Miss World 2024: ਕੱਲ੍ਹ ਭਾਵ 9 ਮਾਰਚ ਨੂੰ, ਮਿਸ ਵਰਲਡ 2024 ਮੁਕਾਬਲੇ ਦਾ ਗ੍ਰੈਂਡ ਫਿਨਾਲੇ ਮੁੰਬਈ, ਭਾਰਤ ਦੇ ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ ਵਿੱਚ ਹੋਇਆ। ਇਸ ਸਮਾਰੋਹ ਵਿੱਚ ਚੈੱਕ ਗਣਰਾਜ ਦੀ ਕ੍ਰਿਸਟੀਨਾ ਪਿਜ਼ਕੋਵਾ ਨੇ ਮਿਸ ਵਰਲਡ 2024 ਦਾ ਖਿਤਾਬ ਜਿੱਤਿਆ। ਪੋਲੈਂਡ ਦੀ ਕੈਰੋਲੀਨਾ ਬਿਏਲਾਵਸਕਾ ਨੇ ਮੁਕਾਬਲੇ ਦੀ ਸਮਾਪਤੀ ‘ਤੇ ਕ੍ਰਿਸਟੀਨਾ ਦੇ ਸਿਰ ‘ਤੇ ਇਹ ਤਾਜ ਰੱਖਿਆ।
ਇਸ ਸਾਲ ਇਸ ਈਵੈਂਟ ਵਿੱਚ ਭਾਰਤ ਦੀ ਨੁਮਾਇੰਦਗੀ ਮਿਸ ਇੰਡੀਆ 2022 ਸਿਨੀ ਸ਼ੈਟੀ ਨੇ ਕੀਤੀ ਸੀ, ਪਰ ਉਹ ਖਿਤਾਬ ਜਿੱਤਣ ਵਿੱਚ ਅਸਫਲ ਰਹੀ। ਸਿਨੀ ਨੇ ਟਾਪ 8 ‘ਚ ਜਗ੍ਹਾ ਬਣਾਈ ਪਰ ਉਹ ਟਾਪ 4 ‘ਚ ਜਗ੍ਹਾ ਨਹੀਂ ਬਣਾ ਸਕੀ।
ਹੁਣ ਗੱਲ ਕਰਦੇ ਹਾਂ ਮਿਸ ਵਰਲਡ 2024 ਬਣੀ ਕ੍ਰਿਸਟੀਨਾ ਪਿਜ਼ਕੋਵਾ ਦੀ। ਮਹਿਜ਼ 24 ਸਾਲ ਦੀ ਉਮਰ ਵਿੱਚ ਉਹ 112 ਦੇਸ਼ਾਂ ਦੇ ਮੁਕਾਬਲੇਬਾਜ਼ਾਂ ਨੂੰ ਹਰਾ ਕੇ ਮਿਸ ਵਰਲਡ ਬਣੀ ਸੀ। ਖਿਤਾਬ ਜਿੱਤਣ ਦੀ ਖੁਸ਼ੀ ਉਸ ਦੇ ਚਿਹਰੇ ‘ਤੇ ਸਾਫ਼ ਝਲਕ ਰਹੀ ਸੀ।
1999 ਵਿੱਚ ਪੈਦਾ ਹੋਈ
ਕ੍ਰਿਸਟੀਨਾ ਪਿਜ਼ਕੋਵਾ ਦਾ ਜਨਮ 19 ਜਨਵਰੀ 1999 ਨੂੰ ਹੋਈ ਸੀ। ਇਸ ਸਮੇਂ ਉਹ ਕਾਨੂੰਨ ਅਤੇ ਵਪਾਰ ਪ੍ਰਸ਼ਾਸਨ ਦੀ ਪੜ੍ਹਾਈ ਵੀ ਕਰ ਰਹੀ ਹੈ। ਪੜ੍ਹਾਈ ਦੇ ਨਾਲ-ਨਾਲ ਉਹ ਮਾਡਲਿੰਗ ‘ਚ ਵੀ ਆਪਣਾ ਕਰੀਅਰ ਬਣਾ ਰਹੀ ਹੈ।
ਇੰਨਾ ਹੀ ਨਹੀਂ ਉਹ ਬੇਸਹਾਰਾ ਲੋਕਾਂ ਲਈ ਕਈ ਕੰਮ ਵੀ ਕਰਦੀ ਹੈ। ਉਸਨੇ ਹਾਲ ਹੀ ਵਿੱਚ ਕ੍ਰਿਸਟੀਨਾ ਪਾਈਜ਼ਕੋ ਫਾਊਂਡੇਸ਼ਨ ਦੀ ਸਥਾਪਨਾ ਕੀਤੀ, ਜੋ ਲੋੜਵੰਦਾਂ ਦੀ ਮਦਦ ਕਰਦੀ ਹੈ।ਇਸ ਤੋਂ ਇਲਾਵਾ ਉਸ ਨੇ ਤਨਜ਼ਾਨੀਆ ਵਿਚ ਗਰੀਬ ਬੱਚਿਆਂ ਲਈ ਇਕ ਅੰਗਰੇਜ਼ੀ ਸਕੂਲ ਖੋਲ੍ਹਿਆ ਹੈ, ਜਿਸ ਨੂੰ ਉਹ ਖੁਦ ਚਲਾਉਂਦੀ ਹੈ। ਉਹ ਅਕਸਰ ਗਰੀਬ ਬੱਚਿਆਂ ਲਈ ਕੁਝ ਕੰਮ ਕਰਦੀ ਹੈ।
