ਹੁਸ਼ਿਆਰਪੁਰ- ਆਨਲਾਈਨ ਠੱਗੀ ਦਾ ਇਕ ਮਾਮਲਾ ਥਾਣਾ ਮਾਹਿਲਪੁਰ ‘ਚ ਸਮਾਚਾਰ ਪ੍ਰਾਪਤ ਹੋਇਆ ਹੈ , ਮਿਲੀ ਜਾਣਕਾਰੀ ਅਨੁਸਾਰ ਸਰਵਣ ਸਿੰਘ ਵਾਸੀ ਬਿੰਜੋਂ ਨੇ ਦੱਸਿਆ ਕਿ ਲੰਘੀ 8 ਜੂਨ ਨੂੰ ਉਸ ਦੇ ਫੋਨ ’ਤੇ ਵਿਦੇਸ਼ੀ ਨੰਬਰ ਤੋਂ ਫੋਨ ਆਇਆ, ਜਿਸ ਨੇ ਗੱਲਾਂ ਵਿਚ ਫਸਾ ਲਿਆ ਕਿ ਉਸ ਨੂੰ ਆਪਣਾ ਰਿਸ਼ੇਤਦਾਰ ਦੱਸ ਕੇ ਕਿਹਾ ਕਿ ਉਹ ਇਕ ਹਫ਼ਤੇ ਤੱਕ ਇੰਡੀਆ ਆ ਰਿਹਾ ਹੈ।
ਉਸ ਨੇ ਕਿਹਾ ਕਿ ਉਹ ਉਸ ਨੂੰ 35 ਲੱਖ 80 ਹਜ਼ਾਰ ਰੁਪਏ ਭੇਜ ਰਿਹਾ ਹੈ। ਇਸ ਵਿਚੋਂ ਕੁਝ ਪੈਸੇ ਉਸ ਨੇ ਇਕ ਦੋਸਤ ਨੂੰ ਦੇਣੇ ਹਨ ‘ਤੇ ਬਾਕੀ ਪੈਸੇ ਆਪ ਰੱਖ ਲਵੇ। ਫੋਨ ਕਰਨ ਵਾਲੇ ਨੇ ਉਸ ਨੂੰ ਭੇਜੀ ਰਕਮ ਦੀ ਇਕ ਰਸੀਦ ਵੀ ਪਾ ਦਿੱਤੀ ਅਤੇ ਇਕ ਖ਼ਾਤਾ ਨੰਬਰ ਦੇ ਕੇ ਉਸ ਵਿਚ ਤਿੰਨ ਲੱਖ ਰੁਪਏ ਪਾਉਣ ਲਈ ਕਿਹਾ।
ਪੀੜਤ ਵਿਅਕਤੀ ਨੇ ਦੱਸਿਆ ਕਿ ਉਸ ਦੇ ਤਿੰਨ ਲੱਖ ਖ਼ਾਤੇ ਵਿਚ ਪਾਉਣ ਤੋਂ ਬਾਅਦ ਉਸ ਨੇ ਹੋਰ ਇਕ ਲੱਖ ਅਤੇ ਦੋ ਦਿਨ ਬਾਅਦ ਇਕ ਲੱਖ 80 ਹਜ਼ਾਰ ਰੁਪਏ ਹੋਰ ਪਵਾ ਲਏ।
ਉਸ ਨੇ ਦੱਸਿਆ ਕਿ ਉਸ ਤੋਂ ਬਾਅਦ ਉਹ ਹੋਰ ਪੈਸਿਆਂ ਦੀ ਮੰਗ ਕਰਨ ਲੱਗਾ ਅਤੇ ਧਮਕੀਆਂ ਦੇਣ ਲੱਗ ਪਿਆ,ਜਿਸ ਦੌਰਾਨ ਮੈਨੂੰ ਸ਼ੱਕ ਹੋਇਆ ਕਿ ਮੈਂ ਬੈਂਕ ਜਾ ਕੇ ਪਤਾ ਕਰਵਾਇਆ ਤਾਂ ਉਸ ਦੇ ਖ਼ਾਤੇ ਵਿਚ ਕੋਈ ਵੀ ਪੈਸਾ ਨਹੀਂ ਸੀ। ਇਸ ਬਾਬਤ ਥਾਣਾ ਮਾਹਿਲਪੁਰ ਦੀ ਪੁਲਸ ਨੇ ਕਾਨੂੰਨ ਦੀ ਧਾਰਾ 419, 420, 120 ਬੀ, 66 ਸੀ. ਡੀ. ਅਧੀਨ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
