India vs Pakistan, T20 World Cup 2022: ਟੀ-20 ਵਿਸ਼ਵ ਕੱਪ 2022 (T20 World Cup 2022) ‘ਚ ਭਾਰਤ ਅਤੇ ਪਾਕਿਸਤਾਨ (India vs Pakistan) ਵਿਚਾਲੇ ਖੇਡੇ ਜਾਣ ਵਾਲੇ ਮੈਚ ‘ਚ ਪਾਕਿ ਨੇ ਭਾਰਤ ਨੂੰ ਤਕੜੀ ਟੱਕਰ ਦਿੱਤੀ ਪਰ ਆਖਿਰ ‘ਚ ਉਸ ਨੂੰ ਹਾਰ ਦਾ ਮੁੰਹ ਦੇਖਣਾ ਪਿਆ। ਭਾਰਤ ਦੀ ਜਿੱਤ ‘ਤੇ ਜਿੱਥੇ ਇਕ ਪਾਸੇ ਭਾਰਤੀ ਪ੍ਰਸ਼ੰਸਕਾਂ ਵੱਲੋਂ ਭੰਗੜੇ ਪਾਏ ਗਏ ਉਥੇ ਦੂਜੇ ਪਾਸੇ ਪਾਕਿ ਪ੍ਰਸੰਸ਼ਕ ਦੁਖ ਦੇ ਸਾਗਰ ‘ਚ ਡੁੱਬੇ ਦਿਖਾਈ ਦਿੱਤੇ। ਇਸੇ ਵਿਚਾਲੇ ‘ਓ ਭਾਈ ਮਾਰੋ ਮੁਝੇ’ ਵਾਲੇ Momin Saqib ਦਾ ਇਕ ਵੀਡੀਓ ਇਸ ਸਮੇਂ ਖੂਬ ਵਾਇਰਲ ਹੋ ਰਿਹਾ ਹੈ ਜਿਸ ‘ਚ ਉਹ ਭਾਰਤ ਦੀ ਪਾਕਿ ‘ਤੇ ਜਿੱਤ ਨੂੰ ਦੇਖ ਕੇ ਗੰਮ ਡੁੱਬਿਆ ਦਿਖਾਈ ਦੇ ਰਿਹਾ ਹੈ ਤੇ ਲੋਕ ਉਸਨੂੰ ਹੌਂਸਲਾ ਦਿੰਦੇ ਦਿਖਾਈ ਦੇ ਰਹੇ ਹਨ।
ਦੱਸ ਦੇਈਏ ਕਿ ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਪਾਕਿਸਤਾਨ ਦੇ ਮੀਮ ਕਿੰਗ ਮੋਮਿਨ ਸਾਕਿਬ (Momin Saqib) ਨੇ ਦੋਵਾਂ ਦੇਸ਼ਾਂ ਦੇ ਫੈਨਸ ਨੂੰ ਖਾਸ ਅਪੀਲ ਕੀਤੀ ਸੀ। ਮੋਮਿਨ ਸਾਕਿਬ ਉਹੀ ਵਿਅਕਤੀ ਹੈ ਜਿਸ ਦੀ ਵੀਡੀਓ ‘ਓ ਭਾਈ ਮਾਰੋ ਮੁਝੇ ਮਾਰੋ’ ਕਾਫ਼ੀ ਮਸ਼ਹੂਰ ਹੋਇਆ ਸੀ। ਮੋਮਿਨ ਅਕਸਰ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਕਾਮੇਡੀ ਵੀਡੀਓਜ਼ ਸ਼ੇਅਰ ਕਰਦੇ ਰਹਿੰਦੇ ਹਨ।
ਕੌਣ ਹੈ ‘ਮਾਰੋ ਮੈਨੂੰ ਮਾਰੋ’ ਵਾਲਾ ਮੋਮਿਨ ?
ਮੋਮਿਨ ਸਾਕਿਬ ਇੰਗਲੈਂਡ ਵਿੱਚ ਰਹਿੰਦਾ ਹੈ। ਉਹ 2017-18 ਦੌਰਾਨ ਕਿੰਗਜ਼ ਕਾਲਜ ਦੀ ਵਿਦਿਆਰਥੀ ਯੂਨੀਅਨ ਦਾ ਪ੍ਰਧਾਨ ਸੀ। ਚੈਂਪੀਅਨਸ ਟਰਾਫੀ 2017 ‘ਚ ਭਾਰਤ ਦੀ ਹਾਰ ਤੋਂ ਬਾਅਦ ਵੀ ਉਸ ਦੇ ਵੀਡੀਓ ਕਾਫੀ ਵਾਇਰਲ ਹੋਈ ਸੀ। ਇਸ ‘ਚ ਉਹ ਪਾਕਿਸਤਾਨ ਕ੍ਰਿਕਟ ਟੀਮ ਦੀ ਕਾਫੀ ਤਾਰੀਫ ਕਰ ਰਹੇ ਸੀ। ਉਹ ਆਪਣੀਆਂ ਵੀਡੀਓਜ਼ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਸੁਰਖੀਆਂ ‘ਚ ਰਹਿੰਦੀ ਹੈ। ਉਸ ਨੇ ਪਿਛਲੇ ਭਾਰਤ-ਪਾਕਿ ਮੈਚ ਦੌਰਾਨ ਕਈ ਮਜ਼ਾਕੀਆ ਵੀਡੀਓਜ਼ ਵੀ ਸ਼ੇਅਰ ਕੀਤੀਆਂ।
