ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਅੱਜ ਦਸਵੀਂ ਜਮਾਤ ਦਾ ਨਤੀਜਾ ਐਲਾਨਿਆ ਗਿਆ , ਜਿਸ ’ਚ ਜ਼ਿਲ੍ਹੇ ਦੇ ਵੀਹ ਵਿਦਿਆਰਥੀ ਸੂਬਾਈ ਮੈਰਿਟ ਸੂਚੀ ’ਚ ਆਏ ਹਨ ਤੇ ਇਨ੍ਹਾਂ ਵਿਚ ਵਧੇਰੇ ਕੁੜੀਆਂ ਸ਼ਾਮਲ ਹਨ।
ਜ਼ਿਲ੍ਹੇ ਵਿੱਚ 28151 ਵਿਦਿਆਰਥੀਆਂ ਨੇ ਦਸਵੀਂ ਜਮਾਤ ਦੀ ਪ੍ਰੀਖਿਆ ਦਿੱਤੀ ਸੀ ਤੇ ਇਸ ਵਿੱਚੋਂ 27953 ਵਿਦਿਆਰਥੀ ਪਾਸ ਹੋਏ ਹਨ। ਜ਼ਿਲ੍ਹੇ ਦਾ ਇਹ ਨਤੀਜਾ 99.3 ਫ਼ੀਸਦ ਆਇਆ ਹੈ।
ਇਹ ਜਿਕਰਯੋਗ ਹੈਉ ਕਿ ਸੇਂਟ ਕਬੀਰ ਪਬਲਿਕ ਸਕੂਲ ਦਾ ਵਿਦਿਆਰਥੀ ਅਰਸ਼ਦੀਪ ਸਿੰਘ ਜ਼ਿਲ੍ਹੇ ’ਚ ਪਹਿਲੇ ਸਥਾਨ ’ਤੇ ਆਇਆ ਹੈ ਤੇ ਸੂਬਾਈ ਮੈਰਿਟ ਸੂਚੀ ਵਿੱਚ ਉਸ ਨੇ ਛੇਵਾਂ ਸਥਾਨ ਪ੍ਰਾਪਤ ਕੀਤਾ ਹੈ।
ਉਸ ਨੇ 650 ਅੰਕਾਂ ਵਿੱਚੋਂ 638 ਅੰਕ ਪ੍ਰਾਪਤ ਕੀਤੇ ਹਨ, ਜੋ 98.15 ਫ਼ੀਸਦ ਹਨ।
