ਮੱਧ ਪ੍ਰਦੇਸ਼ ਦੇ ਮੋਸਟ ਵਾਂਟੇਡ ਗੈਂਗਸਟਰ ਮੁਖਤਾਰ ਮਲਿਕ ਦੀ ਰਾਜਸਥਾਨ ਵਿੱਚ ਇੱਕ ਗੈਂਗ ਵਾਰ ਦੌਰਾਨ ਮੌਤ ਹੋ ਗਈ ਹੈ। ਮੱਛੀਆਂ ਦੇ ਠੇਕੇ ਦੀ ਸਰਦਾਰੀ ਦੀ ਲੜਾਈ ਵਿੱਚ ਝਾਲਾਵਾੜ ਦੇ ਜੰਗਲਾਂ ਵਿੱਚ ਬੰਟੀ ਗੈਂਗ ਵੱਲੋਂ ਕੀਤੀ ਗਈ ਗੋਲੀਬਾਰੀ ਵਿੱਚ ਮਲਿਕ ਦੀ ਮੌਤ ਹੋ ਜਾਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਪੁਲਿਸ ਨੂੰ ਦੋ ਦਿਨ ਬਾਅਦ ਸ਼ੁੱਕਰਵਾਰ ਨੂੰ ਗੈਂਗਸਟਰ ਨੂੰ ਅਸਨਵਰ ਦੇ ਜੰਗਲਾਂ ‘ਚ ਗੈਂਗਸਟਰ ਜ਼ਖਮੀ ਹਲਾਤਾਂ ‘ਚ ਮਿਲਿਆ। ਹਸਪਤਾਲ ‘ਚ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਕੌਣ ਸੀ ਮੁਖਤਾਰ ਮਲਿਕ?
ਮੁਖਤਾਰ ਮਲਿਕ ਨੂੰ ਅਪਰਾਧ ਦੀ ਦੁਨੀਆ ‘ਚ ਭੋਪਾਲ ਦਾ ਡੌਨ ਵੀ ਕਿਹਾ ਜਾਂਦਾ ਸੀ। ਉਸ ਦਾ ਮੁੱਖ ਕਿੱਤਾ ਜ਼ਮੀਨ ਨਾਲ ਸਬੰਧਤ ਝਗੜਿਆਂ ਦਾ ਨਿਪਟਾਰਾ ਕਰਨਾ ਸੀ। ਉਹ ਤਤਕਾਲੀ ਮੁੱਖ ਮੰਤਰੀ ਸੁੰਦਰਲਾਲ ਪਟਵਾ ਨੂੰ ਧਮਕੀ ਦੇ ਕੇ ਅਪਰਾਧ ਦੀ ਦੁਨੀਆ ਵਿੱਚ ਸੁਰਖੀਆਂ ਵਿੱਚ ਆਇਆ ਸੀ।
ਮਲਿਕ ਨੇ ਭੋਪਾਲ ਵਿੱਚ ਇੱਕ ਆਈਪੀਐਸ ਨੂੰ ਥੱਪੜ ਵੀ ਮਾਰਿਆ ਸੀ। ਇਸ ਤੋਂ ਬਾਅਦ ਉਸ ਨੇ ਆਤਮ ਸਮਰਪਣ ਕਰ ਦਿੱਤਾ ਸੀ। ਪੁਲੀਸ ਮੁਤਾਬਕ ਮੁਖਤਾਰ ਖ਼ਿਲਾਫ਼ ਮੱਧ ਪ੍ਰਦੇਸ਼ ਦੇ ਕਈ ਥਾਣਿਆਂ ਵਿੱਚ ਕਤਲ, ਕਤਲ ਦੀ ਕੋਸ਼ਿਸ਼, ਅਗਵਾ ਵਰਗੇ 58 ਕੇਸ ਦਰਜ ਹਨ।
ਮੰਗਲਵਾਰ ਰਾਤ ਤੋਂ ਲਾਪਤਾ ਸੀ ਮੁਖਤਾਰ
ਇਸਨਾਵਰ ਥਾਣਾ ਪੁਲਸ ਨੇ ਦੱਸਿਆ ਕਿ ਭੀਮਸਾਗਰ ਡੈਮ ਦੇ ਕੈਚਮੈਂਟ ਖੇਤਰ ‘ਚ ਮੱਛੀਆਂ ਫੜਨ ਨੂੰ ਲੈ ਕੇ ਦੋਹਾਂ ਗਰੁੱਪਾਂ ਦਾ ਝਗੜਾ ਸੀ। ਇਸ ਦੌਰਾਨ ਮੰਗਲਵਾਰ ਦੇਰ ਰਾਤ ਦੋਵਾਂ ਗੈਂਗਸਟਰਾਂ ‘ਚ ਗੋਲੀਬਾਰੀ ਹੋਈ, ਜਿਸ ‘ਚ ਮਲਿਕ ਦਾ ਸਾਥੀ ਕਮਲ ਮੀਨਾ ਮਾਰਿਆ ਗਿਆ। ਇਸ ਦੇ ਨਾਲ ਹੀ ਉਸ ਦਾ ਇੱਕ ਸਾਥੀ ਵਿੱਕੀ ਅਤੇ ਮੁਖਤਾਰ ਖੁਦ ਲਾਪਤਾ ਹਨ। ਡੀਐਸਪੀ ਗਿਰਧਰ ਸਿੰਘ ਨੇ ਦੱਸਿਆ ਕਿ ਮਲਿਕ ਅਤੇ ਉਸ ਦੇ ਸਾਥੀ ਵਿੱਕੀ ਦੀ ਭਾਲ ਲਈ ਪੁਲੀਸ ਨੇ ਜੰਗਲਾਂ ਅਤੇ ਦਰਿਆ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਸੀ।
ਮੰਨਿਆ ਜਾ ਰਿਹਾ ਸੀ ਕਿ ਮੁਖਤਾਰ ਕਿਤੇ ਭੱਜ ਗਿਆ ਹੈ ਪਰ ਸ਼ੁੱਕਰਵਾਰ ਸਵੇਰੇ ਪੁਲਸ ਨੂੰ ਸੂਚਨਾ ਮਿਲੀ ਕਿ ਮਲਿਕ ਅਸਨਵਰ ਦੇ ਜੰਗਲਾਂ ‘ਚ ਹੈ। ਜਦੋਂ ਪੁਲਸ ਕਰੀਬ 2 ਕਿਲੋਮੀਟਰ ਪੈਦਲ ਪਹੁੰਚੀ ਤਾਂ ਗੈਂਗਸਟਰ ਜ਼ਖਮੀ ਹਾਲਤ ‘ਚ ਪਿਆ ਮਿਲਿਆ।
