ਪਾਇਲ ਅਤੇ ਯਸ਼ਵਿਕਾ ਨਾਂ ਦੀਆਂ ਦੋ ਲੜਕੀਆਂ ਦਾ ਵਿਆਹ ਹੋ ਗਿਆ ਹੈ। ਇਸ ਭਾਰਤੀ ਲੈਸਬੀਅਨ ਜੋੜੇ ਦੀ ਲਵ ਸਟੋਰੀ ਸੋਸ਼ਲ ਮੀਡੀਆ ‘ਤੇ ਸੁਰਖੀਆਂ ‘ਚ ਹੈ। ਜੋੜੇ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਰਿਸ਼ਤਾ ਕਿਸੇ ਵੀ ਆਮ ਰਿਸ਼ਤੇ ਵਾਂਗ ਇਕ ਨਾਰਮਲ ਰਿਸ਼ਤਾ ਹੈ। ਹਾਲਾਂਕਿ, ਉਨ੍ਹਾਂ ਨੂੰ ਸਮਾਜ ਵਿੱਚ ਆਪਣੀ ਮਾਨਤਾ ਲਈ ਅਜੇ ਵੀ ਸੰਘਰਸ਼ ਕਰਨਾ ਪੈ ਰਿਹਾ ਹੈ।
ਇਕ ਯੂ-ਟਿਊਬ ਚੈਨਲ ਨਾਲ ਗੱਲ ਕਰਦੇ ਹੋਏ ਯਸ਼ਵਿਕਾ ਨੇ ਕਿਹਾ ਕਿ ਮੈਂ ਪਾਇਲ ਨੂੰ ਸਿੱਧੇ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਨਾ ਮੈਂ ਕਿਹਾ ਕਿ ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ ਅਤੇ ਨਾ ਹੀ ਮੈਂ ਕੋਈ ਹੋਰ ਫਾਰਮੈਲਟੀ ਕੀਤੀ। ਯਸ਼ਵਿਕਾ ਅਨੁਸਾਰ ਜੇਕਰ ਪਿਆਰ ਨੂੰ ਪਿਆਰ ਦੇ ਨਜ਼ਰੀਏ ਤੋਂ ਦੇਖਿਆ ਜਾਵੇ ਤਾਂ ਤੁਹਾਨੂੰ ਸਿਰਫ਼ ਪਿਆਰ ਹੀ ਨਜ਼ਰ ਆਵੇਗਾ। ਤੁਹਾਨੂੰ ਸਿਰਫ਼ ਆਪਣਾ ਰਵੱਈਆ ਬਦਲਣ ਦੀ ਲੋੜ ਹੈ।
ਯਸ਼ਵਿਕਾ ਨੇ ਦੱਸਿਆ ਕਿ ਉਹ ਪਾਇਲ ਨਾਲ 2017 ‘ਚ ਟਿਕਟੋਕ ‘ਤੇ ਮਿਲੀ ਸੀ। ਇਸ ਤੋਂ ਬਾਅਦ ਦੋਵੇਂ ਰੋਜ਼ਾਨਾ ਗੱਲਬਾਤ ਕਰਨ ਲੱਗੇ। ਚੈਟ ਤੋਂ, ਟਾਕ ਕਾਲ ਅਤੇ ਫਿਰ ਅਸੀਂ ਵੀਡੀਓ ਕਾਲ ਕਰਨ ਲੱਗੇ। ਆਖ਼ਰਕਾਰ ਉਨ੍ਹਾਂ ਨੇ ਮਿਲਣ ਦੀ ਯੋਜਨਾ ਬਣਾਈ।
ਯਸ਼ਵਿਕਾ ਦਾ ਕਹਿਣਾ ਹੈ ਕਿ ਇਕ ਵਾਰ ਪਾਇਲ ਨੇ ਵਟਸਐਪ ‘ਤੇ ਉਸ ਦੇ ਮੈਸੇਜ ਦੇਖਣੇ ਬੰਦ ਕਰ ਦਿੱਤੇ ਸਨ। ਪਾਇਲ ਉਸ ਨੂੰ ਨਜ਼ਰਅੰਦਾਜ਼ ਕਰਨ ਲੱਗੀ। ਇਸ ‘ਤੇ ਯਸ਼ਵਿਕਾ ਨੇ ਗੁੱਸੇ ‘ਚ ਕਿਹਾ ਕਿ ਜਾਂ ਤਾਂ ਮੇਰੇ ਨਾਲ ਗੱਲ ਕਰੋ ਜਾਂ ਮੈਨੂੰ ਬਲਾਕ ਕਰ ਦਿੱਤਾ ਜਾਵੇ। ਜਿਸ ਤੋਂ ਬਾਅਦ ਪਾਇਲ ਨੇ ਯਸ਼ਵਿਕਾ ਨੂੰ ਬਲਾਕ ਕਰ ਦਿੱਤਾ ਪਰ 6 ਮਹੀਨਿਆਂ ਬਾਅਦ ਪਾਇਲ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ ਅਤੇ ਉਸ ਨੇ ਯਸ਼ਵਿਕਾ ਨਾਲ ਸੰਪਰਕ ਕੀਤਾ।
ਪਾਇਲ ਮਜ਼ਾਕੀਆ ਲਹਿਜੇ ‘ਚ ਕਹਿੰਦੀ ਹੈ ਕਿ 6 ਮਹੀਨਿਆਂ ‘ਚ ਹੀ ਮੈਨੂੰ ਅਹਿਸਾਸ ਹੋ ਗਿਆ ਸੀ ਕਿ ਜ਼ਿੰਦਗੀ ਇਕੱਲੀ ਨਹੀਂ ਗੁਜ਼ਾਰਨੀ ਚਾਹੀਦੀ। ਇਸ ਤੋਂ ਬਾਅਦ ਉਹ ਪਹਿਲੀ ਵਾਰ 2018 ਵਿੱਚ ਮਿਲੇ ਸਨ। ਕੁਝ ਦਿਨਾਂ ਦੀ ਮੁਲਾਕਾਤ ਤੋਂ ਬਾਅਦ, ਉਹ ਇੱਕ ਦੂਜੇ ਨੂੰ ਡੇਟ ਕਰਨ ਲੱਗੇ।
ਪਾਇਲ ਲੁਧਿਆਣਾ ‘ਚ ਕੰਮ ਕਰਦੀ ਸੀ, ਜਦਕਿ ਯਸ਼ਵਿਕਾ ਨੈਨੀਤਾਲ ‘ਚ ਕੰਮ ਕਰਦੀ ਸੀ। ਅਜਿਹੇ ‘ਚ ਉਹ ਹਰ ਮਹੀਨੇ ਮਿਲਣ ਲਈ ਇਕ-ਦੂਜੇ ਦੇ ਸ਼ਹਿਰ ਜਾਂਦੇ ਸਨ। ਇਹ ਤਕਰੀਬਨ ਦੋ ਸਾਲ ਚੱਲਦਾ ਰਿਹਾ। ਪਰ ਜਦੋਂ 2020 ਵਿੱਚ ਕੋਰੋਨਾ ਆਇਆ ਤਾਂ ਉਨ੍ਹਾਂ ਨੇ ਲੌਕਡਾਊਨ ਵਿੱਚ ਇਕੱਠੇ ਰਹਿਣ ਦਾ ਫੈਸਲਾ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ-ਆਪਣੇ ਪਰਿਵਾਰ ‘ਚ ਆਪਣੇ ਰਿਸ਼ਤੇ ਦਾ ਖੁਲਾਸਾ ਕਰਨ ਦਾ ਫੈਸਲਾ ਵੀ ਕੀਤਾ।
ਪਾਇਲ ਦੇ ਪਰਿਵਾਰ ਨੇ ਉਨ੍ਹਾਂ ਦੇ ਰਿਸ਼ਤੇ ਨੂੰ ਆਸਾਨੀ ਨਾਲ ਸਵੀਕਾਰ ਕਰ ਲਿਆ, ਪਰ ਯਸ਼ਵਿਕਾ ਨੂੰ ਆਪਣੇ ਮਾਤਾ-ਪਿਤਾ ਨੂੰ ਮਨਾਉਣ ਲਈ ਥੋੜ੍ਹਾ ਸੰਘਰਸ਼ ਕਰਨਾ ਪਿਆ। ਯਸ਼ਵਿਕਾ ਦਾ ਕਹਿਣਾ ਹੈ ਕਿ ਜਦੋਂ ਮੈਂ ਪਰਿਵਾਰ ਨੂੰ ਪਾਇਲ ਬਾਰੇ ਦੱਸਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਤੁਸੀਂ ਲੜਕੇ ਨਾਲ ਵਿਆਹ ਕਰਵਾ ਲਓ ਅਤੇ ਪਾਇਲ ਨੂੰ ਵੀ ਨਾਲ ਰੱਖ ਲੈਣਾ। ਫਿਰ ਯਸ਼ਵਿਕਾ ਨੇ ਸਪੱਸ਼ਟ ਕੀਤਾ ਕਿ ਉਹ ਪਾਇਲ ਨਾਲ ਹੀ ਵਿਆਹ ਕਰਨਾ ਚਾਹੁੰਦੀ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
