਾ ਮੈਡੀਕਲ ਕਰਵਾਇਆ ਗਿਆ ਹੈ। ਜਲਦ ਹੀ ਦੋਸ਼ੀ ਸ਼ੈਫਾਲੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
ਦੱਸਿਆ ਗਿਆ ਹੈ ਕਿ ਅਨੀਤਾ ਦੇ ਚਿਹਰੇ, ਗਰਦਨ ਅਤੇ ਗਲੇ ‘ਤੇ ਸੱਟਾਂ ਲੱਗੀਆਂ ਹਨ। ਨੋਇਡਾ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਔਰਤ ਅਨੀਤਾ ਨੂੰ ਕਿਤੇ ਲਿਜਾਣ ਲਈ ਘਸੀਟਣਾ ਚਾਹੁੰਦੀ ਸੀ ਪਰ ਅਨੀਤਾ ਜਾਣ ਤੋਂ ਇਨਕਾਰ ਕਰ ਰਹੀ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
