ਅੱਜ ਅਸੀਂ ਬਾਲੀਵੁੱਡ ਦੀ ਅਜਿਹੀ ਮਸ਼ਹੂਰ ਪ੍ਰੇਮ ਕਹਾਣੀ ਬਾਰੇ ਗੱਲ ਕਰਦੇ ਹਾਂ ਜੋ ਕਦੇ ਵੀ ਆਪਣੇ ਅੰਤ ਤੱਕ ਨਹੀਂ ਪਹੁੰਚੀ। ਅਸੀਂ ਗੱਲ ਕਰ ਰਹੇ ਹਾਂ ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਦੀ, ਜਿਨ੍ਹਾਂ ਦੇ ਅਫੇਅਰ ਦੀ ਚਰਚਾ ਕਿਸੇ ਸਮੇਂ ਆਮ ਹੁੰਦੀ ਸੀ, ਪਰ ਫਿਰ ਅਜਿਹਾ ਕੀ ਹੋਇਆ ਕਿ ਉਨ੍ਹਾਂ ਦੇ ਰਸਤੇ ਵੱਖ ਹੋ ਗਏ? ਰਿਪੋਰਟਾਂ ਮੁਤਾਬਕ ਧਰਮਿੰਦਰ ਨੂੰ ਫਿਲਮਾਂ ‘ਚ ਲਿਆਉਣ ਦਾ ਸਿਹਰਾ ਮੀਨਾ ਕੁਮਾਰੀ ਨੂੰ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਗਾਇਕ ਕਾਕਾ ਵੱਲੋਂ ਆਪਣੇ ਰਿਸ਼ਤੇ ਦਾ ਐਲਾਨ, ਤਸਵੀਰ ਕੀਤੀ ਸਾਂਝੀ
ਕਿਹਾ ਜਾਂਦਾ ਹੈ ਕਿ ਮੀਨਾ ਕੁਮਾਰੀ ਆਪਣੀ ਹਰ ਫਿਲਮ ‘ਚ ਧਰਮਿੰਦਰ ਨੂੰ ਲੈਣ ਲਈ ਜ਼ੋਰ ਪਾਉਂਦੀ ਸੀ ਅਤੇ ਫਿਲਮ ਨਿਰਮਾਤਾਵਾਂ ਨੂੰ ਵੀ ਅਭਿਨੇਤਰੀ ਦੀ ਇਹ ਜ਼ਿੱਦ ਮੰਨਣੀ ਪਈ ਕਿਉਂਕਿ ਮੀਨਾ ਕੁਮਾਰੀ ਸੁਪਰਸਟਾਰ ਸੀ। ਇਸ ਲੜੀ ਵਿਚ, ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਨੇ ਕਈ ਫਿਲਮਾਂ ਵਿਚ ਇਕੱਠੇ ਕੰਮ ਕੀਤਾ ਸੀ, ਇਹਨਾਂ ਵਿਚ ਸ਼ਾਮਲ ਹਨ – ਮੈਂ ਭੀ ਲੜਕੀ ਹੂੰ, ਪੂਰਨਿਮਾ, ਕਾਜਲ, ਫੂਲ ਔਰ ਪੱਥਰ, ਮੰਝਲੀ ਦੀਦੀ, ਬਹਾਰ ਕੀ ਮੰਜ਼ਿਲ ਆਦਿ।
ਇਸ ਦੌਰਾਨ ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਵਿਚਾਲੇ ਨੇੜਤਾ ਵਧਣ ਲੱਗੀ ਅਤੇ ਜਲਦੀ ਹੀ ਉਨ੍ਹਾਂ ਦੇ ਅਫੇਅਰ ਦੀਆਂ ਚਰਚਾਵਾਂ ਵੀ ਆਮ ਹੋ ਗਈਆਂ। ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਦੇ ਅਫੇਅਰ ਦੀ ਇੰਨੀ ਚਰਚਾ ਹੋ ਰਹੀ ਸੀ ਕਿ ਦਿੱਲੀ ਵਿੱਚ ਇੱਕ ਸਮਾਗਮ ਦੌਰਾਨ ਤਤਕਾਲੀ ਰਾਸ਼ਟਰਪਤੀ ਡਾਕਟਰ ਸਰਵਪੱਲੀ ਰਾਧਾਕ੍ਰਿਸ਼ਨਨ ਨੇ ਖੁਦ ਮੀਨਾ ਕੁਮਾਰੀ ਤੋਂ ਇਸ ਅਫੇਅਰ ਬਾਰੇ ਪੁੱਛਿਆ ਸੀ।
ਵੈਸੇ ਤਾਂ ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਦੀ ਜ਼ਿੰਦਗੀ ‘ਚ ਸਭ ਕੁਝ ਠੀਕ ਚੱਲ ਰਿਹਾ ਸੀ ਪਰ ਫਿਰ ਕੁਝ ਅਜਿਹਾ ਹੋਇਆ ਜਿਸ ਨੇ ਮੀਨਾ ਕੁਮਾਰੀ ਦੀ ਰਾਤਾਂ ਦੀ ਨੀਂਦ ਅਤੇ ਦਿਨ ਦਾ ਆਰਾਮ ਖੋਹ ਲਿਆ। ਦਰਅਸਲ ਫਿਲਮ ‘ਫੂਲ ਔਰ ਪੱਥਰ’ ਦੀ ਸਫਲਤਾ ਤੋਂ ਬਾਅਦ ਧਰਮਿੰਦਰ ਦੀ ਲੋਕਪ੍ਰਿਯਤਾ ਵਧਣ ਲੱਗੀ। ਧਰਮਿੰਦਰ ਨੂੰ ਕਈ ਫਿਲਮਾਂ ਦੀ ਪੇਸ਼ਕਸ਼ ਹੋਈ ਅਤੇ ਇਨ੍ਹਾਂ ਫਿਲਮਾਂ ਦੀ ਸ਼ੂਟਿੰਗ ਕਾਰਨ ਉਨ੍ਹਾਂ ਦਾ ਰੁਝੇਵਾਂ ਵੀ ਵਧਦਾ ਗਿਆ।
ਇਸ ਰੁਝੇਵਿਆਂ ਕਾਰਨ ਧਰਮਿੰਦਰ ਅਤੇ ਮੀਨਾ ਕੁਮਾਰੀ ਵਿਚਾਲੇ ਦੂਰੀ ਵਧਣ ਲੱਗੀ। ਹੌਲੀ-ਹੌਲੀ ਉਨ੍ਹਾਂ ਦਾ ਰਿਸ਼ਤਾ ਟੁੱਟਣ ਦੀ ਕਗਾਰ ‘ਤੇ ਸੀ। ਇਸ ਦੌਰਾਨ ਕਿਹਾ ਜਾ ਰਿਹਾ ਹੈ ਕਿ ਮੀਨਾ ਕੁਮਾਰੀ ਦੀ ਤਬੀਅਤ ਵਿਗੜ ਗਈ ਪਰ ਧਰਮਿੰਦਰ ਨੇ ਉਨ੍ਹਾਂ ਦਾ ਹਾਲ-ਚਾਲ ਵੀ ਨਹੀਂ ਪੁੱਛਿਆ, ਕਿਹਾ ਜਾਂਦਾ ਹੈ ਕਿ ਉਸ ਤੋਂ ਬਾਅਦ ਹੀ ਬ੍ਰੇਕਅੱਪ ‘ਤੇ ਮੋਹਰ ਲੱਗ ਗਈ ਸੀ। ਖਬਰਾਂ ਮੁਤਾਬਕ ਬ੍ਰੇਕਅੱਪ ਤੋਂ ਬਾਅਦ ਫਿਲਮ ‘ਲਵ ਐਂਡ ਗੌਡ’ ਦੀ ਪਾਰਟੀ ‘ਚ ਉਨ੍ਹਾਂ ਦਾ ਆਹਮੋ-ਸਾਹਮਣਾ ਹੋਇਆ ਪਰ ਦੋਹਾਂ ਵਿਚਾਲੇ ਕੋਈ ਗੱਲਬਾਤ ਨਹੀਂ ਹੋਈ। ਦੱਸਿਆ ਜਾਂਦਾ ਹੈ ਕਿ ਧਰਮਿੰਦਰ ਨੇ ਮੀਨਾ ਕੁਮਾਰੀ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ ਸੀ ਅਤੇ ਨਾਰਾਜ਼ ਹੋ ਕੇ ਉਨ੍ਹਾਂ ਨੇ ਪਾਰਟੀ ਛੱਡ ਦਿੱਤੀ ਸੀ।
ਇਹ ਵੀ ਪੜ੍ਹੋ : ਧਮਾਕਾ ਕਰਨ ਨੂੰ ਤਿਆਰ Honey Singh, ਐਲਾਨ ਕੀਤੀ ਨਵੀਂ ਐਲਬਮ, ਜਾਣੋ ਪੂਰੀ ਜਾਣਕਾਰੀ
