New Dayaben in Taarak Mehta Ka Ooltah Chashmah: ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਸ਼ੋਅ ਪ੍ਰਸ਼ੰਸਕਾਂ ਲਈ ਇੱਕ ਵੱਡਾ ਅਪਡੇਟ ਲੈ ਕੇ ਆਇਆ ਹੈ। ਲੰਬੇ ਸਮੇਂ ਤੋਂ ਸ਼ੋਅ ‘ਚ ਦਯਾਬੇਨ ਦੀ ਐਂਟਰੀ ਨੂੰ ਲੈ ਕੇ ਚਰਚਾਂਵਾਂ ਸੀ। ਹੁਣ ਕਿਹਾ ਜਾ ਰਿਹਾ ਹੈ ਕਿ ਦਯਾਬੇਨ ਦੇ ਰੋਲ ਲਈ ਕਾਜਲ ਪਿਸਾਲ ਨੂੰ ਫਾਈਨਲ ਕਰ ਲਿਆ ਗਿਆ ਹੈ। ਆਓ ਜਾਣਦੇ ਹਾਂ ਕੌਣ ਹੈ ਕਾਜਲ ਪਿਸਾਲ, ਜਿਸ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ਹੋ ਰਹੀ ਹੈ।
ਕੌਣ ਹੈ ਨਵੀਂ ਦਯਾਬੇਨ ?
ਰਿਪੋਰਟ ਮੁਤਾਬਕ ਤਾਰਕ ਮਹਿਤਾ ‘ਚ ਦਯਾਬੇਨ ਦੀ ਭੂਮਿਕਾ ਲਈ ਕਾਜਲ ਪਿਸਾਲ ਨੂੰ ਫਾਈਨਲ ਕੀਤਾ ਗਿਆ ਹੈ। ਪਰ ਸ਼ੋਅ ਦੇ ਨਿਰਮਾਤਾ ਅਸਿਤ ਮੋਦੀ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਹੈ ਕਿ ਇਸ ਖਬਰ ‘ਚ ਕੋਈ ਸੱਚਾਈ ਨਹੀਂ ਹੈ। ਮੈਨੂੰ ਨਹੀਂ ਪਤਾ ਕਿ ਇਹ ਅਫਵਾਹ ਕੌਣ ਫੈਲਾ ਰਿਹਾ ਹੈ। ਪਤਾ ਨਹੀਂ ਕਾਜਲ ਪਿਸਾਲ ਕੌਣ ਹੈ, ਮੈਂ ਤਾਂ ਉਸ ਨਾਲ ਮਿਲਿਆ ਵੀ ਨਹੀਂ ਹਾਂ। ਪਹਿਲਾਂ ਵੀ ਕਈ ਅਭਿਨੇਤਰੀਆਂ ਦੇ ਨਾਂ ਲਏ ਜਾ ਚੁੱਕੇ ਹਨ, ਜਿਨ੍ਹਾਂ ਬਾਰੇ ਮੈਨੂੰ ਪਤਾ ਨਹੀਂ।
ਕਾਜਲ ਪਿਸਾਲ ਹੁਣ ਟੀਵੀ ਦੀ ਨਵੀਂ ਦਯਾਬੇਨ ਬਣੇਗੀ ਜਾਂ ਨਹੀਂ? ਉਹ ਸਮੇਂ ‘ਤੇ ਛੱਡ ਦਿੰਦੇ ਹਾਂ। ਪਰ ਇਸ ਤੋਂ ਪਹਿਲਾਂ ਕਾਜਲ ਪਿਸਾਲ ਨੂੰ ਥੋੜਾ ਨੇੜੇ ਜਾਣ ਲੈਂਦੇ ਹਾਂ। ਕਾਜਲ ਪਿਸਾਲ ਟੀਵੀ ਸਾਥ ਨਿਭਾਨਾ ਸਾਥੀਆ, ਨਾਗਿਨ 5, ਬੜੇ ਅੱਛੇ ਲਗਤੇ ਹੈਂ ਅਤੇ ਕੇਵਲ ਤੁਮ ਵਰਗੇ ਸ਼ੋਅਜ਼ ਦਾ ਹਿੱਸਾ ਰਹਿ ਚੁੱਕੀ ਹੈ।
38 ਸਾਲ ਦੀ ਉਮਰ ਵਿੱਚ ਵੀ ਕਾਜਲ ਨੇ ਆਪਣੇ ਆਪ ਨੂੰ ਬਹੁਤ ਵਧੀਆ ਤਰੀਕੇ ਨਾਲ ਮੇਨਟੇਨ ਕੀਤਾ ਹੋਇਆ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕਾਜਲ ਨੇ ਸਿਰਫ 19 ਸਾਲ ਦੀ ਉਮਰ ‘ਚ ਵਿਆਹ ਕਰ ਲਿਆ ਸੀ। ਅਦਾਕਾਰਾ ਦਾ ਵਿਆਹ ਅਭਿਜੀਤ ਪਿਸਾਲ ਨਾਲ ਹੋਇਆ ਹੈ। ਵੱਡੀ ਗੱਲ ਇਹ ਹੈ ਕਿ 2007 ‘ਚ ਜਦੋਂ ਕਾਜਲ ਨੂੰ ਸ਼ੋਅ ‘ਕੁਛ ਇਜ਼ ਤਾਰਾ’ ਦਾ ਆਫਰ ਆਇਆ ਸੀ। ਉਦੋਂ ਉਹ ਗਰਭਵਤੀ ਸੀ। ਯਾਨੀ ਪ੍ਰੈਗਨੈਂਸੀ ਦੇ ਦਿਨਾਂ ‘ਚ ਉਸ ਨੇ ਆਪਣਾ ਟੀ.ਵੀ. ਡੈਬਓ ਕੀਤਾ ਸੀ।
