Met Gala 2023, Priyanka Chopra And Alia Bhatt: ਸਿਨੇਮਾ ਜਗਤ ‘ਚ ਇਨ੍ਹੀਂ ਦਿਨੀਂ ਮੇਟ ਗਾਲਾ 2023 ਦੀ ਕਾਫੀ ਚਰਚਾ ਹੋ ਰਹੀ ਹੈ। ਫੈਸ਼ਨ ਈਵੈਂਟ 1 ਮਈ ਨੂੰ ਨਿਊਯਾਰਕ ਦੇ ਟ੍ਰੋਪਲਿਨ ਮਿਊਜ਼ੀਅਮ ਆਫ ਆਰਟ ‘ਚ ਆਯੋਜਿਤ ਕੀਤਾ ਜਾਵੇਗਾ। ਇਸ ਫੈਸ਼ਨ ਈਵੈਂਟ ‘ਚ ਹਾਲੀਵੁੱਡ ਦੇ ਨਾਲ-ਨਾਲ ਦੁਨੀਆ ਭਰ ਤੋਂ ਸਿਨੇਮਾ ਜਗਤ ਦੀਆਂ ਮਸ਼ਹੂਰ ਹਸਤੀਆਂ ਸ਼ਿਰਕਤ ਕਰਨਗੀਆਂ।
ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਬਾਲੀਵੁੱਡ ਦੀ ਦੇਸੀ ਗਰਲ ਯਾਨੀ ਪ੍ਰਿਯੰਕਾ ਚੋਪੜਾ ਵੀ ਮੇਟ ਗਾਲਾ ‘ਚ ਸ਼ਿਰਕਤ ਕਰੇਗੀ। ਇਹ ਜਾਣਕਾਰੀ ਵੇਰਾਇਟੀ ਮੈਗਜ਼ੀਨ ਦੇ ਸੀਨੀਅਰ ਕਲਚਰ ਐਂਡ ਈਵੈਂਟ ਐਡੀਟਰ ਮਾਰਕ ਮਲਕਿਨ ਨੇ ਟਵਿਟਰ ‘ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਦਿੱਤੀ ਹੈ। ਮਾਰਕ ਮਲਕਿਨ ਦਾ ਇਹ ਟਵੀਟ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ।
ਵੇਖੋ ਮਾਰਕ ਮਲਕਿਨ ਦਾ ਟਵੀਟ
Confirmed! @priyankachopra just told me she will be at the #MetGala on Monday. Says her look “will be on theme” because she loves a theme but it will also have a “special element.”#JustforVariety pic.twitter.com/jTd8ON0AGm
— Marc Malkin (@marcmalkin) April 26, 2023
ਪ੍ਰਿਯੰਕਾ ਚੋਪੜਾ ਦੀ ਆਉਣ ਵਾਲੀ ਸੀਰੀਜ਼ ‘ਸਿਟਾਡੇਲ’ ਦਾ ਇੱਕ ਪ੍ਰਮੋਸ਼ਨਲ ਵੀਡੀਓ ਸਾਂਝਾ ਕਰਦੇ ਹੋਏ ਮਾਰਕ ਮਲਕਿਨ ਨੇ ਲਿਖਿਆ, “ਪੁਸ਼ਟੀ ਕੀਤੀ, ਪ੍ਰਿਯੰਕਾ ਚੋਪੜਾ ਨੇ ਹੁਣੇ ਮੈਨੂੰ ਦੱਸਿਆ ਹੈ ਕਿ ਉਹ ਸੋਮਵਾਰ ਨੂੰ ਮੇਟ ਗਾਲਾ ਵਿੱਚ ਹੋਵੇਗੀ। ਉਸ ਦਾ ਲੁੱਕ ਥੀਮ ‘ਤੇ ਹੋਵੇਗਾ ਕਿਉਂਕਿ ਉਸ ਨੂੰ ਇੱਕ ਥੀਮ ਮਿਲੀ ਹੈ। ਪਰ ਉਸਦੀ ਲੁੱਕ ਵਿੱਚ ਇੱਕ ਵਿਸ਼ੇਸ਼ ਤੱਤ ਜੁੜਿਆ ਹੋਵੇਗਾ।” ਮਾਰਕ ਮਲਕਿਨ ਦੇ ਇਸ ਟਵੀਟ ‘ਤੇ ਲੋਕ ਕਾਫੀ ਕਮੈਂਟ ਕਰ ਰਹੇ ਹਨ ਅਤੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।
ਆਲੀਆ ਭੱਟ ਵੀ ਕਰਨ ਜਾ ਰਹੀ ਹੈ ਮੇਟ ਗਾਲਾ ਵਿੱਚ ਡੈਬਿਊ
ਦੱਸ ਦੇਈਏ ਕਿ ਐਕਟਰਸ ਆਲੀਆ ਭੱਟ ਮੇਟ ਗਾਲਾ 2023 ਵਿੱਚ ਆਪਣਾ ਡੈਬਿਊ ਕਰਨ ਜਾ ਰਹੀ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਇਸ ਈਵੈਂਟ ‘ਚ ਐਕਟਰਸ ਆਲੀਆ ਭੱਟ ਡਿਜ਼ਾਈਨਰ ਪ੍ਰਬਲ ਗੁਰੂੰਗ ਦੇ ਕੱਪੜਿਆਂ ‘ਚ ਨਜ਼ਰ ਆਵੇਗੀ। ਦੱਸ ਦੇਈਏ ਕਿ ਆਲੀਆ ਤੋਂ ਪਹਿਲਾਂ ਐਕਟਰਸ ਦੀਪਿਕਾ ਪਾਦੁਕੋਣ ਵੀ ਮੇਟ ਗਾਲਾ ਈਵੈਂਟ ‘ਚ ਨਜ਼ਰ ਆ ਚੁੱਕੀ ਹੈ। ਸਾਲ 2019 ‘ਚ ਆਯੋਜਿਤ ਇਸ ਈਵੈਂਟ ‘ਚ ਦੀਪਿਕਾ ਇੰਡੀਅਨ ਬਾਰਬੀ ਦੇ ਅੰਦਾਜ਼ ‘ਚ ਨਜ਼ਰ ਆਈ ਸੀ, ਉਥੇ ਹੀ ਨਤਾਸ਼ਾ ਪੂਨਾਵਾਲਾ ਅਤੇ ਲਿਲੀ ਸਿੰਘ ਵਰਗੀਆਂ ਖੂਬਸੂਰਤ ਹਸਤੀਆਂ ਵੀ ਮੇਟ ਗਾਲਾ ਦੇ ਰੈੱਡ ਕਾਰਪੇਟ ‘ਤੇ ਨਜ਼ਰ ਆਈਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
