Sonam teases Shubman Gill because of Sara: ਭਾਰਤੀ ਸਟਾਰ ਕ੍ਰਿਕਟਰ ਸ਼ੁਭਮਨ ਗਿੱਲ ਦਾ ਨਾਂ ਕਾਫੀ ਸਮੇਂ ਤੋਂ ਐਕਟਰਸ ਸਾਰਾ ਅਲੀ ਖ਼ਾਨ ਨਾਲ ਜੁੜਿਆ ਹੋਇਆ ਹੈ। ਜਦੋਂ ਤੋਂ ਸ਼ੁਭਮਨ ਗਿੱਲ ਨੇ ਦੋਹਰਾ ਸੈਂਕੜਾ ਮਾਰਿਆ ਹੈ, ਉਦੋਂ ਤੋਂ ਹਰ ਕਿਸੇ ਦੀ ਜ਼ੁਬਾਨ ‘ਤੇ ਸ਼ੁਭਮਨ ਤੇ ਸਾਰਾ ਦਾ ਨਾਂ ਹੈ।
ਸਾਰਾ ਅਲੀ ਖ਼ਾਨ ਕਾਰਨ ਸ਼ੁਭਮਨ ਗਿੱਲ ਇੰਟਰਨੈੱਟ ‘ਤੇ ਲਗਾਤਾਰ ਟ੍ਰੋਲ ਵੀ ਹੋ ਰਹੇ ਹਨ। ਆਮ ਲੋਕਾਂ ਦੇ ਨਾਲ-ਨਾਲ ਹੁਣ ਫਿਲਮ ਇੰਡਸਟਰੀ ਦੇ ਲੋਕ ਵੀ ਉਸ ਦੀ ਲੱਤ ਖਿੱਚਣ ਲੱਗ ਪਏ ਹਨ। ਲੱਗਦਾ ਹੈ ਕਿ ਹਰ ਕੋਈ ਆਪਣੇ ਤਰੀਕੇ ਨਾਲ ਇਸ ਗੱਲ ਦੀ ਪੁਸ਼ਟੀ ਕਰ ਰਿਹਾ ਹੈ ਕਿ ਉਹ ਸਾਰਾ ਅਲੀ ਖ਼ਾਨ ਨੂੰ ਡੇਟ ਕਰ ਰਿਹਾ ਹੈ ਤੇ ਦੋਵੇਂ ਪਿਆਰ ਵਿੱਚ ਹਨ।
ਦਰਅਸਲ ਪੰਜਾਬੀ ਸਟਾਰ ਸੋਨਮ ਬਾਜਵਾ (Sonam Bajwa) ਨੇ ਸ਼ੁਭਮਨ ਗਿੱਲ ਨੂੰ ਲੈ ਕੇ ਟਵਿਟਰ ‘ਤੇ ਇੱਕ ਟਵੀਟ ਕੀਤਾ ਹੈ, ਜਿਸ ਕਾਰਨ ਸਾਰਾ ਅਲੀ ਖ਼ਾਨ ਦਾ ਨਾਂ ਮੀਡੀਆ ‘ਚ ਚਰਚਾ ‘ਚ ਆਉਣ ਲੱਗਾ ਹੈ। ਸੋਨਮ ਬਾਜਵਾ ਤੇ ਸ਼ੁਭਮਨ ਗਿੱਲ ਦੀ ਇੱਕ ਤਸਵੀਰ ਇੰਟਰਨੈੱਟ ‘ਤੇ ਇੱਕ ਫੈਨ ਨੇ ਸ਼ੇਅਰ ਕੀਤੀ, ਜਿਸ ‘ਚ ਦੋਵੇਂ ਹੱਥ ਮਿਲਾਉਂਦੇ ਨਜ਼ਰ ਆ ਰਹੇ ਹਨ। ਸ਼ੁਭਮਨ ਅਤੇ ਸੋਨਮ ਦੀ ਇਹ ਫੋਟੋ ਇੱਕ ਪੰਜਾਬੀ ਚੈਟ ਸ਼ੋਅ ਦੀ ਹੈ, ਜਿਸ ਵਿੱਚ ਸ਼ੁਭਮਨ ਗਿੱਲ ਵੀ ਨਜ਼ਰ ਆਏ ਸੀ। ਚੈਟ ਸ਼ੋਅ ਦੌਰਾਨ ਸੋਨਮ ਨੇ ਸ਼ੁਭਮਨ ਨੂੰ ਸਾਰਾ ਬਾਰੇ ਪੂਰੀ ਸੱਚਾਈ ਦੱਸਣ ਲਈ ਕਿਹਾ, ਜਿਸ ਦਾ ਵੀਡੀਓ ਇੰਟਰਨੈੱਟ ‘ਤੇ ਵਾਇਰਲ ਹੋਇਆ।
Ye sara ka sara jhoot hai 😂 https://t.co/XNgLbQYPSq
— Sonam Bajwa (@bajwasonam) January 19, 2023
ਸੋਨਮ ਅਤੇ ਸ਼ੁਭਮਨ ਦੀ ਇਸ ਫੋਟੋ ਨੂੰ ਸ਼ੇਅਰ ਕਰਦੇ ਹੋਏ ਫੈਨਸ ਨੇ ਟਵਿਟਰ ‘ਤੇ ਲਿਖਿਆ ਕਿ ਸ਼ਾਇਦ ਇਸੇ ਲਈ ਸ਼ੁਭਮਨ ਗਿੱਲ ਲਗਾਤਾਰ ਵਧੀਆ ਖੇਡ ਰਿਹਾ ਹੈ ਤੇ ਸੈਂਕੜਾ ‘ਤੇ ਸੈਂਕੜਾ ਲਗਾ ਰਿਹਾ ਹੈ। ਸੋਨਮ ਬਾਜਵਾ ਨੇ ਫੈਨ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਲਿਖਿਆ, ‘ਯੇ ਸਾਰਾ ਕਾ ਸਾਰਾ ਝੂਠ ਹੈ।’
ਸੋਨਮ ਬਾਜਵਾ ਨੇ ਆਪਣੇ ਅੰਦਾਜ਼ ‘ਚ ਸਾਰੀ ਗੱਲ ਕਹੀ, ਜਿਸ ਦਾ ਜਵਾਬ ਸ਼ੁਭਮਨ ਗਿੱਲ ਕੋਲ ਵੀ ਨਹੀਂ ਹੈ। ਸ਼ੁਭਮਨ ਗਿੱਲ ਨੇ ਸੋਨਮ ਨਾਲ ਗੱਲ ਕਰਦੇ ਹੋਏ ਇਸ ਗੱਲ ਤੋਂ ਵੀ ਇਨਕਾਰ ਕੀਤਾ ਕਿ ਉਹ ਸਾਰਾ ਅਲੀ ਖ਼ਾਨ ਨਾਲ ਪਿਆਰ ਵਿੱਚ ਹੈ। ਹਾਲਾਂਕਿ ਸੋਨਮ ਬਾਜਵਾ ਦਾ ਇਹ ਟਵੀਟ ਦੱਸ ਰਿਹਾ ਹੈ ਕਿ ਸ਼ੁਭਮਨ ਗਿੱਲ ਤੇ ਸਾਰਾ ਦੋਵਾਂ ‘ਚ ਜ਼ਰੂਰ ਕੁਝ ਤਾਂ ਪੱਕ ਰਿਹਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
