AP Dhillon in Juno Awards 2023: ਪੰਜਾਬੀ-ਕੈਨੇਡੀਅਨ ਸਿੰਗਰ ਤੇ ਰੈਪਰ ਏਪੀ ਢਿੱਲੋਂ ਨੇ ਆਪਣੇ ਗਾਣਿਆਂ ਨਾਲ ਹਮੇਸ਼ਾਂ ਆਪਣੇ ਫੈਨਸ ਦਾ ਦਿਲ ਜਿੱਤਿਆ ਹੈ ਅਤੇ ਲੱਖਾਂ ਫੈਨਸ ਦੇ ਦਿਲਾਂ ‘ਤੇ ਰਾਜ ਕੀਤਾ ਹੈ। ਸਿੰਗਰ ਨੇ Summer High, Desires, Excuses ਵਰਗੇ ਸੌਂਗਸ ਨਾਲ ਪਾਰਟੀਆਂ ‘ਚ ਧਮਾਲ ਕੀਤਾ ਹੈ। ਇਸ ਦੇ ਨਾਲ ਹੀ ਉਸ ਦੇ ਗਾਣਿਆਂ ਨੇ ਪੰਜਾਬੀਆਂ ਦੇ ਨਾਲ ਬਾਲੀਵੁੱਡ ਸਟਾਰਸ ਨੂੰ ਵੀ ਹਮੇਸ਼ਾਂ ਨੱਚਣ ਲਈ ਮਜਬੂਰ ਕੀਤਾ ਹੈ।
ਇਹ ਸਟਾਰ ਆਏ ਦਿਨ ਪੌਪਲੈਰਿਟੀ ਦੀਆਂ ਪੌੜੀਆਂ ਚੜ੍ਹ ਰਿਹਾ ਹੈ। ਜਿਸ ਕਰਕੇ ਉਸ ਦੇ ਨਾਂ ਕੀ ਰਿਕਾਰਡ ਬਣੇ ਹਨ। ਹੁਣ ਇੱਕ ਵਾਰ ਫਿਰ ਏਪੀ ਢਿੱਲੋਂ ਨੇ ਇਤਿਹਾਸ ਰਚਿਆ ਹੈ। ਦੱਸ ਦਈਏ ਕਿ ਆਪਣੇ ਬੇਮਿਸਾਲ ਗੀਤਾਂ ‘ਤੇ ਸਾਰਿਆਂ ਨੂੰ ਨੱਚਣ ਲਈ ਮਜ਼ਬੂਰ ਕਰਨ ਵਾਲੇ ਏਪੀ ਢਿੱਲੋਂ ਜੂਨੋ ਅਵਾਰਡਜ਼ 2023 ਵਿੱਚ ਆਪਣੇ ਪ੍ਰਦਰਸ਼ਨ ਤੋਂ ਬਾਅਦ ਵਿਸ਼ਵ ਪੱਧਰ ‘ਤੇ ਚਮਕ ਰਿਹਾ ਹੈ ਜਿੱਥੇ ਉਸਨੇ ਲਾਈਵ ਪ੍ਰਫਾਰਮੈਂਸ਼ਨ ਦਿੱਤੀ।
ਦੱਸ ਦਈਏ ਕਿ Juno ‘ਚ ਪਹਿਲੀ ਵਾਰ ਪੰਜਾਬੀ ਪ੍ਰਫਾਰਮੈਂਸ ਦੇ ਕੇ ਏਪੀ ਢਿਲੋਂ ਨੇ ਇਤਿਹਾਸ ਰਚਿਆ ਹੈ। ਉਸਨੂੰ ਸੁਪਰਸਟਾਰ ਐਵਰਿਲ ਲੈਵਿਗਨੇ ਨੇ ਇੱਕ ‘ਗਲੋਬਲ ਫੈਨੋਮ’ ਦੇ ਤੌਰ ‘ਤੇ ਸੱਦਾ ਦਿੱਤਾ ਸੀ। ਉਸ ਦੇ ਪ੍ਰਫਾਰਮੈਂਸ ਨੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਤੇ ਸਾਰਿਆਂ ਨੂੰ ਉਸ ਦੇ ਗੀਤਾਂ ਨੇ ਆਪਣਾ ਮੂਰਿਦ ਬਣਾ ਲਿਆ। ਏਪੀ ਨੇ ਆਪਣੇ ਗੀਤ ‘Summer High’ ਨਾਲ ਆਪਣੇ ਪ੍ਰਫਾਰਮੈਂਸ ਦੀ ਸ਼ੁਰੂਆਤ ਕੀਤੀ ਤੇ ਭੀੜ ਵਿੱਚ ਮੌਜੂਦ ਸਾਰੇ ਪੰਜਾਬੀਆਂ ਨੇ ਟਰੈਕ ‘ਤੇ ਤਾੜੀਆਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂ।
ਦੇਖੋ ਏਪੀ ਢਿੱਲੋਂ ਦੀ ਪ੍ਰਫਾਰਮੈਂਸ:
ਇਸ ਬਾਰੇ ਇੰਡੋ-ਕੈਨੇਡੀਅਨ ਸਿੰਗਰ AP Dhillon ਨੇ ਪ੍ਰਫਾਰਮੈਂਸ ਤੋਂ ਪਹਿਲਾਂ ਰੈੱਡ ਕਾਰਪੇਟ ‘ਤੇ ਕਿਹਾ ਕਿ, “ਮੈਂ ਇੱਥੇ ਦੋ ਸੂਟਕੇਸ ਅਤੇ ਇੱਕ ਸੁਪਨਾ ਲੈ ਕੇ ਆਇਆ ਸੀ, ਅਤੇ ਇਹ ਸਿਰਫ ਕੁਝ ਅਜਿਹਾ ਕਰਨ ਲਈ ਸੀ ਜੋ ਲੋਕਾਂ ਨੂੰ ਘਰ ਵਾਪਸ ਜਾਣ ਲਈ ਪ੍ਰੇਰਿਤ ਕਰ ਸਕਦਾ ਹੈ।” “ਪ੍ਰਵਾਸੀ ਜੋ ਇਸ ਦੇਸ਼ ਵਿੱਚ ਉਸੇ ਉਮੀਦ ਨਾਲ ਆਉਂਦੇ ਹਨ ਜੋ ਮੈਨੂੰ ਇੱਥੇ ਰਹਿਣ ਵੇਲੇ ਸੀ।” ਉਸਨੇ ਅੱਗੇ ਕਿਹਾ, “ਇਸ ਲਈ ਮੈਂ ਇੱਥੇ ਪ੍ਰਫਾਰਮੈਂਸ ਕਰਨ ਲਈ ਬਹੁਤ ਐਕਸਾਈਟਿਡ ਹਾਂ ਅਤੇ ਮੈਨੂੰ ਖੁਸ਼ੀ ਹੈ ਕਿ ਆਖਰਕਾਰ ਇਸ ਬ੍ਰਾਊਨ ਕਲਰ ਦੀ ਚਮੜੀ ਨੂੰ ਮਾਨਤਾ ਮਿਲ ਰਹੀ ਹੈ।”
ਏਪੀ ਨੇ ਆਪਣੇ ਸਿੰਗਲਜ਼ ਨਾਲ ਪ੍ਰਸਿੱਧੀ ਪ੍ਰਾਪਤ ਕੀਤੀ, ਜਿਸ ਵਿੱਚ ‘Excuses’, ‘Brown Munde,’ ‘Insane’ ਅਤੇ ‘Summer High’ ਸ਼ਾਮਲ ਹਨ, ਜੋ Apple Music ਅਤੇ Spotify ‘ਤੇ ਵੀ ਫੇਮਸ ਹਨ ਅਤੇ ਚਾਰਟ ‘ਤੇ ਰਿਕਾਰਡ ਤੋੜ ਰਹੇ ਹਨ। ਸਿੰਗਰ ਨੇ 2019 ਵਿੱਚ ਆਪਣੇ ਟ੍ਰੈਕ ‘ਫੇਕ’ ਨਾਲ ਕੈਨੇਡੀਅਨ ਮਿਊਜ਼ਿਕ ਸੀਨ ਵਿੱਚ ਆਪਣੀ ਪਛਾਣ ਬਣਾਈ ਜੋ ਪੰਜਾਬੀ ਮਿਊਜ਼ਕਿ ਦੇ ਨਾਲ ਪੌਪ, ਆਰ ਐਂਡ ਬੀ, ਤੇ ਹਿੱਪ-ਹੌਪ ਦਾ ਕੌਬਿਨੇਸ਼ਨ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
