Bomb Cyclone in America: ਜਿੱਥੇ ਭਾਰਤ ਦੇ ਲੋਕ 5 ਡਿਗਰੀ ਤਾਪਮਾਨ ‘ਤੇ ਕੰਬ ਰਹੇ ਹਨ, ਤਾਂ ਜ਼ਰਾ ਸੋਚੋ ਕੀ -50 ਡਿਗਰੀ ਤਾਪਮਾਨ ਨਾਲ ਅਮਰੀਕਾ ਦੇ ਸਭ ਤੋਂ ਤਾਕਤਵਰ ਸ਼ਹਿਰ ਦੀ ਕੀ ਹਾਲਤ ਹੋਵੇਗੀ। ਉੱਤਰੀ ਅਮਰੀਕਾ ਦੇ ਕਈ ਹਿੱਸਿਆਂ ਵਿੱਚ ਇਸ ਸਮੇਂ ਮੌਸਮ ਜਾਨਲੇਵਾ ਬਣਿਆ ਹੋਇਆ ਹੈ। ਬਿਜਲੀ ਨਾ ਹੋਣ ਕਾਰਨ ਹੀਟਰ ਅਤੇ ਹੋਰ ਉਪਕਰਨ ਵੀ ਕੰਮ ਨਹੀਂ ਕਰ ਰਹੇ।
ਸਭ ਤੋਂ ਆਧੁਨਿਕ ਅਤੇ ਫੈਸ਼ਨੇਬਲ ਸ਼ਹਿਰ ਨਿਊਯਾਰਕ ਵਿੱਚ ਹਰ ਪਾਸੇ ਬਰਫ਼ ਕਿਸੇ ਤਬਾਹੀ ਤੋਂ ਘੱਟ ਨਹੀਂ ਨਜ਼ਰ ਆ ਰਹੀ। ਉੱਤਰੀ ਅਮਰੀਕਾ ਦੇ ਕਈ ਹਿੱਸਿਆਂ ਵਿੱਚ ਇਸ ਸਮੇਂ ਮੌਸਮ ਬੇਹੱਦ ਖ਼ਤਰਨਾਕ ਹੋ ਰਿਹਾ ਹੈ। ਨਿਊਯਾਰਕ ਵਿੱਚ ਲੋਕਾਂ ਦੇ ਨਾਲ-ਨਾਲ ਜਾਨਵਰਾਂ ਦੀ ਹਾਲਤ ਵੀ ਬਹੁਤ ਖਰਾਬ ਹੈ।
ਇਸੇ ਕਰਕੇ ਗਵਰਨਰ ਕੈਥੀ ਹੋਚੁਲ ਨੇ ਬਫੇਲੋ ਨੂੰ ਯੁੱਧ ਖੇਤਰ ਦੱਸਿਆ ਹੈ। ਨਿਊਯਾਰਕ ‘ਚ ਸੋਮਵਾਰ ਤੱਕ ਖਰਾਬ ਮੌਸਮ ਕਾਰਨ 28 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਬਰਫਬਾਰੀ ਅਤੇ ਠੰਢ ਨੇ ਦੇਸ਼ ਭਰ ਵਿੱਚ ਹੁਣ ਤੱਕ 50 ਤੋਂ ਵੱਧ ਲੋਕਾਂ ਦੀ ਜਾਨ ਲੈ ਲਈ ਹੈ।
ਨਿਊਯਾਰਕ ਦੀ ਗਵਰਨਰ ਕੈਥੀ ਹੋਚੁਲ ਨੇ ਕਿਹਾ, ‘ਅਸੀਂ ਕੁਦਰਤ ਨਾਲ ਜੰਗ ਲੜ ਰਹੇ ਹਾਂ ਤੇ ਉਹ ਆਪਣੇ ਕੋਲ ਮੌਜੂਦ ਹਰ ਹਥਿਆਰ ਨਾਲ ਸਾਡੇ ‘ਤੇ ਹਮਲਾ ਕਰ ਰਹੀ ਹੈ।’ ਕੈਥੀ ਵੀ ਬਫੇਲੋ ਦੀ ਨਾਗਰਿਕ ਹੈ ਤੇ ਇੱਥੋਂ ਮੌਸਮ ਦੀ ਸਭ ਤੋਂ ਵੱਧ ਮਾਰ ਪਈ ਹੈ। ਕੈਥੀ ਦਾ ਕਹਿਣਾ ਹੈ ਕਿ ਇਸ ਮੌਸਮ ‘ਚ ਬਾਹਰ ਜਾਣਾ ਯੁੱਧ ਲੜਨ ਵਰਗਾ ਹੈ। ਸੜਕ ਦੇ ਦੋਵੇਂ ਪਾਸੇ ਵਾਹਨ ਫਸੇ ਹੋਏ ਹਨ ਤੇ ਇਹ ਸੱਚਮੁੱਚ ਡਰਾਉਣਾ ਹੈ। ਇਸ ਦੇ ਨਾਲ ਹੀ ਕੈਥੀ ਨੇ ਨਾਗਰਿਕਾਂ ਨੂੰ ਘਰਾਂ ਦੇ ਅੰਦਰ ਰਹਿਣ ਦੀ ਅਪੀਲ ਕੀਤੀ ਹੈ।
ਲੁੱਟੇ ਜਾ ਰਹੇ ਸਟੋਰ
ਦੂਜੇ ਪਾਸੇ ਬਫੇਲੋ ਸ਼ਹਿਰ ਵਿੱਚ ਚੋਰ ਅਤੇ ਲੁਟੇਰੇ ਖ਼ਰਾਬ ਮੌਸਮ ਦਾ ਫਾਇਦਾ ਉਠਾ ਰਹੇ ਹਨ। ਇੱਥੇ ਕੁਝ ਸਟੋਰਾਂ ‘ਚ ਲੁੱਟਮਾਰ ਅਤੇ ਗੋਲੀਬਾਰੀ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ ਹਨ। ਤਿੰਨ ਦਿਨਾਂ ਤੋਂ ਲਗਾਤਾਰ ਹੋ ਰਹੀ ਬਰਫ਼ਬਾਰੀ ਨੇ ਲੋਕਾਂ ਨੂੰ ਪ੍ਰੇਸ਼ਾਨ ਕੀਤਾ ਹੋਇਆ ਹੈ। ਵਾਲਮਾਰਟ ਵਰਗੇ ਸਟੋਰਾਂ ‘ਤੇ ਲੁੱਟ ਦੀਆਂ ਘਟਨਾਵਾਂ ਤੋਂ ਬਾਅਦ ਪੁਲਿਸ ਹਾਈ ਅਲਰਟ ‘ਤੇ ਹੈ।
Following a massive storm in Buffalo, NY, looters wreaked havoc on stores. Unfortunately, there are a lot of bad apples in Buffalo. This is going massively underreported in the mainstream media. Take a look:pic.twitter.com/MXQtAUFhQj
— Steve Hanke (@steve_hanke) December 27, 2022
ਬਫੇਲੋ ਦੇ ਬੀਲੇ ਐਵੇਨਿਊ ਦੇ 260 ਬਲਾਕ ਵਿੱਚ ਇੱਕ ਸਟੋਰ ਵਿੱਚ ਲੁੱਟ ਨੂੰ ਰੋਕਣ ਲਈ ਗੋਲੀਬਾਰੀ ਕਰਨ ਦੀਆਂ ਰਿਪੋਰਟਾਂ ਹਨ। ਸਥਾਨਕ ਮੀਡੀਆ ਦੀ ਮੰਨੀਏ ਤਾਂ ਮੌਸਮ ਕਾਰਨ ਪਰੇਸ਼ਾਨ ਕੁਝ ਸਥਾਨਕ ਨਾਗਰਿਕ ਇੱਥੇ ਸਟੋਰ ‘ਚ ਦਾਖਲ ਹੋਏ। ਉਨ੍ਹਾਂ ਇੱਥੇ ਲੁੱਟਮਾਰ ਸ਼ੁਰੂ ਕਰ ਦਿੱਤੀ। ਉਨ੍ਹਾਂ ਨੂੰ ਕਾਬੂ ਕਰਨ ਲਈ ਪੁਲਿਸ ਨੂੰ ਗੋਲੀ ਚਲਾਉਣੀ ਪਈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
