Viral Video: ਦੁਨੀਆ ਦੇ ਕਈ ਹਿੱਸਿਆਂ ‘ਚ ਠੰਡ ਦਾ ਕਹਿਰ ਜਾਰੀ ਹੈ। ਭਾਰਤ ਦੇ ਕਈ ਇਲਾਕੇ ਵੀ ਸੀਤ ਲਹਿਰ ਦੀ ਲਪੇਟ ‘ਚ ਹਨ। ਇਸ ਦੌਰਾਨ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਇਕ ਵਿਅਕਤੀ ਬਰਫੀਲੇ ਇਲਾਕੇ ‘ਚ ਖੜ੍ਹਾ ਦਿਖਾਈ ਦੇ ਰਿਹਾ ਹੈ। ਇੱਥੇ ਇੰਨੀ ਠੰਡ ਹੈ ਕਿ ਉਸ ਵਿਅਕਤੀ ਦੇ ਹੱਥ ‘ਚ ਰੱਖੀ ਖਾਣ ਵਾਲੀ ਚੀਜ਼ ਮਿੰਟਾਂ ‘ਚ ਹੀ ਬਰਫ ਬਣ ਜਾਂਦੀ ਹੈ। ਇੰਨਾ ਹੀ ਨਹੀਂ ਉਸ ਦੀ ਦਾੜ੍ਹੀ ਤੇ ਚਿਹਰੇ ਦੇ ਵਾਲਾਂ ‘ਚ ਵੀ ਬਰਫ ਜਮ੍ਹਾ ਹੋ ਜਾਂਦੀ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਵੀਡੀਓ ‘ਚ ਨਜ਼ਰ ਆ ਰਹੇ ਵਿਅਕਤੀ ਦਾ ਨਾਂ ਜੇਕ ਫਿਸ਼ਰ ਹੈ, ਜੋ ਕਿ ਇੱਕ ਐਕਟਰ ਵੀ ਹੈ। ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਤੋਂ ਬਾਅਦ ਇਕ ਵੀਡੀਓਜ਼ ਪੋਸਟ ਕੀਤੀਆਂ, ਇਸ ਵੀਡੀਓ ‘ਚ ਉਹ ਬਰਫੀਲੇ ਇਲਾਕੇ ‘ਚ ਨਜ਼ਰ ਆ ਰਿਹਾ ਹੈ। ਉਸ ਨੇ ਆਪਣੀ ਵੀਡੀਓ ‘ਚ ਠੰਡ ਦੇ ਕਹਿਰ ਨੂੰ ਦਿਖਾਇਆ।
View this post on Instagram
ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਜੇਕ ਨੂਡਲਜ਼ ਦਾ ਕਟੋਰਾ ਲੈ ਕੇ ਖੜ੍ਹਾ ਹੈ। ਪਰ ਕੁਝ ਹੀ ਸਮੇਂ ‘ਚ ਨੂਡਲਜ਼ ਬਰਫ਼ ‘ਚ ਬਦਲ ਜਾਂਦੇ ਹਨ। ਇੰਨਾ ਹੀ ਨਹੀਂ, ਚਮਚਾ ਵੀ ਹਵਾ ‘ਚ ਫਸ ਜਾਂਦਾ ਹੈ। ਵੀਡੀਓ ‘ਚ ਜੇਕ ਨੇ ਦੱਸਿਆ ਹੈ ਕਿ ਜਿਵੇਂ ਹੀ ਉਹ ਨੂਡਲਜ਼ ਦਾ ਕਟੋਰਾ ਲੈ ਕੇ ਬਾਹਰ ਆਇਆ ਤਾਂ ਉਸ ਨੂੰ ਕੜਾਕੇ ਦੀ ਠੰਡ ਦਾ ਸਾਹਮਣਾ ਕਰਨਾ ਪਿਆ। ਹਾਲਾਂਕਿ ਉਸ ਨੇ ਇਸ ਬਰਫੀਲੇ ਮੌਸਮ ਦਾ ਵੀ ਆਨੰਦ ਲਿਆ।
ਇਸ ਵੀਡੀਓ ਨੂੰ ਜੈਕ ਨੇ ਕੁਝ ਦਿਨ ਪਹਿਲਾਂ ਆਪਣੇ ਸੋਸ਼ਲ ਮੀਡੀਆ ਪੇਜ ‘ਤੇ ਸ਼ੇਅਰ ਕੀਤਾ। ਹੁਣ ਤੱਕ ਇਸ ਵੀਡੀਓ ਨੂੰ 4 ਕਰੋੜ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ। ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਉਨ੍ਹਾਂ ਦੇ ਇਸ ਵੀਡੀਓ ਨੂੰ ਕਾਫੀ ਪਸੰਦ ਵੀ ਕੀਤਾ। ਵੀਡੀਓ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਜਿਸ ਇਲਾਕੇ ‘ਚ ਜੇਕ ਹੈ, ਉਹ ਕਾਫੀ ਠੰਡਾ ਹੈ। ਵੀਡੀਓ ‘ਤੇ ਲੋਕ ਕਈ ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
