ਮੈਰੀ ਕ੍ਰਿਸਮਸ 'ਤੇ ਜਾਣੋ Santa Claus ਦੀ ਕਹਾਣੀ, ਜਾਣੋ ਕਿਵੇਂ ਸ਼ੁਰੂ ਹੋਈ ਸੈਂਟਾ ਦੀ...

Santa Claus on Christmas: ਕ੍ਰਿਸਮਸ ਦੇ ਤਿਉਹਾਰ ਨਾਲ ਜੁੜੀਆਂ ਕਈ ਕਹਾਣੀਆਂ ਹਨ। ਇਸ ਫੋਟੋ ਗੈਲਰੀ ਵਿੱਚ ਜਾਣੋ ਕੀ ਇਹ ਤਿਉਹਾਰ ਕਿਵੇਂ ਸ਼ੁਰੂ ਹੋਇਆ, ਇਹ ਕਿਉਂ ਮਨਾਇਆ ਜਾਂਦਾ ਹੈ ਅਤੇ ਇਸ ਨਾਲ ਜੁੜੀਆਂ ਪਰੰਪਰਾਵਾਂ ਬਾਰੇ।

ਸੈਂਟਾ ਕਲੌਸ ਦਾ ਨਾਂ ਅਸੀਂ ਬਚਪਨ ਤੋਂ ਹੀ ਸੁਣਦੇ ਆ ਰਹੇ ਹਾਂ ਕੀ ਉਹ ਕ੍ਰਿਸਮਿਸ ਵਾਲੇ ਦਿਨ ਬੱਚਿਆਂ ਲਈ ਬਹੁਤ ਸਾਰੇ ਤੋਹਫੇ ਲੈ ਕੇ ਆਉਂਦਾ ਹੈ। ਕੀ ਤੁਸੀਂ ਜਾਣਦੇ ਹੋ ਕਿ ਸੈਂਟਾ ਕਲੌਸ ਕੌਣ ਹੈ ਜਾਂ ਇਹ ਪਰੰਪਰਾ ਕਿਵੇਂ ਸ਼ੁਰੂ ਹੋਈ ?

ਸੈਂਟਾ ਕਲੌਸ ਨੂੰ ਜਾਣਨ ਤੋਂ ਪਹਿਲਾਂ ਇਹ ਜਾਣਨਾ ਜ਼ਰੂਰੀ ਹੈ ਕੀ ਅਸਲੀ ਸੈਂਟਾ ਕਲੌਸ ਕੌਣ ਸੀ ਤੇ ਸੈਂਟਾ 25 ਦਸੰਬਰ ਨੂੰ ਬੱਚਿਆਂ ਨੂੰ ਤੋਹਫ਼ੇ ਆਦਿ ਕਿਉਂ ਵੰਡਦਾ ਹੈ। ਸੈਂਟਾ ਦੀ ਕਹਾਣੀ ਨਿਕੋਲਸ ਨਾਂ ਦੇ ਵਿਅਕਤੀ ਨਾਲ ਸਬੰਧਤ ਮੰਨੀ ਜਾਂਦੀ ਹੈ।

ਨਿਕੋਲਸ ਦਾ ਜਨਮ ਤੀਜੀ ਸਦੀ (300 ਈ.) ‘ਚ ਈਸਾ ਦੀ ਮੌਤ ਤੋਂ 280 ਸਾਲ ਬਾਅਦ ਤੁਰਕਿਸਤਾਨ ਦੇ ਮਾਈਰਾ ਸ਼ਹਿਰ ‘ਚ ਹੋਇਆ ਸੀ। ਨਿਕੋਲਸ ਬਹੁਤ ਦਿਆਲੂ ਸੀ ਅਤੇ ਸਾਰਿਆਂ ਨੂੰ ਖੁਸ਼ ਕਰਨਾ ਚਾਹੁੰਦਾ ਸੀ। ਉਹ ਹਰ ਕਿਸੇ ਦੀ ਮਦਦ ਕਰਦਾ ਸੀ।

ਨਿਕੋਲਸ ਹਰ ਸਾਲ 25 ਦਸੰਬਰ ਯਾਨੀ ਈਸਾ ਦੇ ਜਨਮ ਦਿਨ ‘ਤੇ ਗਿਫਟ ਅਤੇ ਚਾਕਲੇਟ ਵੰਡ ਦਾ ਸੀ। ਉਸ ਨੂੰ ਵਾਹੋਵਾਹੀ ਪਸੰਦ ਨਹੀਂ ਸੀ, ਇਸ ਲਈ ਉਹ ਅੱਧੀ ਰਾਤ ਨੂੰ ਗਰੀਬ ਲੋਕਾਂ ਦੇ ਘਰ ਜਾ ਕੇ ਚੁੱਪ-ਚਾਪ ਬੱਚਿਆਂ ਲਈ ਖਿਡੌਣੇ ਅਤੇ ਖਾਣ-ਪੀਣ ਦਾ ਸਮਾਨ ਰੱਖ ਆਉਂਦਾ ਸੀ। ਉਸ ਦੀ ਦਿਆਲਤਾ ਨੂੰ ਦੇਖ ਕੇ ਲੋਕ ਨਿਕੋਲਸ ਨੂੰ ਸੈਂਟਾ ਨਿਕੋਲਸ ਕਹਿਣ ਲੱਗ ਪਏ।

ਨਿਕੋਲਸ ਦੀ ਮੌਤ ਤੋਂ ਬਾਅਦ ਲੋਕਾਂ ਨੇ 25 ਦਸੰਬਰ ਦੀ ਰਾਤ ਨੂੰ ਗਰੀਬਾਂ ਅਤੇ ਲੋੜਵੰਦਾਂ ਅਤੇ ਬੱਚਿਆਂ ਨੂੰ ਤੋਹਫੇ ਅਤੇ ਖਾਣ-ਪੀਣ ਦੀਆਂ ਚੀਜ਼ਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਹੌਲੀ-ਹੌਲੀ ਇਹ ਰਿਵਾਜ ਬਣ ਗਿਆ। ਸੈਂਟਾ ਨਿਕੋਲਸ ਦਾ ਨਵਾਂ ਨਾਂਅ ਡੈਨਮਾਰਕ ਦੇ ਲੋਕਾਂ ਵਲੋਂ ਰੱਖਿਆ ਗਿਆ।

ਅਮਰੀਕੀ ਪੋਲੀਟਿਕਲ ਕਾਰਟੂਨਿਸਟ ਥਾਮਸ ਨਾਸਟ ਨੇ ਸੈਂਟਾ ਨੂੰ ਪ੍ਰਸਿੱਧ ਬਣਾਉਣ ਦਾ ਕੰਮ ਕੀਤਾ ਜੋ ਅਸੀਂ ਅੱਜ ਦੇਖਦੇ ਹਾਂ। ਉਹ ਹਾਰਪਰਜ਼ ਵੀਕਲੀ ਲਈ ਕਾਰਟੂਨ ਬਣਾਉਂਦਾ ਸੀ।

3 ਜਨਵਰੀ, 1863 ਨੂੰ ਪਹਿਲੀ ਵਾਰ ਮੈਗਜ਼ੀਨ ਵਿੱਚ ਸੈਂਟਾਂ ਦਾ ਇੱਕ ਦਾੜ੍ਹੀ ਵਾਲਾ ਕਾਰਟੂਨ ਛਪਿਆ। ਇਸ ਕਾਰਟੂਨ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਸ ਤੋਂ ਬਾਅਦ ਇਸ ਕਾਰਟੂਨ ਨੂੰ ਕਈ ਬ੍ਰਾਂਡਾਂ ਦੇ ਪ੍ਰਚਾਰ ਲਈ ਵਰਤਿਆ ਗਿਆ ਅਤੇ ਕਈ ਪ੍ਰਯੋਗ ਸ਼ੁਰੂ ਕੀਤੇ ਗਏ।

Merry Christmas 2022: ਮੈਰੀ ਕ੍ਰਿਸਮਸ ‘ਤੇ ਜਾਣੋ Santa Claus ਦੀ ਕਹਾਣੀ, ਜਾਣੋ ਕਿਵੇਂ ਸ਼ੁਰੂ ਹੋਈ ਸੈਂਟਾ ਦੀ ਪਰੰਪਰਾ

Related Posts

ਸ੍ਰੀ ਹਰਿਮੰਦਰ ਸਾਹਿਬ ਦੇ ਸਰੋਵਰ ‘ਚ ਕੁਰਲੀ ਕਰਨ ਵਾਲਾ ਨੌਜਵਾਨ ਗਾਜ਼ੀਆਬਾਦ ਤੋਂ ਗ੍ਰਿਫ਼ਤਾਰ

ਯੂਕੇ ਦੇ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ ਨੂੰ ’ਸਰਕਾਰ-ਏ-ਖਾਲਸਾ ਪੁਰਸਕਾਰ’ ਨਾਲ ਕੀਤਾ ਗਿਆ ਸਨਮਾਨਿਤ

ਗ੍ਰਹਿ ਮੰਤਰੀ ਸ਼ਾਹ 24-25 ਜਨਵਰੀ ਦੇ ਸ਼ਹੀਦੀ ਸ਼ਤਾਬਦੀ ਸਮਾਗਮਾਂ ‘ਚ ਹੋਣਗੇ ਸ਼ਾਮਿਲ

Recent News

ਜਲੰਧਰ ਦੇ ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ

ਪੰਜਾਬ ਪੁਲਿਸ ਦੀ ਵੱਡੀ ਕਾਰਵਾਈ: 51.5 ਕਿਲੋ ਹੈਰੋਇਨ ਸਮੇਤ ਦੋ ਗ੍ਰਿਫਤਾਰ

ਚੰਡੀਗੜ੍ਹ ਦੇ ਨਵੇਂ ਮੇਅਰ ਬਣੇ ਸੌਰਭ ਜੋਸ਼ੀ, ਆਪਣੇ ਪਿਤਾ ਨੂੰ ਯਾਦ ਕਰ ਹੋਏ ਭਾਵੁਕ

ਮੈਂਬਰ ਪਾਰਲੀਮੈਂਟ ਸਤਨਾਮ ਸਿੰਘ ਸੰਧੂ ਨੇ ਪੰਜਾਬ ਵਿੱਚ ਕੇਂਦਰੀ ਹਾਰਟੀਕਲਚਰ ਯੂਨੀਵਰਸਿਟੀ ਦੀ ਸਥਾਪਨਾ ਦੀ ਕੀਤੀ ਮੰਗ

Quick Links