Himanshi Khurana News: ਹਾਲ ਹੀ ‘ਚ ਬਾਲੀਵੁੱਡ ਜੋੜੇ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਨੇ ਇੱਕ ਦੂਜੇ ਨਾਲ ਵਿਆਹ ਕੀਤਾ ਹੈ। ਇਹ ਸ਼ਾਹੀ ਵਿਆਹ ਰਾਜਸਥਾਨ ‘ਚ ਹੋਇਆ ਤੇ ਉਨ੍ਹਾਂ ਦੀਆਂ ਤਸਵੀਰਾਂ-ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਜਿੱਥੇ ਕਈ ਮਸ਼ਹੂਰ ਹਸਤੀਆਂ ਨੇ ਜੋੜੇ ਨੂੰ ਆਸ਼ੀਰਵਾਦ ਦਿੱਤਾ, ਉੱਥੇ ਹੀ ਹਿਮਾਂਸ਼ੀ ਖੁਰਾਣਾ ਨੇ ਵੀ ਸਿਧਾਰਥ ਤੇ ਕਿਆਰਾ ਦੇ ਵਿਆਹ ਦੀ ਤਸਵੀਰ ਸਾਂਝੀ ਕੀਤੀ।
ਦੋਵਾਂ ਸਟਾਰਸ ਦੀ ਫੋਟੋ ਸ਼ੇਅਰ ਕਰਨ ਦੇ ਨਾਲ ਹਿਮਾਂਸ਼ੀ ਨੇ ਆਪਣੇ ਵੱਲ ਵੀ ਲੋਕਾਂ ਦਾ ਧਿਆਨ ਖਿੱਚਿਆ। ਪੰਜਾਬੀ ਦੀਵਾ ਹਿਮਾਂਸ਼ੀ ਖੁਰਾਣਾ ਯਕੀਨਨ ਬਹੁਤ ਸਾਰੇ ਮੁੰਡਿਆਂ ਦੀ ਡ੍ਰੀਮ ਗਰਲ ਹੈ। ਉਹ ਸ਼ਾਨਦਾਰ, ਪ੍ਰਤਿਭਾਸ਼ਾਲੀ ਤੇ ਇੱਕ ਡਿਜ਼ਾਇਰੈਬਲ ਬੈਚਲਰ ਹੈ। ਪਰ ਹੋ ਸਕਦਾ ਹੈ ਕਿ ਉਹ ਜ਼ਿਆਦਾ ਦੇਰ ਤੱਕ ਹੁਣ ਬੈਚਲਰ ਨਾ ਰਹੇ। ਜੀ ਹਾਂ, ਕਿਆਸ ਲਗਾਏ ਜਾ ਰਹੇ ਹਨ ਕਿ ਹਿਮਾਂਸ਼ੀ ਖੁਰਾਨਾ ਜਲਦ ਹੀ ਵਿਆਹ ਕਰ ਸਕਦੀ ਹੈ।
ਦੱਸ ਦਈਏ ਕਿ ਹਿਮਾਂਸ਼ੀ ਨੇ ਆਪਣੀ ਸਨੈਪਚੈਟ ਸਟੋਰੀ ‘ਤੇ ਤਸਵੀਰ ਸ਼ੇਅਰ ਕੀਤੀ ਹੈ ਤੇ ਉਸ ਦੇ ਕੈਪਸ਼ਨ ਨੇ ਫੈਨਸ ‘ਚ ਐਕਸਾਇਟਮੈਂਟ ਵਧਾ ਦਿੱਤੀ ਹੈ। ਦਰਅਸਲ, ਕੈਪਸ਼ਨ ਵਿੱਚ ਹਿਮਾਂਸ਼ੀ ਨੇ ਰੈੱਡ ਹਾਰਟ ਇਮੋਜੀ ਦੇ ਨਾਲ ‘ਜਲਦੀ’ ਲਿਖਿਆ ਹੈ।
ਹਾਲਾਂਕਿ ਹਿਮਾਂਸ਼ੀ ਨੇ ਕੁਝ ਸਪੱਸ਼ਟ ਤੌਰ ‘ਤੇ ਜ਼ਿਕਰ ਨਹੀਂ ਕੀਤਾ, ਪਰ ਫੈਨਸ ਅੰਦਾਜ਼ਾ ਲਗਾ ਰਹੇ ਹਨ ਕਿ ਹਿਮਾਂਸ਼ੀ ਨੇ ‘ਜਲਦੀ’ (soon) ਦੇ ਨਾਲ ਪੋਸਟ ਦੇ ਕੈਪਸ਼ਨ ਦਾ ਮਤਲਬ ਹੈ ਕਿ ਐਕਟਰਸ ਵੀ ਜਲਦੀ ਹੀ ਵਿਆਹ ਕਰਾਉਣ ਵਾਲੀ ਹੈ। ਹੋ ਸਕਦਾ ਹੈ ਕਿ ਹਿਮਾਂਸ਼ੀ, ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਦੀ ਤਰ੍ਹਾਂ ਵਿਆਹ ਕਰੇ।
ਦੱਸ ਦਈਏ ਕਿ ਹਿਮਾਂਸ਼ੀ ਖੁਰਾਨਾ ਬਿੱਗ ਬੌਸ ਦੇ ਕੋ ਕੰਟੈਸਟੈਂਟ ਆਸਿਮ ਰਿਆਜ਼ ਨੂੰ ਡੇਟ ਕਰ ਰਹੀ ਹੈ। ਇਹ ਜੋੜੀ ਸੋਸ਼ਲ ਮੀਡੀਆ ‘ਤੇ ਸਭ ਤੋਂ ਵੱਧ ਚਹੇਤਿਆਂ ‘ਚੋਂ ਇੱਕ ਹੈ ਅਤੇ Asimanshi ਦੇ ਸਾਰੇ ਫੈਨਸ ਇਨ੍ਹਾਂ ਦੇ ਵਿਆਹ ਦਾ ਇੰਤਜ਼ਾਰ ਕਰ ਰਹੇ ਹਨ।
ਹਿਮਾਂਸ਼ੀ ਅਤੇ ਆਸਿਮ ਦੋਵਾਂ ਨੇ ਆਪਣੇ ਵਿਆਹ ਦੀ ਯੋਜਨਾ ‘ਤੇ ਕਦੇ ਕੋਈ ਟਿੱਪਣੀ ਨਹੀਂ ਕੀਤੀ। ਪਰ ਹੁਣ ਕਿਉਂਕਿ ਹਿਮਾਂਸ਼ੀ ਨੇ ਖੁਦ ਕੁਝ ਸੰਕੇਤ ਦਿੱਤੇ ਹਨ, ਆਓ ਇਸ ਅੰਦਾਜ਼ੇ ਵਾਲੇ ਵਿਆਹ ਬਾਰੇ ਹੋਰ ਅਪਡੇਟਾਂ ਦਾ ਇੰਤਜ਼ਾਰ ਕਰੀਏ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
