Happy Birthday Gary Kirsten: ਗੈਰੀ ਨੇ ਬਣਾਇਆ ਸੀ ਭਾਰਤ ਨੂੰ ਵਿਸ਼ਵ ਵਿਜੇਤਾ

ਭਾਰਤੀ ਟੀਮ ਦੇ ਸਾਬਕਾ ਕੋਚ ਗੈਰੀ ਕ੍ਰਿਸਟਨ 23 ਨਵੰਬਰ 2022 ਨੂੰ ਆਪਣਾ 55ਵਾਂ ਜਨਮਦਿਨ ਮਨਾ ਰਹੇ ਹਨ। ਕ੍ਰਿਸਟਨ ਮਾਰਚ 2008 ‘ਚ ਟੀਮ ਇੰਡੀਆ ਦੇ ਮੁੱਖ ਕੋਚ ਬਣੇ ਸੀ। ਗੈਰੀ ਕ੍ਰਿਸਟਨ ਨੇ ਪਰਦੇ ਪਿੱਛੇ ਰਹਿ ਕੇ ਭਾਰਤੀ ਟੀਮ ਨੂੰ ਚੈਂਪੀਅਨ ਬਣਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ।

ਸਾਲ 2011 ‘ਚ ਐਮਐਸ ਧੋਨੀ ਦੀ ਕਪਤਾਨੀ ਵਿੱਚ ਭਾਰਤੀ ਟੀਮ ਨੇ ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ ਸੀ। 1983 ਤੋਂ ਬਾਅਦ ਇਹ ਪਹਿਲਾ ਮੌਕਾ ਸੀ ਜਦੋਂ ਟੀਮ ਇੰਡੀਆ ਨੇ 50 ਓਵਰਾਂ ਦਾ ਵਿਸ਼ਵ ਕੱਪ ਜਿੱਤਿਆ। ਯਾਨੀ ਕਿ ਭਾਰਤੀ ਟੀਮ 28 ਸਾਲਾਂ ਦੇ ਸੋਕੇ ਨੂੰ ਖ਼ਤਮ ਕਰਨ ‘ਚ ਸਫਲ ਰਹੀ ਸੀ।

ਇਸ ਯਾਦਗਾਰ ਜਿੱਤ ‘ਚ ਖਿਡਾਰੀਆਂ ਤੋਂ ਇਲਾਵਾ ਇੱਕ ਹੋਰ ਸ਼ਖ਼ਸੀਅਤ ਦਾ ਵੀ ਬਹੁਤ ਵੱਡਾ ਯੋਗਦਾਨ ਸੀ। ਇਹ ਵਿਅਕਤੀ ਕੋਈ ਹੋਰ ਨਹੀਂ ਸਗੋਂ ਦੱਖਣੀ ਅਫ਼ਰੀਕਾ ਦੇ ਸਾਬਕਾ ਕ੍ਰਿਕਟਰ ਅਤੇ ਉਸ ਸਮੇਂ ਭਾਰਤੀ ਟੀਮ ਦੇ ਕੋਚ ਗੈਰੀ ਕ੍ਰਿਸਟਨ ਸੀ।

ਗੈਰੀ ਕ੍ਰਿਸਟਨ 1 ਮਾਰਚ 2008 ਨੂੰ ਭਾਰਤੀ ਟੀਮ ਦੇ ਹੈੱਡ ਕੋਚ ਬਣੇ ਸੀ। ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਕ੍ਰਿਸਟਨ ਕੋਲ ਕੋਚਿੰਗ ਦੇ ਖੇਤਰ ‘ਚ ਕੋਈ ਤਜਰਬਾ ਨਹੀਂ ਸੀ, ਪਰ ਸਖ਼ਤ ਮਿਹਨਤ ਅਤੇ ਆਤਮ-ਵਿਸ਼ਵਾਸ ਦੇ ਬਲ ‘ਤੇ ਉਹ ਭਾਰਤੀ ਟੀਮ ਦੇ ਸਫਲ ਕੋਚਾਂ ਚੋਂ ਇੱਕ ਬਣੇ।

ਜਦੋਂ ਕ੍ਰਿਸਟਨ ਟੀਮ ਇੰਡੀਆ ਦੇ ਕੋਚ ਬਣੇ, ਖਾਸ ਤੌਰ ‘ਤੇ ਵਨਡੇ ਕ੍ਰਿਕਟ ‘ਚ ਭਾਰਤੀ ਟੀਮ ਬੁਰੇ ਦੌਰ ‘ਚੋਂ ਲੰਘ ਰਹੀ ਸੀ। ਪਰ ਗੈਰੀ ਕਰਸਟਨ ਨੇ ਡਰੈਸਿੰਗ ਰੂਮ ਦੇ ਅੰਦਰ ਅਜਿਹਾ ਮਾਹੌਲ ਸਿਰਜ ਦਿੱਤਾ, ਜਿਸ ਦੀ ਬਦੌਲਤ ਭਾਰਤ ਨੂੰ ਵੱਡੀ ਸਫਲਤਾ ਮਿਲੀ।

ਸਾਲ 2009 ਵਿੱਚ ਕਰਸਟਨ ਦੀ ਕੋਚਿੰਗ ‘ਚ ਭਾਰਤੀ ਟੀਮ ਪਹਿਲੀ ਵਾਰ ਟੈਸਟ ਕ੍ਰਿਕਟ ਵਿੱਚ ਨੰਬਰ ਇੱਕ ਬਣੀ। ਉਨ੍ਹਾਂ ਲਈ 2011 ਦਾ ਵਿਸ਼ਵ ਕੱਪ ਦੀ ਜਿੱਤ ਬਹੁਤ ਖਾਸ ਸੀ। 2011 ਵਿਸ਼ਵ ਕੱਪ ਤੋਂ ਬਾਅਦ ਕ੍ਰਿਸਟਨ ਨੇ ਭਾਰਤੀ ਟੀਮ ਦੇ ਕੋਚ ਦਾ ਅਹੁਦਾ ਛੱਡ ਦਿੱਤਾ ਕਿਉਂਕਿ ਉਹ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾਉਣਾ ਚਾਹੁੰਦੇ ਸੀ।

ਕ੍ਰਿਸਟਨ ਨੇ ਇੱਕ ਪੋਡਕਾਸਟ ‘ਚ ਕਿਹਾ ਸੀ, ‘ਮੈਨੂੰ ਸੁਨੀਲ ਗਾਵਸਕਰ ਦਾ ਈ-ਮੇਲ ਮਿਲਿਆ ਸੀ ਕਿ ਕਿਉਂ ਮੈਂ ਭਾਰਤੀ ਟੀਮ ਦਾ ਕੋਚ ਬਣਨਾ ਚਾਹਾਂਗਾ। ਮੈਂ ਸੋਚਿਆ ਕਿ ਇਹ ਇੱਕ ਮਜ਼ਾਕ ਹੈ। ਮੈਂ ਇਸਦਾ ਜਵਾਬ ਵੀ ਨਹੀਂ ਦਿੱਤਾ। ਫਿਰ ਉਨ੍ਹਾਂ ਨੇ ਮੈਨੂੰ ਇੱਕ ਹੋਰ ਮੇਲ ਭੇਜੀ ਜਿਸ ਵਿੱਚ ਲਿਖਿਆ ਸੀ ਕਿ ਤੁਸੀਂ ਇੰਟਰਵਿਊ ਲਈ ਆਉਣਾ ਚਾਹੋਗੇ।

ਕ੍ਰਿਸਟਨ ਦਾ ਕਹਿਣਾ ਹੈ, ‘ਸਿਲੈਕਸ਼ਨ ਪੈਨਲ ‘ਚ ਸ਼ਾਮਲ ਰਵੀ ਸ਼ਾਸਤਰੀ ਨੇ ਮੈਨੂੰ ਕਿਹਾ ਕਿ ਗੈਰੀ, ਇਹ ਦੱਸੋ ਕਿ ਤੁਸੀਂ ਭਾਰਤੀ ਟੀਮ ਨੂੰ ਹਰਾਉਣ ਲਈ ਖਿਡਾਰੀ ਦੇ ਤੌਰ ‘ਤੇ ਕੀ ਕੀਤਾ। ਮੈਂ ਇਸਦਾ ਜਵਾਬ ਦੇ ਸਕਦਾ ਸੀ ਤੇ ਮੈਂ ਇਸਦਾ ਜਵਾਬ ਦੋ ਜਾਂ ਤਿੰਨ ਮਿੰਟਾਂ ‘ਚ ਦੇ ਦਿੱਤਾ ਪਰ ਮੈਂ ਕਿਸੇ ਵੀ ਰਣਨੀਤੀ ਦਾ ਜ਼ਿਕਰ ਨਹੀਂ ਕੀਤਾ ਜੋ ਅਸੀਂ ਉਸ ਦਿਨ ਵਰਤ ਸਕਦੇ। ਮੇਰੀ ਇੰਟਰਵਿਊ ਸਿਰਫ਼ ਸੱਤ ਮਿੰਟ ਚੱਲੀ।”

ਖੱਬੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਗੈਰੀ ਕ੍ਰਿਸਟਨ ਨੇ ਦੱਖਣੀ ਅਫਰੀਕਾ ਲਈ 101 ਟੈਸਟ ਮੈਚ ਖੇਡੇ ਜਿਸ ਵਿੱਚ 45.27 ਦੀ ਔਸਤ ਨਾਲ 7289 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਸ ਦਾ ਸਰਵੋਤਮ ਸਕੋਰ 275 ਰਿਹਾ।

ਆਪਣੇ ਟੈਸਟ ਕਰੀਅਰ ‘ਚ ਗੈਰੀ ਨੇ 21 ਸੈਂਕੜੇ ਅਤੇ 34 ਅਰਧ ਸੈਂਕੜੇ ਲਗਾਏ। ਵਨ ਡੇ ਇੰਟਰਨੈਸ਼ਨਲ ਵਿੱਚ ਵੀ ਗੈਰੀ ਦਾ ਕੋਈ ਜਵਾਬ ਨਹੀਂ । ਗੈਰੀ ਕ੍ਰਿਸਟਨ ਨੇ 185 ਵਨਡੇ ਮੈਚਾਂ ਵਿੱਚ 6798 ਦੌੜਾਂ ਬਣਾਈਆਂ, ਜਿਸ ਵਿੱਚ 13 ਸੈਂਕੜੇ ਅਤੇ 45 ਅਰਧ ਸੈਂਕੜੇ ਸ਼ਾਮਲ ਹਨ।

ਗੈਰੀ ਦਾ ਇੱਕ ਦਿਨਾ ਅੰਤਰਰਾਸ਼ਟਰੀ ਵਿੱਚ ਸਰਵੋਤਮ ਸਕੋਰ ਨਾਬਾਦ 188 ਦੌੜਾਂ ਸੀ, ਜੋ ਉਸਨੇ 1999 ਵਿਸ਼ਵ ਕੱਪ ਵਿੱਚ ਯੂਏਈ ਦੇ ਖਿਲਾਫ ਬਣਾਇਆ। ਖਾਸ ਗੱਲ ਇਹ ਹੈ ਕਿ ਦੱਖਣੀ ਅਫਰੀਕਾ ਲਈ ਵਨਡੇ ‘ਚ ਸਭ ਤੋਂ ਵੱਡੀ ਪਾਰੀ ਖੇਡਣ ਦਾ ਰਿਕਾਰਡ ਅਜੇ ਵੀ ਗੈਰੀ ਕ੍ਰਿਸਟਨ ਦੇ ਨਾਂ ਹੈ।

Happy Birthday Gary Kirsten: ਗੈਰੀ ਨੇ ਬਣਾਇਆ ਸੀ ਭਾਰਤ ਨੂੰ ਵਿਸ਼ਵ ਵਿਜੇਤਾ, 2008 ‘ਚ ਚੁਣੇ ਗਏ ਸੀ ਟੀਮ ਇੰਡੀਆ ਦੇ ਮੁੱਖ ਕੋਚ

Related Posts

ਰਵਿੰਦਰ ਜਡੇਜਾ ਨੇ ਮੁੰਬਈ ‘ਚ ਰਚਿਆ ਇਤਿਹਾਸ, ਇੱਕੋ ਟੈਸਟ ‘ਚ ਦੋ ਵਾਰ ‘ਪੰਜਾ’ ਖੋਲ੍ਹਣ ਵਾਲਾ ਦੂਜਾ ਗੇਂਦਬਾਜ਼

IND vs BAN 1st T20: ਪੰਜਾਬ ਦੇ ਪੁੱਤ ਅਰਸ਼ਦੀਪ ਸਿੰਘ ਨੇ ਰਚਿਆ ਇਤਿਹਾਸ, ਆਪਣੇ ਨਾਮ ਕੀਤਾ ਇਹ ਰਿਕਾਰਡ,ਪੜ੍ਹੋ ਪੂਰੀ ਖ਼ਬਰ

ਭਾਰਤ ਨੇ ਚੇਨੱਈ ਟੈਸਟ ਜਿੱਤਿਆ, ਬੰਗਲਾਦੇਸ਼ ਨੂੰ 280 ਦੌੜਾਂ ਨਾਲ ਹਰਾਇਆ

ਦਵਾਈ ਤੋਂ ਘੱਟ ਨਹੀਂ ਸ਼ਹਿਦ…ਰੋਜ਼ ਖਾਣ ਨਾਲ ਦੂਰ ਹੋਣਗੀਆਂ ਆਹ ਬਿਮਾਰੀਆਂ

ਪੈਰਾਲੰਪਿਕ ‘ਚ ਭਾਰਤ ਨੇ ਜਿੱਤਿਆ 24ਵਾਂ ਮੈਡਲ, ਧਰਮਬੀਰ ਨੇ ਗੋਲਡ ਤੇ ਪ੍ਰਣਵ ਨੇ ਹਾਸਲ ਕੀਤਾ ਸਿਲਵਰ

Recent News

iPhone 15 ਦੀ ਕੀਮਤ ਜਾਣ ਰਹਿ ਜਾਓਗੇ ਹੈਰਾਨ, ਇੱਥੇ ਮਿਲ ਰਹੀ ਭਾਰੀ ਛੋਟ, ਸਾਰੇ Discount ਮਿਲਾ ਕੇ ਪਵੇਗਾ 35,000 ਤੋਂ ਵੀ ਘੱਟ, ਪੜ੍ਹੋ ਪੂਰੀ ਖ਼ਬਰ

Weather Update: ਪੰਜਾਬ ਦੇ ਇਨ੍ਹਾਂ ਜ਼ਿਲ੍ਹਿਆਂ ‘ਚ ਮੀਂਹ ਦਾ ਅਲਰਟ, ਵਧੇਗੀ ਠੰਢ…

Sukhbir Badal resignation- ਸੁਖਬੀਰ ਬਾਦਲ ਦੇ ਅਸਤੀਫੇ ਬਾਰੇ ਵੱਡੀ ਅਪਡੇਟ, ਵਰਕਿੰਗ ਕਮੇਟੀ ਨੇ ਲਿਆ ਫੈਸਲਾ

ਸੁਨੀਤਾ ਵਿਲੀਅਮਜ਼ ਦੀਆਂ ਵਧੀਆਂ ਮੁਸ਼ਕਿਲਾਂ, ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ‘ਚ ਆਈਆਂ ਤਰੇੜਾਂ

ਦਿੱਲੀ ਸਰਕਾਰ ਦੇ ਮੰਤਰੀ ਕੈਲਾਸ਼ ਗਹਿਲੋਤ ਦਾ ਅਸਤੀਫਾ, ਕੇਜਰੀਵਾਲ ਨੂੰ ਲਿਖੀ ਚਿੱਠੀ ‘ਚ ਕਿਹਾ…

Quick Links