Vacancy in Indian Armed Forces: ਭਾਰਤ ਦੀਆਂ ਤਿੰਨੋਂ ਹਥਿਆਰਬੰਦ ਸੈਨਾਵਾਂ ‘ਚ 1.55 ਲੱਖ ਅਸਾਮੀਆਂ ਹਨ। ਇਨ੍ਹਾਂ ਵਿੱਚੋਂ 1.36 ਲੱਖ ਖਾਲੀ ਅਸਾਮੀਆਂ ਸਿਰਫ਼ ਭਾਰਤੀ ਫ਼ੌਜ ਵਿੱਚ ਹਨ। ਸਰਕਾਰ ਨੇ ਸੋਮਵਾਰ ਨੂੰ ਰਾਜ ਸਭਾ ‘ਚ ਇਹ ਜਾਣਕਾਰੀ ਦਿੱਤੀ।
ਇੱਕ ਲਿਖਤੀ ਜਵਾਬ ਵਿੱਚ ਰੱਖਿਆ ਰਾਜ ਮੰਤਰੀ ਅਜੈ ਭੱਟ ਨੇ ਕਿਹਾ ਕਿ ਹਥਿਆਰਬੰਦ ਬਲਾਂ ਵਿੱਚ ਅਧਿਕਾਰੀਆਂ ਦੀ ਕਮੀ ਅਤੇ ਇਸ ਨੂੰ ਰੋਕਣ ਦੇ ਉਪਾਵਾਂ ‘ਤੇ ਲਗਾਤਾਰ ਨਜ਼ਰ ਰੱਖੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਨੂੰ ਫੌਜ ਵਿੱਚ ਭਰਤੀ ਹੋਣ ਲਈ ਅੱਗੇ ਆਉਣ ਲਈ ਕਈ ਕਦਮ ਚੁੱਕੇ ਗਏ ਹਨ।
ਭੱਟ ਨੇ ਕਿਹਾ ਕਿ ਭਾਰਤੀ ਫੌਜ ਵਿੱਚ 8,129 ਅਫਸਰਾਂ ਦੀ ਕਮੀ ਹੈ, ਜਿਸ ਵਿੱਚ ਆਰਮੀ ਮੈਡੀਕਲ ਕੋਰ ਤੇ ਆਰਮੀ ਡੈਂਟਲ ਕੋਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਮਿਲਟਰੀ ਨਰਸਿੰਗ ਸਰਵਿਸ (ਐਨਐਨਐਸ) ਲਈ 509 ਅਤੇ ਜੇਸੀਓ ਲਈ 1,27,673 ਅਤੇ ਹੋਰ ਰੈਂਕਾਂ ‘ਚ ਵੀ ਅਸਾਮੀਆਂ ਉਪਲਬਧ ਹਨ।
ਮੰਤਰੀ ਨੇ ਕਿਹਾ, ਫੌਜ ਵਲੋਂ ਭਰਤੀ ਕੀਤੇ ਗਏ ਨਾਗਰਿਕਾਂ ਦੇ ਗਰੁੱਪ ਏ ਵਿੱਚ 252 ਅਸਾਮੀਆਂ ਖਾਲੀ ਹਨ। ਗਰੁੱਪ ਬੀ ਵਿੱਚ 2,549 ਅਤੇ ਗਰੁੱਪ ਸੀ ਵਿੱਚ 35,368 ਅਸਾਮੀਆਂ ਖਾਲੀ ਹਨ।
ਜਾਣੋ ਕਿੱਥੇ ਕਿੰਨੀਆਂ ਅਸਾਮੀਆਂ ਖਾਲੀ
ਜਲ ਸੈਨਾ ਵਿੱਚ 12,428 ਜਵਾਨਾਂ ਦੀ ਕਮੀ ਹੈ। ਇਸ ਤੋਂ ਇਲਾਵਾ 10,746 ਮਲਾਹ, 29 ਮੈਡੀਕਲ ਅਤੇ ਡੈਂਟਲ ਅਫ਼ਸਰ ਅਤੇ 1653 ਅਫ਼ਸਰਾਂ ਦੀਆਂ ਅਸਾਮੀਆਂ ਖਾਲੀ ਪਈਆਂ ਹਨ। ਦੂਜੇ ਪਾਸੇ ਜਲ ਸੈਨਾ ਵਿੱਚ ਨਾਗਰਿਕ ਮੁਲਾਜ਼ਮਾਂ ਦੀਆਂ ਗਰੁੱਪ ਏ ਦੀਆਂ 165 ਅਸਾਮੀਆਂ ਖਾਲੀ ਹਨ। ਗਰੁੱਪ ਬੀ ਵਿੱਚ ਇਹ ਅੰਕੜਾ 4207 ਹੈ ਜਦੋਂ ਕਿ ਗਰੁੱਪ ਸੀ ਵਿੱਚ ਇਹ 6156 ਹੈ।
ਇਸ ਦੇ ਨਾਲ ਹੀ ਭਾਰਤੀ ਹਵਾਈ ਸੈਨਾ ਵਿੱਚ 7031 ਸੈਨਿਕਾਂ ਦੀਆਂ ਅਸਾਮੀਆਂ ਖਾਲੀ ਪਈਆਂ ਹਨ। ਇਸ ਤੋਂ ਇਲਾਵਾ ਮੈਡੀਕਲ ਸਹਾਇਕ ਟਰੇਡ ਦੇ 721 ਅਫਸਰ, 16 ਮੈਡੀਕਲ ਅਫਸਰ, 4734 ਏਅਰਮੈਨ ਅਤੇ 113 ਏਅਰਮੈਨ ਦੀਆਂ ਅਸਾਮੀਆਂ ਵੀ ਸ਼ਾਮਲ ਹਨ। ਕੰਮ ਕਰ ਰਹੇ ਨਾਗਰਿਕਾਂ ਦੀਆਂ ਗਰੁੱਪ ਏ ਦੀਆਂ 22, ਗਰੁੱਪ ਬੀ ਦੀਆਂ 1303 ਅਤੇ ਗਰੁੱਪ ਸੀ ਦੀਆਂ 5531 ਅਸਾਮੀਆਂ ਖਾਲੀ ਹਨ।
ਖਾਲੀ ਅਸਾਮੀਆਂ ‘ਤੇ ਕਦੋਂ ਹੋਵੇਗੀ ਭਰਤੀ?
ਸਰਕਾਰ ਵੱਲੋਂ ਇਹ ਨਹੀਂ ਦੱਸਿਆ ਗਿਆ ਕਿ ਇਨ੍ਹਾਂ ਅਸਾਮੀਆਂ ’ਤੇ ਨੌਜਵਾਨਾਂ ਦੀ ਨਿਯੁਕਤੀ ਕਦੋਂ ਕੀਤੀ ਜਾਵੇਗੀ। ਹਾਲਾਂਕਿ ਸਰਕਾਰ ਨੇ ਇਹ ਜ਼ਰੂਰ ਦੱਸਿਆ ਹੈ ਕਿ ਸਰਕਾਰ ਵੱਲੋਂ ਇਨ੍ਹਾਂ ਅਹੁਦਿਆਂ ‘ਤੇ ਨਿਯੁਕਤੀ ਲਈ ਲਗਾਤਾਰ ਕਦਮ ਚੁੱਕੇ ਜਾ ਰਹੇ ਹਨ।
ਭਰਤੀ ਪ੍ਰਕਿਰਿਆ ਨੂੰ ਸਰਲ ਬਣਾਇਆ ਜਾ ਰਿਹਾ ਹੈ ਤਾਂ ਜੋ ਜਲਦੀ ਤੋਂ ਜਲਦੀ ਨੌਜਵਾਨਾਂ ਦੀ ਨਿਯੁਕਤੀ ਕੀਤੀ ਜਾ ਰਹੀ ਹੈ। ਸਰਕਾਰ ਨੇ ਅਗਲੇ ਇੱਕ ਸਾਲ ਵਿੱਚ 10 ਲੱਖ ਅਸਾਮੀਆਂ ਭਰਨ ਦਾ ਟੀਚਾ ਵੀ ਰੱਖਿਆ ਹੈ। ਅਜਿਹੇ ‘ਚ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜਲਦ ਤੋਂ ਜਲਦ ਇਨ੍ਹਾਂ ਅਸਾਮੀਆਂ ‘ਤੇ ਭਰਤੀ ਲਈ ਨੋਟੀਫਿਕੇਸ਼ਨ ਵੀ ਜਾਰੀ ਕਰ ਦਿੱਤਾ ਜਾਵੇਗਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
