Shah Rukh Khan’s Pathaan: ਬਾਲੀਲੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖ਼ਾਨ ਦੀ ਪਠਾਨ ਨੇ ਬਾਕਸਆਫਿਸ ‘ਤੇ ਗਦਰ ਮਚਾ ਦਿੱਤਾ ਹੈ। ਕਿਹਾ ਜਾ ਸਕਦਾ ਹੈ ਕਿ ਫਿਲਮ ਨੇ ਲੰਬੇ ਸਮੇਂ ਦੀ ਹਿੰਦੀ ਫਿਲਮਾਂ ਦੀ ਉਡੀਕ ਨੂੰ ਖ਼ਤਮ ਕਰ ਦਿੱਤਾ ਹੈ। ਫਿਲਮ ਦੀ ਜ਼ਬਰਦਸਤ ਕਮਾਈ ਨੇ ਟ੍ਰੇਡ ਐਨਾਲਿਸਟਸ ਦੇ ਦਾਅਵਿਆਂ ਦੀ ਫੂਕ ਕੱਢ ਦਿੱਤੀ।
ਅਜਿਹਾ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂਕਿ ਪਠਾਨ ਨੇ ਦੂਜੇ ਦਿਨ ਵੀ ਕਮਾਈ ਦਾ ਨਵਾਂ ਰਿਕਾਰਡ ਬਣਾਇਆ ਹੈ। ਕਿੰਗ ਖ਼ਾਨ ਦੀ ਫਿਲਮ ਨੇ ਦੋ ਦਿਨਾਂ ‘ਚ 100 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਜੀ ਹਾਂ, ਭਾਰਤ ‘ਚ ਪਹਿਲੇ ਦਿਨ 57 ਕਰੋੜ ਦੀ ਬੰਪਰ ਓਪਨਿੰਗ ਤੋਂ ਬਾਅਦ ਦੂਜੇ ਦਿਨ ਵੀ ਪਠਾਨ ਦਾ ਡੰਕਾ ਵੱਜਿਆ। ਕਮਾਈ ਦੇ ਮਾਮਲੇ ‘ਚ ਪਠਾਨ ਨੂੰ ਗਣਤੰਤਰ ਦਿਵਸ ਦੀ ਛੁੱਟੀ ਦਾ ਕਾਫੀ ਫਾਇਦਾ ਹੋਇਆ।
ਟ੍ਰੇਡ ਐਨਾਲਿਸਟ ਰਮੇਸ਼ ਬਾਲਾ ਮੁਤਾਬਕ ਪਠਾਨ ਦੇ ਹਿੰਦੀ ਵਰਜਨ ਨੇ ਦੂਜੇ ਦਿਨ (ਵੀਰਵਾਰ) 70 ਕਰੋੜ ਦੀ ਕਮਾਈ ਕੀਤੀ ਹੈ। ਪਠਾਨ ਦੀ ਕਮਾਈ ਦਾ ਅੰਕੜਾ ਦੋ ਦਿਨਾਂ ਵਿੱਚ 127 ਕਰੋੜ ਹੋ ਗਿਆ ਹੈ। ਦੂਜੇ ਦਿਨ ਦੀ ਕਮਾਈ ਵਿੱਚ ਪਠਾਨ ਨੇ ਕੇਜੀਐਫ 2 ਨੂੰ ਮਾਤ ਦਿੱਤੀ ਹੈ। KGF 2 ਦੇ ਹਿੰਦੀ ਵਰਜਨ ਨੇ ਦੂਜੇ ਦਿਨ 47 ਕਰੋੜ ਦੀ ਕਮਾਈ ਕੀਤੀ।
#Pathaan crosses ₹ 235 Crs Gross at the WW Box office in 2 days..
— Ramesh Bala (@rameshlaus) January 27, 2023
ਅੰਦਾਜ਼ਾ ਲਗਾਇਆ ਗਿਆ ਸੀ ਕਿ ਪਠਾਨ ਦੂਜੇ ਦਿਨ 60-65 ਕਰੋੜ ਰੁਪਏ ਇਕੱਠੇ ਕਰ ਲੈਣਗੇ। ਪਰ ਇਨ੍ਹਾਂ ਸਾਰੀਆਂ ਉਮੀਦਾਂ ਤੋਂ ਅੱਗੇ ਜਾ ਕੇ ਪਠਾਨ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਹ ਹੁਣ ਕਮਾਈ ਦੇ ਮਾਮਲੇ ‘ਚ ਰੁਕਣ ਵਾਲੀ ਨਹੀਂ। ਰਮੇਸ਼ ਬਾਲਾ ਨੇ ਟਵੀਟ ਕੀਤਾ ਕਿ ਪਠਾਨ ਨੇ ਦੁਨੀਆ ਭਰ ਦੇ ਬਾਕਸ ਆਫਿਸ ‘ਤੇ 235 ਕਰੋੜ ਦੀ ਕਮਾਈ ਕੀਤੀ ਹੈ।
ਪਠਾਨ ਨੇ ਕਈ ਰਿਕਾਰਡ ਤੋੜੇ
ਦੋ ਦਿਨਾਂ ‘ਚ ਪਠਾਨ ਦੀ ਇੰਨੀ ਜ਼ਬਰਦਸਤ ਕਮਾਈ ਦੱਸਦੀ ਹੈ ਕਿ ਫਿਲਮ ਬਾਕਸ ਆਫਿਸ ‘ਤੇ ਨਵੇਂ ਰਿਕਾਰਡ ਬਣਾਉਣ ਜਾ ਰਹੀ ਹੈ। ਦੇਸ਼-ਵਿਦੇਸ਼ ਵਿੱਚ ਪਠਾਨ ਦਾ ਡੰਕਾ ਵੱਜ ਰਿਹਾ ਹੈ। ਸ਼ਾਹਰੁਖ ਖ਼ਾਨ ਦੇ ਫੈਨਜ਼ ‘ਤੇ ਪਠਾਨ ਦਾ ਖੁਮਾਰ ਚੜ੍ਹਿਆ ਹੋਇਆ ਹੈ। ਕਿੰਗ ਖ਼ਾਨ ਲਈ ਲੋਕਾਂ ਦਾ ਕ੍ਰੇਜ਼ ਅਜਿਹਾ ਹੈ ਕਿ ਸਰਹੱਦ ਪਾਰ ਦੇ ਪਾਕਿਸਤਾਨੀ ਸੈਲੇਬਸ ਪਠਾਨ ਲਈ ਦੀਵਾਨੇ ਨਜ਼ਰ ਆ ਰਹੇ ਹਨ।
ਕਸ਼ਮੀਰ ਵਿੱਚ ਪਿਛਲੇ 32 ਸਾਲਾਂ ਦਾ ਰਿਕਾਰਡ ਟੁੱਟ ਗਿਆ ਹੈ। ਘਾਟੀ ਦੇ ਥੀਏਟਰਾਂ ਦੀ ਵੀ ਚਾਂਦੀ ਹੋ ਰਹੀ ਹੈ। 32 ਸਾਲ ਬਾਅਦ ਸਿਰਫ ਕਿੰਗ ਖ਼ਾਨ ਦੀ ਬਦੌਲਤ ਹੀ ਕਸ਼ਮੀਰ ‘ਚ ਸਿਨੇਮਾਘਰਾਂ ਦੇ ਬਾਹਰ ਹਾਊਸਫੁੱਲ ਦੇ ਬੋਰਡ ਲੱਗੇ ਹਨ।
ਬਾਕਸ ਆਫਿਸ ਮਾਲਾਮਾਲ
ਸ਼ਾਹਰੁਖ ਖ਼ਾਨ ਦੀ ਪਠਾਨ ਨਾਲ 4 ਸਾਲ ਬਾਅਦ ਸਿਲਵਰ ਸਕ੍ਰੀਨ ‘ਤੇ ਵਾਪਸੀ ਹੋਈ ਹੈ। ਗਲੈਮਰ, ਐਕਸ਼ਨ, ਰੋਮਾਂਚ, ਸਸਪੈਂਸ… ਉਹ ਸਾਰੇ ਡਰਾਮੇ ਪਠਾਨ ਵਿਚ ਮੌਜੂਦ ਹਨ ਜੋ ਇਸ ਨੂੰ ਬਾਕਸ ਆਫਿਸ ‘ਤੇ ਹਿੱਟ ਹੋਣ ਦੀ ਗਾਰੰਟੀ ਦਿੰਦੇ ਹਨ। ਕੁੱਲ ਮਿਲਾ ਕੇ ਸ਼ਾਹਰੁਖ ਦੀ ਬਾਦਸ਼ਾਹਤ ਨੇ ਇੱਕ ਵਾਰ ਫਿਰ ਬਾਕਸ ਆਫਿਸ ‘ਤੇ ਦਸਤਕ ਦਿੱਤੀ।
ਪੋਸਟ ਪੈਨਡੇਮਿਕ ਪਠਾਨ ਬਾਲੀਵੁੱਡ ਦੀ ਪਹਿਲੀ ਫਿਲਮ ਹੈ ਜਿਸ ਦੀ ਕਮਾਈ ਨੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ। ਪਠਾਨ ਨੇ ਨਾ ਸਿਰਫ ਸ਼ਾਹਰੁਖ, ਸਗੋਂ ਜੌਨ ਅਬ੍ਰਾਹਮ ਤੇ ਦੀਪਿਕਾ ਪਾਦੁਕੋਣ ਦੇ ਕਰੀਅਰ ਨੂੰ ਵੀ ਹੁਲਾਰਾ ਦਿੱਤਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
