ਕ੍ਰਿਕਟ ਦੇ ਮੈਦਾਨ ‘ਤੇ ਟੀਮ ਇੰਡੀਆ ਲਈ ਬੱਲੇਬਾਜ਼ੀ ਦੀ ਸ਼ੁਰੂਆਤ ਕਰਨ ਵਾਲੇ ਬੱਲੇਬਾਜ਼ ਸ਼ੁਭਮਨ ਗਿੱਲ ਰੈਂਪ ‘ਤੇ ਕਦਮ ਰੱਖਦੇ ਹੀ ਸ਼ੋਅ ਸਟਾਪਰ ਬਣ ਗਏ।
ਕਿਸੇ ਨੇ ਸੋਚਿਆ ਵੀ ਨਹੀਂ ਸੀ ਕਿ ਰੈਂਪ ‘ਤੇ ਉਸ ਦਾ ਡੈਬਿਊ ਇੰਨਾ ਧਮਾਕੇਦਾਰ ਹੋਵੇਗਾ। ਅਕਸਰ ਅਸੀਂ ਕਈ ਮਾਡਲਾਂ ਨੂੰ ਰੈਂਪ ‘ਤੇ ਵਾਕ ਕਰਦੇ ਦੇਖਦੇ ਹਾਂ ਪਰ ਸ਼ੁਭਮਨ ਗਿੱਲ ਨੂੰ ਪਹਿਲੀ ਵਾਰ ਰੈਂਪ ‘ਤੇ ਦੇਖ ਕੇ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਕਿਸੇ ਵੀ ਤਰ੍ਹਾਂ ਕਿਸੇ ਸੁਪਰਮਾਡਲ ਤੋਂ ਘੱਟ ਨਹੀਂ ਹੈ।
ਮੈਦਾਨ ਦੇ ਮਾਡਲ ਸ਼ੁਭਮਨ ਗਿੱਲ ਲੈਕਮੇ ਫੈਸ਼ਨ ਵੀਕ ‘ਚ ਰੈਂਪ ‘ਤੇ ਮਾਡਲ ਬਣੇ ਅਤੇ ਪ੍ਰਸ਼ੰਸਕਾਂ ਨੇ ਉਸ ਦੇ ਅੰਦਾਜ਼ ਨੂੰ ਕਾਫੀ ਪਸੰਦ ਕੀਤਾ।
ਸ਼ੁਭਮਨ ਗਿੱਲ ਹਾਲ ਹੀ ਵਿੱਚ ਲੈਕਮੇ ਫੈਸ਼ਨ ਵੀਕ 2022 ਵਿੱਚ ਸ਼ੋਅ ਸਟਾਪਰ ਬਣੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਰੈਂਪ ‘ਤੇ ਵਾਕ ਵੀ ਕੀਤਾ। ਮੁੰਬਈ ‘ਚ ਲੈਕਮੇ ਫੈਸ਼ਨ ਵੀਕ 2022 ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।
ਗਿੱਲ ਦੀ ਆਈਪੀਐਲ ਟੀਮ ਗੁਜਰਾਤ ਟਾਈਟਨਜ਼ ਦਾ ਐਫਡੀਸੀਆਈ ਬ੍ਰਾਂਡ ਨਾਲ ਟਾਈ-ਅੱਪ ਹੈ। ਸ਼ੁਭਮਨ ਗਿੱਲ ਗੁਜਰਾਤ ਟਾਇਟਨਸ ਦਾ ਹਿੱਸਾ ਹਨ। ਅਜਿਹੇ ‘ਚ ਸ਼ੁਭਮਨ ਗਿੱਲ ਨੂੰ ਇਸ ਬ੍ਰਾਂਡ ਦੀ ਰੈਂਪ ਵਾਕ ਲਈ ਚੁਣਿਆ ਗਿਆ।
ਸ਼ੁਭਮਨ ਗਿੱਲ ਦਾ ਰੈਂਪ ਵਾਕ ਕਰਨ ਦਾ ਇਹ ਪਹਿਲਾ ਅਨੁਭਵ ਸੀ। ਉਨ੍ਹਾਂ ਨੇ ਇਸ ਅਨੁਭਵ ਨੂੰ ਸੋਸ਼ਲ ਮੀਡੀਆ ‘ਤੇ ਵੀ ਸਾਂਝਾ ਕੀਤਾ ਹੈ। ਉਸ ਨੇ ਰੈਂਪ ਵਾਕ ਤੋਂ ਪਹਿਲਾਂ ਕਿਹਾ ਕਿ ਮੈਚ ਤੋਂ ਪਹਿਲਾਂ ਜਿਵੇਂ ਤਿਤਲੀਆਂ ਮੰਨ ਅੰਦਰ ਚੱਲਦੀਆਂ ਹਨ ਉਸੇ ਤਰ੍ਹਾਂ ਮੈਨੂੰ ਰੈਂਪ ‘ਤੇ ਚੱਲਦੇ ਵੀ ਮਹਿਸੂਸ ਹੋਇਆ।
ਗਿੱਲ ਨੇ ਇਸ ਰੈਂਪ ਵਾਕ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ। ਸ਼ੁਭਮਨ ਗਿੱਲ ਦੀ ਇਸ ਰੈਂਪ ਵਾਕ ‘ਤੇ ਯੁਵਰਾਜ ਸਿੰਘ, ਰਾਸ਼ਿਦ ਖਾਨ ਵਰਗੇ ਕ੍ਰਿਕੇਟ ਦਿੱਗਜਾਂ ਨੇ ਆਪਣੀ-ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।
ਦੱਸ ਦੇਈਏ ਕਿ ਸ਼ੁਭਮਨ ਗਿੱਲ ਇਸ ਵਾਰ ਟੀਮ ਇੰਡੀਆ ਦੀ ਟੀ-20 ਵਿਸ਼ਵ ਕੱਪ 2022 ਦੀ ਟੀਮ ਦਾ ਹਿੱਸਾ ਨਹੀਂ ਹਨ ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਅਗਲੇ ਸਾਲ ਹੋਣ ਵਾਲੇ ਆਈਸੀਸੀ ਵਨਡੇ ਵਿਸ਼ਵ ਕੱਪ 2023 ਵਿੱਚ ਜ਼ਰੂਰ ਖੇਡਦੇ ਨਜ਼ਰ ਆਉਣਗੇ।
ਉਹ ਦੱਖਣੀ ਅਫਰੀਕਾ ਨਾਲ ਹਾਲ ਹੀ ‘ਚ ਖਤਮ ਹੋਈ ਵਨਡੇ ਸੀਰੀਜ਼ ‘ਚ ਟੀਮ ਇੰਡੀਆ ਨਾਲ ਸ਼ਾਮਲ ਸੀ।
