ਦੇਸ਼ ਵਿੱਚ ਲਗਭਗ 30 ਕਰੋੜ ਐਲਪੀਜੀ ਗਾਹਕ ਹਨ, ਜਦੋਂ ਕਿ ਗੈਸ ਸਿਲੰਡਰਾਂ ਦੀ ਗਿਣਤੀ ਲਗਭਗ 70 ਕਰੋੜ ਹੈ। ਇਨ੍ਹਾਂ ‘ਚੋਂ ਜ਼ਿਆਦਾਤਰ ਗਾਹਕ ਇੰਡੀਅਨ ਆਇਲ ਕਾਰਪੋਰੇਸ਼ਨ (IOC) ਦੇ ਹਨ। ਜਿਸ ਤੇਜ਼ੀ ਨਾਲ ਗੈਸ ਦੀਆਂ ਕੀਮਤਾਂ ਵਧ ਰਹੀਆਂ ਹਨ, ਉਸੇ ਤੇਜ਼ੀ ਨਾਲ ਇਸ ਦੀ ਚੋਰੀ ਦੇ ਮਾਮਲੇ ਵੱਧ ਰਹੇ ਹਨ। ਇਸ ਨੂੰ ਰੋਕਣ ਲਈ ਸਰਕਾਰ ਨੇ ਹੁਣ ਕਮਰ ਕੱਸ ਲਈ ਹੈ।
ਜੇਕਰ ਤੁਸੀਂ LPG ਸਿਲੰਡਰ ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਤੁਹਾਨੂੰ ਵੀ ਕਿਸੇ ਨਾ ਕਿਸੇ ਸਮੇਂ ਅਜਿਹੀ ਸਥਿਤੀ ਦਾ ਸਾਹਮਣਾ ਕਰਨਾ ਪਿਆ ਹੋਵੇਗਾ ਜਦੋਂ ਤੁਹਾਡੇ ਘਰ ਵੀ ਸਿਲੰਡਰ ਚ ਗੈਸ ਘੱਟ ਪਹੁੰਚੀ ਹੋਵੇਗੀ । ਹੁਣ ਇਸ ਤਰ੍ਹਾਂ ਦੀ ਚੋਰੀ ਨਹੀਂ ਹੋਵੇਗੀ, ਇਸ ਲਈ ਸਰਕਾਰ ਨੇ ਵੱਡਾ ਕਦਮ ਚੁੱਕਿਆ ਹੈ। ਹੁਣ ਤੁਹਾਡੇ ਘਰ ‘ਚ QR ਕੋਡ ਵਾਲਾ ਸਿਲੰਡਰ ਆ ਜਾਵੇਗਾ, ਜਿਸ ਨਾਲ ਗੈਸ ਚੋਰਾਂ ਦਾ ਪਤਾ ਲਗਾਉਣਾ ਆਸਾਨ ਹੋ ਜਾਵੇਗਾ।
ਗੈਸ ਚੋਰ ਫੜੇ ਜਾਣਗੇ
ਜ਼ਾਹਿਰ ਹੈ ਕਿ ਸਰਕਾਰ ਵੱਲੋਂ ਕੀਤੀ ਜਾ ਰਹੀ ਇਸ ਨਵੀਂ ਪ੍ਰਣਾਲੀ ਨਾਲ ਐਲਪੀਜੀ ਸਿਲੰਡਰ ਤੋਂ ਗੈਸ ਚੋਰੀ ਕਰਨ ਵਾਲੇ ਲੋਕਾਂ ਵਿੱਚ ਡਰ ਵਧੇਗਾ ਅਤੇ ਉਹ ਅਜਿਹਾ ਕਰਨ ਤੋਂ ਗੁਰੇਜ਼ ਕਰਨਗੇ। ਇਸ ਦਾ ਸਭ ਤੋਂ ਵੱਧ ਫਾਇਦਾ ਆਮ ਆਦਮੀ ਨੂੰ ਹੋਵੇਗਾ ਕਿਉਂਕਿ ਗੈਸ ਚੋਰੀ ‘ਤੇ ਰੋਕ ਲਗਾਉਣ ਨਾਲ ਉਸ ਨੂੰ ਪੂਰੀ ਰਕਮ ਅਦਾ ਕਰਨ ‘ਤੇ ਪੂਰੀ ਗੈਸ ਮਿਲੇਗੀ। ਇਸ ਲਈ ਜੇਕਰ ਕੋਈ ਡਿਲੀਵਰੀਮੈਨ ਤੁਹਾਡੇ ਬੁੱਕ ਕੀਤੇ ਸਿਲੰਡਰ ਚੋਂ ਚੋਰੀ-ਛਿਪੇ ਗੈਸ ਕੱਢਦਾ ਹੈ, ਤਾਂ ਤੁਹਾਨੂੰ ਪਤਾ ਲੱਗਣ ‘ਤੇ ਉਸ ਨੂੰ ਫੜਨਾ ਮੁਸ਼ਕਲ ਹੋ ਜਾਂਦਾ ਹੈ। ਪਰ ਜਦੋਂ ਸਿਲੰਡਰ QR ਕੋਡ ਨਾਲ ਲੈਸ ਹੋਵੇਗਾ ਤਾਂ ਗੈਸ ਚੋਰ ਬਚ ਨਹੀਂ ਸਕਣਗੇ।
QR ਕੋਡ ਤੋਂ ਪੂਰੀ ਜਾਣਕਾਰੀ ਉਪਲਬਧ ਹੋਵੇਗੀ
QR ਕੋਡ ਨਾਲ ਲੈਸ ਸਿਲੰਡਰ ਨਾਲ ਇਹ ਆਸਾਨੀ ਨਾਲ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਨੂੰ ਕਿੰਨੀ ਵਾਰ ਰੀਫਿਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਇਹ ਡੇਟਾ ਵੀ ਉਪਲਬਧ ਹੋਵੇਗਾ ਕਿ ਕਿਸ ਡੀਲਰ ਤੋਂ ਕਿਸ ਗਾਹਕ ਨੂੰ ਡਿਲੀਵਰੀ ਕੀਤੀ ਗਈ ਹੈ। ਸਿਲੰਡਰ ‘ਚ ਗੈਸ ਘੱਟ ਹੋਣ ਵਰਗੀਆਂ ਲਗਾਤਾਰ ਸ਼ਿਕਾਇਤਾਂ ਤੋਂ ਬਾਅਦ ਸਰਕਾਰ ਵੱਲੋਂ ਐਲਪੀਜੀ ਸਿਲੰਡਰ ਤੋਂ ਗੈਸ ਚੋਰੀ ਕਰਨ ਵਾਲਿਆਂ ‘ਤੇ ਸ਼ਿਕੰਜਾ ਕੱਸਣ ਲਈ ਇਹ ਵੱਡਾ ਕਦਮ ਚੁੱਕਿਆ ਜਾ ਰਿਹਾ ਹੈ। ਰਿਪੋਰਟ ਮੁਤਾਬਕ ਆਉਣ ਵਾਲੇ ਕੁਝ ਮਹੀਨਿਆਂ ‘ਚ ਇਹ ਵਿਵਸਥਾ ਸਾਰੇ ਗੈਸ ਸਿਲੰਡਰਾਂ ‘ਚ ਦੇਖਣ ਨੂੰ ਮਿਲੇਗੀ।
ਆਧਾਰ ਕਾਰਡ ਦੀ ਤਰ੍ਹਾਂ ਕੰਮ ਕਰੇਗਾ
ਇਹ ਜਾਣਕਾਰੀ ਕੇਂਦਰੀ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਸਾਰੇ ਐਲਪੀਜੀ ਗੈਸ ਸਿਲੰਡਰਾਂ ਨੂੰ ਕਿਊਆਰ ਕੋਡ ਨਾਲ ਲੈਸ ਕਰਨ ਜਾ ਰਹੀ ਹੈ। ਇਸ ਨਾਲ ਗੈਸ ਸਿਲੰਡਰ ਦੀ ਟਰੈਕਿੰਗ ਆਸਾਨ ਹੋ ਜਾਵੇਗੀ ਅਤੇ ਗੈਸ ਚੋਰੀ ਕਰਨ ਵਾਲੇ ਫੜੇ ਜਾ ਸਕਦੇ ਹਨ। ਦੂਜੇ ਸ਼ਬਦਾਂ ਵਿਚ, ਇਹ QR ਕੋਡ ਬਿਲਕੁਲ ਉਸੇ ਤਰ੍ਹਾਂ ਕੰਮ ਕਰੇਗਾ ਜਿਵੇਂ ਆਧਾਰ ਕਾਰਡ ਮਨੁੱਖ ਲਈ ਕੰਮ ਕਰਦਾ ਹੈ। ਯਾਨੀ ਇਹ ਕੋਡ ਉਸ ਗੈਸ ਸਿਲੰਡਰ ਦੀ ਪਛਾਣ ਬਣ ਜਾਵੇਗਾ।
ਤਿੰਨ ਮਹੀਨਿਆਂ ਵਿੱਚ ਸਾਰੇ ਸਿਲੰਡਰਾਂ ‘ਤੇ ਕੋਡ
ਹਰਦੀਪ ਸਿੰਘ ਪੁਰੀ ਨੇ ਵਿਸ਼ਵ ਐਲਪੀਜੀ ਵੀਕ 2022 ਵਿੱਚ ਇਸ ਪ੍ਰੋਜੈਕਟ ਬਾਰੇ ਦੱਸਿਆ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਤਿੰਨ ਮਹੀਨਿਆਂ ਵਿੱਚ ਸਾਰੇ ਗੈਸ ਸਿਲੰਡਰਾਂ ‘ਤੇ QR ਕੋਡ ਲਗਾ ਦਿੱਤਾ ਜਾਵੇਗਾ। ਯਾਨੀ ਫਰਵਰੀ 2023 ਤੋਂ ਨਵੇਂ ਸਾਲ ਵਿੱਚ, ਤੁਹਾਡੇ ਘਰ ਚ ਕੋਡ ਵਾਲਾ ਸਿਲੰਡਰ ਡਿਲੀਵਰ ਕੀਤਾ ਜਾਵੇਗਾ ਅਤੇ ਉਹ ਵੀ ਪੂਰੀ ਤਰ੍ਹਾਂ ਭਰਿਆ ਹੋਇਆ । ਜੇਕਰ ਸਿਲੰਡਰ ‘ਚ ਸ਼ਿਕਾਇਤ ਆਉਂਦੀ ਹੈ, ਤਾਂ ਇਸ ਦੀ ਸ਼ਿਕਾਇਤ ਕਰਨ ‘ਤੇ ਸਿਲੰਡਰ ‘ਤੇ ਮੌਜੂਦ QR ਕੋਡ ਦਾ ਡਾਟਾ ਇਕ ਪਲ ‘ਚ ਡਿਲੀਵਰੀ ਕਰਨ ਵਾਲੇ ਵਿਅਕਤੀ ਤੱਕ ਪਹੁੰਚ ਸਕਦਾ ਹੈ।
